उत्पत्ती 40:21 - Sunuwar Bible

²¹ मिनु आ कली तूचा गेब आन ठेयब मुर कली लेंशा ङोंइती ङा गेय पचा गेवा बाक्‍त। मिनु मेकोमी लेंशा फाराओ कली तूचा गेब दुम्‍माक्‍त।

उत्पत्ती 40:21 ပူးပေါင်းရင်းမြစ်များ

उत्पत्ती 40:13

मिनु सांबु नाक्‍ती फाराओम इन कली जेल्‍खान रे प्रोंइशा ङा मिन इन ङोंइती पशो गेय लेंशा गेब। मिनु गे ङोंइती ङा खोदेंशो पा फाराओ कली तूचा गेनीनी। लेंशा फाराओ कली कचौरा गेनीनी। इन तशो ङोमु आ अर्थ एको बाक्‍ब।

नेहेम्‍याह 2:1

आरता-सास्‍त पिप दुम्‍शो २० बर्स जाक्‍दीश्‍शो बाक्‍त। मिनु काबु निसान महिनामी पिप आ अङगुर शांबु ठीक पा लाइश्‍शा, पिप कली ख्रेत्‍ताक्‍ङ। गो सुर्ता पशो नङ। पिपमी मेको क्‍येङा ङोंइती आं कली सुर्ता पशो गेनायो मतशो बाक्‍त।

उत्पत्ती 40:2

मिनु फाराओमी मेको तूचा गेब आन ठेयब मुर नु शोब्‍ले चोइब आन ठेयब मुर आस पर्बम गाइक्‍ता बाक्‍त।

उत्पत्ती 41:13

दोदेंशो पा शेंदा, मोदेंशोन दुम्‍त। आं गेय आं कली लेंशा गेतीनी। अर्को कली चहिं क्‍याइश्‍शा साइक्‍तेक्‍म” देंमाक्‍त।

नेहेम्‍याह 1:11

परमप्रभु, इन नोफा दाइक्‍तीन। मिनु इन नें कली मान पचा दाक्‍ब इन वाइल आन पुंइशो लोव़ यो नेनीन। मुलाक्‍ती आं पुंइशो खपीन। पिप आ ङोंइती गो शिशी तङल” दे पुंइता। मेना गो पिप कली तूचा गेब आन ठेयब मुर बाक्‍ती।

भजन संग्रह 105:19

मिनु योसेफ आ लोव़ थमा मदुम सम्‍म, परमप्रभु यावेमी मेको कली वारच पवा बाक्‍त।