उत्पत्ती 41:40 - Sunuwar Bible

⁴⁰ इ कली आं रागी ङा मुर आन कली हुकुम पाइब सेल्‍नन। इ देंशो लोव़ मुर नेल्‍लेमी टिचा माल्‍नीम। गे आं सरकार ङा गेय पाइब नेल्‍ल आन क्‍येङा ठेयब मुर दुम्‍नीनी। गो सिरपेचम पतीके ला इ क्‍येङा ठेयब बाक्‍नुङ। भजन संग्रह ११३:७

उत्पत्ती 41:40 ပူးပေါင်းရင်းမြစ်များ

उत्पत्ती 39:9

आं कली आ खिं ङा नेल्‍ल क्‍येङा ठेयब सेल्‍ती। मार मार बाक्‍मा, नेल्‍ल जिम्‍मा गेती। इन कली चहिं आं कली मगेयी। मारदे हना गे आ मीश ननी। गो दोपा परमप्रभु आ ङोंइती मोदेंशो मरिम्‍शो पाप पने चाप्‍नुङा? गो मपाइनुङ?” दे मदा बाक्‍त। प्रस्‍थान २०:१४; लेवी १८:२०

उत्पत्ती 44:18

मिनु यहूदा मेको आ नेक्‍था लशा “आं प्रभु, लोव़ का पचा गेयीनी। इन गेय पाइब आ पर्बम मगाइक्‍तीने। गे फाराओ खोदेंशो बाक्‍नीनी।

उत्पत्ती 45:26

मिनु आन आफ कली “योसेफ मुल यो ब्रोंइशो बाक्‍त। इजीप्‍त रागीम हुकुम पाइब मेको बाक्‍माक्‍त” दे लोव़ पामे बाक्‍त। याकूबम चहिं आन देंशो थमा मसुदा बाक्‍त।

एस्‍तर 10:3

मेको यहूदी मोरदेकै पिप अहासूरस आ नोले, मेको आ रागी ङा नेल्‍ल क्‍येङा ठेयब मुर दुम्‍त। मेको यहूदी आन दातेमी यो नेल्‍ल क्‍येङा ठेयब मान तशो मुर बाक्‍त। मिनु आ लोक्‍बपुकीमी मेको कली शुश दाक्‍ताक्‍म। मारदे हना मेकोमी आ मुर आन कली रिम्‍शो नु आन थुं नुचा ङा गेय पाप्‍तु। मिनु मेकोमी नेल्‍ल रिम्‍शो दुम्‍ल, दे आ जात ङा मुर आन पर्बम पिप कली लोव़ पाप्‍तु।

एस्‍तर 3:1

मिनु नोले पिप अहासूरसमी अगाग आ मुर हम्‍मदाता आ तौ हामान कली आ मान बारपाइक्‍तु। मिनु मेको कली हुकुम पाइब नेल्‍ल आन क्‍येङा ठेयब सेल्‍शा, ठेयब मान गेशा वोइक्‍तु। १सामुएल १५:३२; प्रस्‍थान १७:१४-१६

अय्‍युब 31:27

मेकोम आं थुं कली ख्रुइश्‍शोमी हेंथे मिम्‍ब सेल्‍शो बाक्‍ती हना, मेको कली पुक्‍पु पाइक्‍चा कली आं गुइ क्‍युक्‍शो बाक्‍ती हना,

भजन संग्रह 2:12

मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी।

हितोपदेस 22:29

जोक्‍ब गेय पाइब आन कली तनी? मेकोपुकी पिप आन कली गेय पाइब दुम्‍नीम। मेकोपुकीमी आइक्‍च मुर आन कली गेय मपाइनीम।

दानीएल 5:29

मिनु पिप बेल-शजरमी “दानीएल कली प्‍याजी वा फेक्‍तीन। सुन के माला रेल्‍दीन। मिनु मुर नेल्‍ल आन कली ‘मेको राज्‍य ङा पिप, आं क्‍येङा नु आं ठेयब गेय पाइब क्‍येङा नोले ङा हुकुम पाइब बाक्‍ब’ दे मुर नेल्‍ल आन कली शेंदीन” देंत। दानीएल २:२८; उत्‍पत्ती ४१:४२-४३

दानीएल 6:3

मिनु दानीएल अरु ठेयब कोव़ब मुर नु पारसी रागी ङा सहे का २० जना हुकुम पाइब नेल्‍ल आन दातेमी नेल्‍ल आन क्‍येङा निप्‍स पाइश्‍शो नु रिम्‍शो थुं पाइश्‍शो बाक्‍‍त। मोपतीके पिपमी “गो मेको कली रागी नेल्‍ल कली हुकुम पाइब सेल्‍नुङ” दे मिम्‍ता बाक्‍त।

प्रेरित 7:10

मिनु आ श्‍येत रे प्रोंइबाक्‍माक्‍त। मिनु योसेफ इजीप्‍त रागी ङा पिप फाराओ आं ङोंइती जाक्‍मेनु, मेकोमी आ जोक्‍तीक तुइक्‍तीक थुं तशा, योसेफ कली शुश दाक्‍शो बाक्‍माक्‍त। मिनु पिप फाराओम योसेफ कली आ रागी ङा ठेयब मुर सेला बाक्‍त।

१ सामुएल 10:1

मिनु सामुएलमी तेल कुरतीक रे तेल ग्रुंइशा, सावल आ पिया तार लुक्‍ता बाक्‍त। मिनु मेको कली पुक्‍पु पा “परमप्रभु यावेमी इ कली आ मुर इस्राएली आन पिप सेल्‍तु। गे आ मुर आन कली सासन पाइक्‍नेवे। मिनु गे मेको आन एर ओंथ ङा जोरी सत्रु आन गुइ रे प्रोंइनेवे। परमप्रभु यावेम थमा पा इन कली आ मुर आन कली सासन पाइब सेल्‍शो आ चिन्‍ड मार बाक्‍ब देंशा हना,