3 मिनु मेको निम्फा आस कली नेल्ल क्येङा ठेयब गेय पाइब आ जेल्खानमी चोक्सी बाक्त। मेकेर योसेफ यो बाक्शो बाक्माक्त।
मेको इश्माएल जात ङा ग्याप्ब लेयबपुकीमी योसेफ कली इजीप्त रागी चाक्दीत्मे बाक्त। मिनु इजीप्त रागी ङा पिप आ नेल्ल क्येङा ठेयब गेय पाइब पोतीफरमी योसेफ कली ग्यबा बाक्त। उत्पत्ती ३७:२८,३६
योसेफ कली लाइश्शा, जेल्खानम चोक्पदा बाक्त। मेकेर पिप आ चोक्शो मुरपुकी यो बाक्मा बाक्त। मिनु योसेफ मेकोपुकी नु बाक्माक्त।
मिनु मेको कोव़ब मुरुमी योसेफ कली जेल्खानम चोक्शो मुर आन कली कोव़ब सेला बाक्त। मिनु मेकेर बाक्शो गेय नेल्ल योसेफमी पवा बाक्त।
मेको जेल्खान ङा कोव़ब मुरुमी योसेफ आ पशो यो मकोव़ङा बाक्त। मारदे हना परमप्रभु यावे मेको नु बाक्शो तुइक्ता बाक्त। मेको नेल्ल रिम्शो पाइब, दे थमा सुदा बाक्त। मिनु परमप्रभु यावे मेको नु बाक्मेनु, आ गेय नेल्ल रिम्शो दुम्माक्त।
मिनु जेल्खान ङा कोव़ब मुरुम योसेफ कली “मेको निम्फा आस कली वारच पावो” दे अरेवा बाक्त। मिनु वारच पवा बाक्त।
फाराओमी आ गेय पाइब आस पर्बम चुरमेनु, गो नु शोब्ले चोइब आन ठेयब मुर नेल्ल क्येङा ठेयब गेय पाइब आ जेल्खानम चोक्सीशा बाक्स्कुनु,