उत्पत्ती 45:1 - Sunuwar Bible

¹ मिनु नोले योसेफमी आ मुर नेल्‍ल आन ङोंइती फाल्‍ने मचबा बाक्‍त। मिनु “आं गेय पाइब नेल्‍ल एकेर रे लने” दे सोइक्‍पदा बाक्‍त। मिनु योसेफमी आंम कली आ लोक्‍ब आन कली तुइक्‍पदानु, कोठामी सुइ मबाक्‍शो बाक्‍मा बाक्‍त।

उत्पत्ती 45:1 ပူးပေါင်းရင်းမြစ်များ

उत्पत्ती 42:24

मिनु योसेफ आ लोक्‍बपुकी रे लशा ङाक्‍माक्‍त। मिनु लेश्‍शा जाक्‍शा, मेकोपुकी नु लोव़ पशा, मेको आन ङोंइती सिमियोन कली पाइक्‍ता बाक्‍त।

उत्पत्ती 44:34

गो आं आफ आ ङोंइती एको वोंइश आल मलाइक्‍थु, दोपा लने चाप्‍नुङा? आं आफ आ श्‍येत तशा, गो यो फाल्‍ने मचाप्‍नुङ” दे यहूदामी योसेफ कली देंमाक्‍त।

२ सामुएल 1:20

गाथम एको लोव़ मपने। अश्‍कलोन ङा लांम एको लोव़ मपने। मो पाइतीनी हना, पलिस्‍ती आन तमी ग्‍येरसीनीम। ख्रोइक्‍तीक चिनु मख्रोइश्‍शो आन तमी ग्‍येरसीनीम।

२ सामुएल 13:9

मिनु मेकोम तांइ शेशा अम्‍नोन आ बाक्‍तीक लशा, शोब्‍ले कुर पवा बाक्‍त। तन्‍न अम्‍नोन जने मबिस्‍से बाक्‍त। मिनु अम्‍नोनमी “नेल्‍ल आन कली लाङगा सोइक्‍तो” देंमाक्‍त। मिनु मुर नेल्‍ल लमा बाक्‍त।

यसैया 42:14

मिनु “गो शुश सिक्‍सी पा बाक्‍ती, ब्‍वालेइ पा आंम कली तेक्‍शा बाक्‍ती। मुल आल थिचशो मीश मुर बुदी, वाइ ब्रेत्‍नुङ। आं सोक्‍त कीनुङ।

येरमीया 20:9

गो मेको आ पर्बम लोव़ मपाइनुङ। आ नें थिशा लेंशा लोव़ मपाइनुङ देंती हना यो, आ थुंमी ब्रशो मी खोदेंशो दुम्‍त। आं रुशपुकीम तेक्‍शा वोदुनु, मी खोदेंशो दुम्‍त। गो मेको कली तेक्‍शा दती। गो थमा पा, मेको कली तेक्‍ने मचाप्‍नुङ। १कोरिन्‍थी ९:१६

जकरिया 12:10

मिनु परमप्रभुमी “गो दाऊद आ खिं ङा मुर नु यरूसलेममी बाक्‍ब मुर आन तारी शिशी पतीक नु पुंइतीक लोव़ पतीके सोक्‍त मोइक्‍नुङ। मो दुम्‍मेनु, आ साइश्‍शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्‍नीम। योएल ३:१; यूहन्‍ना १९:३७; प्रकाश १:७

मत्ती 18:15

इ लोक्‍बमी इ कली मरिम्‍शो पाप्‍तु हना, गे निक्‍शी बाक्‍सीनु, एको ओदेंशो मरिम्‍शो पाप्‍तीवी, दे तुइक्‍पतो। इ लोव़ बीसाक्‍व हना, मेको कली आम के सेल्‍नेवे। लेवी १९:१७; लूका १७:३; गलाती ६:१

प्रेरित 10:41

हना यो मुर नेल्‍लेमी मताम। गोपुकीमी चहिं ताइतक। मारदे हना ङोंइती रे गोपुकी सांकछी दुम्‍चा कली योव़शो नकी। येसु बेक्‍शो रे सेंसीशा, गोपुकी नु बाक्‍शा काथा जाइतक, काथा तूतक। यूहन्‍ना १४:१९,२२; लूका २४:३०,४३

प्रेरित 7:13

मिनु ग्‍याप्‍शा चाक्‍ग्‍मेनु, मजाक्‍दीत्‍थु, लेंशा सोइक्‍तीमी बाक्‍त। मोपा लमानु, योसेफमी आ लोक्‍ब आन कली ‘गो इन लोक्‍ब योसेफ नङ’ दे तुइक्‍पपांइसे बाक्‍त। में ङा मेरे फाराओमी मेकोपुकी योसेफ आ मुर बाक्‍मा बाक्‍त, दे तुइक्‍ता बाक्‍त।

१ कोरिन्‍थी 13:5

दाक्‍तीकेमी ठेयब मलेप्‍ब नु मुने दोक्‍चा ङा लोव़ मपाइब। दाक्‍तीकेमी आं के ला ठीक मदेंब। दाक्‍तीकेमी रीब पा मचुरब, ईख मकुरब। फिलिप्‍पी २:४