उत्पत्ती 42:9 - Sunuwar Bible

⁹ मिनु योसेफम आ लोक्‍ब आन पर्बम आ ङोमु मिम्‍ता बाक्‍त। मिनु मेको आन कली “गे क्‍यारी पाइब बाक्‍नीनी। एको रागीम ते रे ओव़चा, दे कोव़थ जाक्‍तीनी” दे आ लोक्‍ब आन कली माइक्‍मी बाक्‍त। उत्‍पत्ती ३७:५-९

उत्पत्ती 42:9 ပူးပေါင်းရင်းမြစ်များ

उत्पत्ती 37:11

मिनु आ लोक्‍बपुकीमी योसेफ कली मदाक्‍तमे बाक्‍त। आ आफोम चहिं योसेफ आ देंशो मिम्‍शा आ थुंमी वोदा बाक्‍माक्‍त।

उत्पत्ती 42:16

इन दाते ङा का कली इन लोक्‍ब कान्‍छा ब्रथ सोइक्‍तीन। मेना सम्‍म गे एक जेल्‍खानम बाक्‍नीनी। इन लोव़ थमा बाक्‍म कों, जोल बाक्‍म कों, नोले तुंइ‍सीब। गे इन लोक्‍ब कान्‍छा मचाक्‍तीनी हना, फाराओ आ नेंमी गे क्‍यारी पाइब बाक्‍नीनी” देंमाक्‍त।

उत्पत्ती 42:34

मिनु इन लोक्‍ब कान्‍छा कली एक चाक्‍कीन। मेको नोले ला गेपुकी क्‍यारी पाइब मननी, दे तुइक्‍नुङ। मेना इन लोक्‍ब कली प्रोंइशा, लचा गेनुङ’ दे माइक्‍तीकी” दे आन आफ कली देंमा बाक्‍त।

२ सामुएल 10:3

अम्‍मोनी आन कली सासन पाइबम आन प्रभु हानुन कली “दाऊदमी इन आफ कली ठेयब सेल्‍चा आ पर्बम इन कली लेम्‍शो लोव़ नेंपाइक्‍थ सोइश्‍‍शो बाक्ब, दे थमा सुइक्‍नीनी? एको मुरपुकी क्‍यारी पाइब नम। दाऊदमी एको आन कली इन सहर दोपा ओव़चा, दे क्‍यारी पथ सोइश्‍शो बाक्‍ब” देंमा बाक्‍त।

प्रस्‍थान 32:35

मिनु परमप्रभु यावेमी इस्राएल ङा मुर आन कली बेक्‍तीक रोइ पपाइक्‍तु। मारदे हना मेकोपुकीमी हारून कली मेको सुन के बाछा सेल्‍पाइश्‍शो बाक्‍तेक्‍म।

गन्‍ती 13:2

“गे कनान रागी क्‍यारी पाइब मुरपुकी सोइक्‍तो। गो मेको रागी इस्राएली आन कली गेनुङ। मेको आन थर थर रे पा मुर का का सोइक्‍तो। मेको आन मुर आन दाते ङा ठेयब मुर दुम्‍चा माल्‍नीम” देंत।

लूका 20:20

सास्‍त्री नु ठेयब चढ़ेबपुकीमी मुर योव़शा, येसु आ थुं नाक्‍शा, आ लोव़ खुइ पथ सोइक्‍तमे बाक्‍त। मारदे हना दोस गेशा हुकुम पाइब आ गुइमी गेचा माल्‍शो बाक्‍मा बाक्‍त। मेको सोइश्‍शोपुकीमी येसु आ लोव़ नेंशा, थमा सुइश्‍शो खोदेंशो प‍खु पामे बाक्‍त। लूका ११:५४; लूका २३:२

हिब्रू 11:31

ङोंइती राहाब तेल्‍लेममी मोसाम सोइश्‍शो क्‍यारी पाइब आन कली जतीक बाक्‍तीक गेशा मान पशो बाक्‍माक्‍त। मिनु आन देंशो लोव़ थमा सुइक्‍तीके मटीब नेल्‍ल नु मबेक्‍थु, ब्रोंइचा तवा बाक्‍त। याकूब २:२५

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

यहोसु 6:23

मिनु मेको ङोंइती क्‍यारी पाइब ठिटा निक्‍शी मेको आ खिं ओव़शा, राहाब कली ग्रुंइताक्‍स। मेको नु आ आम आफ आ लोक्‍ब नु आ खिं ङा मुर नेल्‍ल आन कली यो ग्रुंइताक्‍स। मिनु मेको आन कली इस्राएली आन बाक्‍तीके आ लाङगाम बाक्‍चा गेम्‍ताक्‍स। गन्‍ती ३१:१९

न्‍यायाधीस 1:24

मेको क्‍यारी पाइबपुकीमी मुर का कली बेथेल सहर रे ग्रूशो तशा, मेको कली “सहर दोपा ओव़चा? आंइ कली शेंदीन। गो इन कली मारेइ यो मरिम्‍शो मपाइनीकी” देंमा बाक्‍त।

१ सामुएल 26:4

दाऊदमी क्‍यारी पाइबपुकी सोइक्‍ता बाक्‍त। मिनु सावल आ बाक्‍तीके तुइश्‍शा लेम्‍मा बाक्‍त।