उत्पत्ती 48:10 - Sunuwar Bible

¹⁰ इस्राएल खाल्‍पा दुम्‍शा, आ मिक्‍च रिम्‍शो मताइब दुम्‍शो बाक्‍माक्‍त। मोपतीके मेको आस कली मतुइक्‍ता बाक्‍त। मिनु योसेफमी मेको आस नेक्‍था चाक्‍दीस्‍सी बाक्‍त। मिनु इस्राएलमी मेको आस कली पुक्‍पु पाइश्‍शा, मुबा बाक्‍त।

उत्पत्ती 48:10 ပူးပေါင်းရင်းမြစ်များ

उत्पत्ती 27:1

मिनु इसहाक खाल्‍पा दुम्‍शा, ब्राब्रा पा मिक्‍च मताइब दुम्‍माक्‍त। मिनु मेकोमी आ ङोंइती जरमेशो तौ एसाव कली “आं तौ” दे ब्रेत्‍ता बाक्‍त। मिनु एसावमी “मार देंनी?” दे लोव़ लेत्‍ता बाक्‍त।

उत्पत्ती 27:27

मिनु आ नेक्‍था लशा, पुक्‍पु पवा बाक्‍त। इसहाकमी आ वा आ रिना नाम्‍शा, आसीक गेवा बाक्‍त। मिनु मेकोमी “आं तौ आ रिना परमप्रभु यावेमी आसीक गेशो रू आ रिना खोदेंशो बाक्‍ब।

उत्पत्ती 31:55

मिनु लाबान सुनी कना बोक्‍शा, आ तमी नु आ चच आन कली पुक्‍पु पाइश्‍शा, आसीक गेशा, आ खिं लेम्‍माक्‍त।

उत्पत्ती 45:15

मिनु नोले आ लोक्‍ब नेल्‍ल आन कली मुप्‍शा, पुक्‍पु पाइश्‍शा ङाक्‍माक्‍त। मिनु नोले आ लोक्‍बपुकीमी लोव़ पचा गोव़मे बाक्‍त।

उत्पत्ती 48:11

मिनु योसेफ कली “गो इ कुल ताइनुङ दे ममिम्‍शो नङ। तन्‍न परमप्रभुमी आं कली इ आल आन कली यो कोंइताक्‍यी” देंमाक्‍त। उत्‍पत्ती ३७:३३-३५; उत्‍पत्ती ४५:२६; भजन संग्रह १२८:६

उत्पत्ती 48:8

मिनु इस्राएलमी योसेफ आ तौ निक्‍शी आस कली तशा “मेको निक्‍शी सु नसी?” दे हिल्‍लो पवा बाक्‍त।

१ राजा 19:20

मिनु एलीशामी आ ब्‍यफ प्रोंइशा, एलीया आ नोनोले दोरमाक्‍त। मिनु मेकोम “आं कली आं आंम आफ आस कली पुक्‍पु पाइक्‍चा गेयीनी। मिनु इन नोले खोइक्‍नुङ” देंमाक्‍त। मिनु एलीयाम “लावो, गो इ कली मार पङा मेको मिम्‍तो” दे मदा बाक्‍त। लूका ९:६१-६२

उपदेसक 12:3

खिं खाल पाइबपुकी ख्रिंख्रि पाइनीम। बोल्‍यो मुरपुकी खूशो दुम्‍नीम। यात हिल्‍ब मीश मुर शुश मबाक्‍तीके, आन गेय नाइक्‍नीम। मिनु झेल रे कोव़ब आन मिक्‍च ब्राब्रा दुम्‍ब।

यसैया 59:1

कोव़ङीन, परमप्रभु यावे आ मुर आन कली पाप रे प्रोंइतीक सक्ति मपाइश्‍शो मदुम्‍शो बाक्‍ब। आ नोफा मथांइशो बाक्‍ब। यसैया ५०:२

यसैया 6:10

मेको आन थुं खकटा सेलो। आन नोफा मनेंब नु आन मिक्‍च मताइब सेलो। मोदेंशो दुम्‍शा, मेको आन मिक्‍च मताइब नु नोफा मनेंब दुम्‍नीम। मोदेंशो मदुम्‍त हना, मेको आं गे लेत्‍नीम। मिनु गो मेको आन कली सापाइक्‍चा माल्‍नुङ” देंत। ब्‍यवस्‍था २९:३; रोमी ११:८

ब्‍यवस्‍था 34:7

मोसा बेक्‍मेनु, मेको सहे का २१ बर्स दुम्‍शो बाक्‍त। मेको आ मिक्‍च ब्राब्रा मदुम्‍शो बाक्‍त। आ बोल यो मग्‍युम्‍शो बाक्‍त। ब्‍यवस्‍था ३१:२

१ सामुएल 3:2

मिनु काबु नाक्‍दो एली आ इप्‍तीकेमी गोल्‍शा बाक्‍माक्‍त। आ मिक्‍च ब्राब्रा दुम्‍शा, रिम्‍शो पा तने मचाप्‍ब दुम्‍शो बाक्‍माक्‍त।

१ सामुएल 4:15

मेना एली ९८ बर्स दुम्‍शो बाक्‍माक्‍‍त। मिनु मिक्‍च मताइब दुम्‍शो बाक्‍माक्‍त। १सामुएल ३:२