उत्पत्ती 41:25 - Sunuwar Bible

²⁵ मिनु योसेफमी फाराओ कली “इन ङोमु निम्‍फा कांइचीक खोदेंशो बाक्‍ब। परमप्रभुमी मार पचशो बाक्‍मे, मेको इन कली ङोमुमी कोंइताक्‍व।

उत्पत्ती 41:25 ပူးပေါင်းရင်းမြစ်များ

उत्पत्ती 40:8

मिनु मेको निक्‍शीमी “गो ङोमु ताइतस्‍कु। मिनु मेको ङोमु आ अर्थ मरुप्‍स्‍कु। शेंब मुर मबा” देंसा बाक्‍त। मिनु योसेफमी “परमप्रभुमी मेको ङोमु मार बाक्‍बा दे शेंबा ममाइ ङा? लो, आं कली देनीन” दे माइक्‍सी बाक्‍त। उत्‍पत्ती ४१:१५-१६; दानीएल २:२७-२८

उत्पत्ती 41:16

मिनु योसेफमी फाराओ कली “गो ङोमु ङा लोव़ मतुइक्‍नुङ। परमप्रभुमी फाराओ कली थमा पा थुं नाइक्‍चा ङा लोव़ तुइक्‍पाइक्‍ब” देंमाक्‍त। उत्‍पत्ती ४०:८

उत्पत्ती 41:26

मेको ७ ओटा रिम्‍शो बी ७ ओटा बर्स बाक्‍नीम। मिनु मेको ७ ओटा रिम्‍शो बाला यो ७ बर्स बाक्‍नीम। ङोमु निक्‍शी कांइचीक खोदेंशो बाक्‍नीस।

उत्पत्ती 41:28

आं देंशो मार बाक्‍ब देंशा हना, परमप्रभुमी मार पचा चिक्‍शो बाक्‍मे, मेको इन कली कोंइताक्‍व। मोदेंशो बाक्‍ब।

उत्पत्ती 41:32

मिनु इन ङोमु निक्‍शी खेयप ताइतीनी, मेको आ अर्थ मार बाक्‍ब देंशा हना, परमप्रभुमी मेको थमा पा पाइब नु पचा चिक्‍शो बाक्‍ब।

भजन संग्रह 98:2

परमप्रभु यावेमी आ ग्रातीके कोंइशा, आ श्‍येत रे प्रोंइतीके रागी रागी आन ङोंइती कोंइताक्‍व।

प्रस्‍थान 9:14

मारदे हना मुल रे गेचशो श्‍येतम इ कली, इ गेय पाइब आन कली नु इ मुर नेल्‍ल आन कली सोइक्‍नुङ। रागी रागीमी आं खोदेंशो सुइ मबाक्‍ब, दे इ कली तुइक्‍पाइक्‍नुङ। प्रस्‍थान ८:६

यसैया 43:9

रागी रागी ङा मुर नेल्‍ल खुम्‍समल। जात जात ङा मुर नेल्‍ल बुक्‍‍मल। मेको आन दातेमी सुमी एको लोव़ पवा? मुल मार दुम्‍मे? सुम ङोंइती मेको नोले दुम्‍ब लोव़ पवा? आ सांकछी ब्रेश्‍शा, चाक्गल। मिनु मुरुमी मेको नेंशा ‘थमा बाक्‍ब’ देंमल” देंत। यसैया ४१:२२,२६

दानीएल 2:45

मिनु गे दोदेंशो पा मुरुमी मख्रोइक्‍थु डांडा रे फुल्‍लु का यिशो ताइतीनी। मिनु मेकोम फलाम, कांसा, खप चांदी नु सुन नेल्‍ल कली रोबल चिबल पोक्‍गा, मोदेंशो पा ठेयब परमप्रभुमी ‘नोले मार दुम्‍बा’ दे पिप, इन कली कोंइशो बाक्‍ब। एको ङोमु नु आ अर्थ यो थमा बाक्‍ब” देंत।

दानीएल 2:47

मिनु पिपमी दानीएल कली “थमान, इन परमप्रभु देवी देवता आन परमप्रभु नु पिप आन परमप्रभु बाक्‍ब। मिनु ख्रुइश्‍शो लोव़ तुइक्‍पाइक्‍ब बाक्‍ब। मोपतीके गे एको ख्रुइश्‍शो लोव़ रुप्‍पाइक्‍ने चाप्‍तीनी” देंत। दानीएल ३:२९; यहोसु २:११; भजन संग्रह ८६:८; यसैया ४२:८

आमोस 3:7

थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७

मत्ती 24:40

वोंइश मुर निक्‍शी रूमी बाक्‍नीसी, का लाइक्‍चा पुंइसीब, का प्रोंइशा वोइक्‍चा पुंइसीब।

मर्कूस 13:23

मेको दुम्‍चा ङोंइतीन नेल्‍ल शेंशा तुइक्‍पाइक्‍तन्‍नी। एको लोव़ मिम्‍शा मप्रेंथु बाक्‍कीन।

एफिसी 1:17

मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।

यहोसु 11:6

मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।

प्रकाश 4:1

मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। प्रकाश १:१०