उत्पत्ती 42:6 - Sunuwar Bible

⁶ मिनु योसेफ सरकार ङा ठेयब मुर दुम्‍शा, रागी नेल्‍ल ङा मुर आन कली अन्‍न लेयपदा बाक्‍त। योसेफ आ लोक्‍बपुकी जाक्‍शा, योसेफ आ ङोंइती खुम्‍की पा बाप्‍शा, सेउ पामे बाक्‍त।

उत्पत्ती 42:6 ပူးပေါင်းရင်းမြစ်များ

उत्पत्ती 18:2

मिनु मुर सां ग्रूशा, आ ङोंइती राप्‍शो तवा बाक्‍त। मेको आन कली तशा, छुल बोक्‍शा बाप्‍शा, सेउ पवा बाक्‍त। हिब्रू १३:२

उत्पत्ती 19:1

मेको परमप्रभु यावे आ स्‍वर्ग ङा गेय पाइब निक्‍शी सोदोम सहरम नाक्‍नाक्‍दो जाक्‍दीस्‍सा बाक्‍त। मेना लोत सहर आ गारो ङा ठेयब लाप्‍चो आ नेक्‍था निश्‍शा बाक्‍मेनु, ग्रुम्‍से बाक्‍त। मिनु लोतमी मेको आस कली तशा बोक्‍शा, खुम्‍की पा बाम्‍माक्‍त। उत्‍पत्ती १८:२२

उत्पत्ती 33:3

मिनु मेको नेल्‍ल आन ङोंइती आंमा गाक्‍माक्‍त। मिनु मेको आ लोक्‍ब ग्रुम्‍चा क्‍येङा ङोंइती ७ खेयप खुम्‍की पा बाम्‍माक्‍त।

उत्पत्ती 41:43

मिनु फाराओमी योसेफ कली आ नोले ङा बग्‍गीमी ङोइक्‍पदा बाक्‍त। मिनु योसेफ आ ङोंइती बाक्‍बपुकीमी “योसेफ आ ङोंइती पोक्‍च थेक्‍शा, सेउ पने” दे ब्रेम्‍मा बाक्‍त। मोपा इजीप्‍त रागी ङा हुकुम पाइब सेला बाक्‍त। एस्‍तर १०:३

उत्पत्ती 41:54

मिनु योसेफ आ देंशो ७ बर्स ङा अन्‍काल दुम्‍चा गोवा बाक्‍त। मेको अन्‍काल रागी रागी नेल्‍लेमी दुम्‍माक्‍त। इजीप्‍त रागीमी चहिं अन्‍न थिंसे बाक्‍त।

उत्पत्ती 41:57

मिनु अर्को रागी ङा मुरपुकी यो इजीप्‍त रागीमी अन्‍न ग्‍याप्‍थ, योसेफ आ ङोंइती जाक्‍मा बाक्‍त। मारदे हना मेको अन्‍कालम रागी नेल्‍ल ग्रोइक्‍माक्‍त।

उत्पत्ती 44:14

मिनु यहूदा नु आ लोक्‍बपुकी योसेफ आ खिं जाक्‍मानु, योसेफ मेक उइ बाक्‍माक्‍त। मेको आ ङोंइती खुम्‍की पा बाम्‍मा बाक्‍त।

उत्पत्ती 45:26

मिनु आन आफ कली “योसेफ मुल यो ब्रोंइशो बाक्‍त। इजीप्‍त रागीम हुकुम पाइब मेको बाक्‍माक्‍त” दे लोव़ पामे बाक्‍त। याकूबम चहिं आन देंशो थमा मसुदा बाक्‍त।

उत्पत्ती 45:8

मोपतीके गेपुकीमी आं कली एक सोइश्‍शो ममाइ, परमप्रभुमी सोइश्‍शो बाक्‍त। मेकोमी आं कली फाराओ आ आफ खोदेंशो सेल्‍शा, आ खिं ङा होव़प नु इजीप्‍त रागी नेल्‍ल ङा हुकुम पाइब सेल्‍ती।

उत्पत्ती 48:12

मिनु योसेफम मेको आस कली आ आफ आ थुकु रे याक्‍शा, खुम्‍की पा सेउ पवा बाक्‍त।

हितोपदेस 11:26

अरु आन कली अन्‍न मगेथु खेक्‍शा वोइक्‍ब मुर सराप पाइक्‍चा पुंइसीब। तन्‍न अन्‍न लेयब मुर आसीक ताइब।

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

प्रेरित 7:10

मिनु आ श्‍येत रे प्रोंइबाक्‍माक्‍त। मिनु योसेफ इजीप्‍त रागी ङा पिप फाराओ आं ङोंइती जाक्‍मेनु, मेकोमी आ जोक्‍तीक तुइक्‍तीक थुं तशा, योसेफ कली शुश दाक्‍शो बाक्‍माक्‍त। मिनु पिप फाराओम योसेफ कली आ रागी ङा ठेयब मुर सेला बाक्‍त।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

१ सामुएल 20:41

मिनु मेको वोंइश आल लम नोले, दाऊद आ ख्रुइक्‍तीक फुल्‍लु आ नोले रे ग्रूशा, खेयप सां बाप्‍शा मान पवा बाक्‍त। मिनु मेको निक्‍शी पुक्‍पु पाइक्‍मुसा बाक्‍त। मिनु निम्‍फा ङाक्‍सा बाक्‍त। दाऊद योनाथन क्‍येङा शुश ङाक्‍माक्‍त।