उत्पत्ती 38:25 - Sunuwar Bible

²⁵ मिनु तामार कली चाक्‍गमेनु, मेकोमी आ शिउ कली “एको छाप, डोरी नु कोक्‍के सु के बाक्‍मे मेको रे पा कोव़ज कुरशो नङ। एको छाप, डोरी नु कोक्‍के सु के बाक्‍मे, कोव़ङीन” दे लोव़ कुरब सोइक्‍ता बाक्‍त।

उत्पत्ती 38:25 ပူးပေါင်းရင်းမြစ်များ

उत्पत्ती 38:18

मिनु यहूदामी “मार पुंइनेवे?” दे हिल्‍लो पवा बाक्‍त। मिनु मेकोमी “इन छाप, इन डोरी नु इन गुइ ङा कोक्‍के गेचा नङ” दे मदा बाक्‍त। मिनु मेको नेल्‍ल गेशा नोले मेको नु बाक्‍माक्‍त। मिनु कोव़ज कुरा बाक्‍त।

उत्पत्ती 37:32

मिनु मेको फेरशो फेक्‍शो वा आन आफ कली लाइश्‍शा गेमे बाक्‍त। मेकोपुकीमी आन आफ कली “कोव़ङीन, एको वा थित्‍तक। इन तौ आ फेक्‍शो वा कों?” दे हिल्‍लो पामे बाक्‍त।

प्रकाश 20:12

गो ठेयब बुश नित्‍तीके आ ङोंइती ठेयब नु आइक्‍च बेक्‍शो मुरपुकी राप्‍शो तातामी। किताबपुकी प्राक्‍शो बाक्‍तेक्‍म। मिनु गो अर्को किताब का यो प्राक्‍शो ताता। मेको ब्रोंइतीक किताब बाक्‍त। मिनु मेको ठेयब बुश नित्‍तीके आ ङोंइती राप्‍शो बेक्‍शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्‍मानु, मार मार पामे, मेको किताबमी ब्रेक्‍शो पढेशा, निसाफ पचा पुंइसीनीम। यूहन्‍ना ५:२८-२९; दानीएल ७:१०

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

येरमीया 2:26

दोपा खुइ ग्‍याइक्‍चा पुंइसेनु, मुने दोक्‍बा, मोपा इस्राएल आ खिं ङा मुरपुकी मुने दोक्‍नीम। मेकोपुकी, आन पिपी, आन ठेयब मुरपुकी, आन चढ़ेबपुकी नु मेको आन जोल पा परमप्रभु यावे आ लोव़ पाइबपुकी मुने दोक्‍नीम।

भजन संग्रह 50:21

गे मेको नेल्‍ल पाइतीनी हना यो, गो सिक्‍सी पा बाक्‍ती। गे आं खोदेंशो मिम्‍साक्‍नी। तन्‍न गो इन कली हुइश्‍‍शा, इन दोस कोंइनन्‍नी।

रोमी 2:16

मिनु परमप्रभु यावे आ निसाफ पची नाक्‍त मुर आन ख्रुइश्‍शा पशो कली निसाफ पाइ‍ब। आं शेंशो ग्‍येरपाइक्‍तीक लोव़ परमप्रभु यावेमी येसु ख्रीस्‍त आ पतीकेमी निसाफ पाइब। लूका ८:१७