उत्पत्ती 42:4 - Sunuwar Bible

⁴ याकूबमी योसेफ आ लोक्‍ब बेन्‍यामीन कली चहिं श्‍येत दुम्‍बा कों, दे हिंशा, आ लोक्‍बपुकी नु मसोइक्‍ता बाक्‍त।

उत्पत्ती 42:4 ပူးပေါင်းရင်းမြစ်များ

उत्पत्ती 11:4

मिनु नोले मेकोपुकीमी “गोपुकी इं कली सहर का सेल्‍सीय, ठेयब लाइश्‍शो सरीङ थिचा ङा खिं का सेल्‍य। इं नें ठेयब सेल्‍सीशा, इं मुरपुकी रागी नेल्‍लेमी मब्राथु बाक्‍य” देंमुमा बाक्‍त।

उत्पत्ती 3:22

मिनु परमप्रभु यावेमी “मुर इं खोदेंशो दुम्‍त। रिम्‍शो नु मरिम्‍शो तुइक्‍ब दुम्‍त। मेको ब्रोंइपाइक्‍ब रवा आ फल यो सेक्‍शा, ब्‍वाप्‍तु हना, गेना हना यो ब्रोंइब, गेनायो मबेक्‍ब दुम्‍ब” देंमाक्‍त।

उत्पत्ती 35:24

राहेल आ तौ योसेफ नु बेन्‍यामीन बाक्‍सा बाक्‍त।

उत्पत्ती 42:3

मिनु योसेफ आ १० जना लोक्‍बपुकी इजीप्‍त अन्‍न ग्‍याप्‍थ लमा बाक्‍त।

उत्पत्ती 42:38

मेकोमी “आं तौ गे नु लचा मगेनुङ। आ लोक्‍ब बेक्‍त, आ का ला बाक्‍ब। मेको कली लांमी मार मार दुम्‍ने चाप्‍ब। बेक्‍त हना, गेपुकीमी चां बोइश्‍शो आं कली ठेयब श्‍येत जपाइश्‍शा तुरसुम वोइक्‍चा माल्‍नीनी” दे याकूबम आ तौ आन कली माइक्‍मी बाक्‍त।

उत्पत्ती 43:14

नेल्‍ल क्‍येङा सक्ति पाइश्‍शो परमप्रभुमी मेको मुर आ ङोंइती इन कली शिशी गेवल। मिनु इन अर्को लोक्‍ब नु बेन्‍यामीन यो सोइक्‍तल। गो श्‍येत जचान माल्‍शो बाक्‍ती हना यो, श्‍येत जङल” दे आ तौ आन कली माइक्‍मी बाक्‍त।

उत्पत्ती 43:29

मिनु योसेफमी आ लोक्‍ब बेन्‍यामीन, आ ममा आ तौ तशा “इन देंशो इन लोक्‍ब कान्‍छा एकोन बाक्‍बा?” देंशा, बेन्‍यामीन कली “परमप्रभुमी इ कली शिशी पवल, आं तौ” देंमाक्‍त।