उत्पत्ती 38:10 - Sunuwar Bible

¹⁰ मिनु मेको कली मो पशो तशा, परमप्रभु यावेमी मेको कली मदाक्‍शो बाक्‍माक्‍त। मोपतीके मेको कली यो सदा बाक्‍त।

उत्पत्ती 38:10 ပူးပေါင်းရင်းမြစ်များ

उत्पत्ती 46:12

यहूदा आ तौपुकी एर, ओनान, शेलाह, पेरेस नु जेराह बाक्‍मा बाक्‍त। एर नु ओनान चहिं कनान रागीम बेक्‍सा बाक्‍त। पेरेस आ तौ हेस्रोन नु हामुल बाक्‍सा बाक्‍त। उत्‍पत्ती ३८:३,४,२९,३०

२ सामुएल 11:27

मिनु रोंका पतीक नाक्‍त नुम नोले दाऊदम मुर सोइश्‍शा आ खिं चाक्‍गा बाक्‍त। मिनु मेको दाऊद आ मीश दुम्‍शा, तौ का थि‍माक्‍त। तन्‍न दाऊद आ पशो परमप्रभु यावे आ ङोंइती थम मरिम्‍शो बाक्‍माक्‍त।

१ राजा 17:20

मेको नोले मेकोमी ठेयब सेंदा पा परमप्रभु यावे कली “परमप्रभु यावे, आं परमप्रभु, गो सुका आ खिंम बाक्‍ङा, मेको आ तौ बेक्‍पा मेको वोंइश बेक्‍शो मीश मुर कली मारदे श्‍येत गेनी” देंमाक्‍त।

१ इतिहास 2:3

यहूदा आ तौ एर, ओनान नु शेलाह बाक्‍मा बाक्‍त। मेको आन ममा कनानी मीश बाथ-शुआ बाक्‍माक्‍त। मिनु यहूदा आ ङोंइती थिशो तौ एरमी परमप्रभु यावे आ ङोंइती मरिम्‍शो पवा बाक्‍त। मोपतीके परमप्रभु यावेमी मेको कली सदा बाक्‍त। उत्‍पत्ती ३८:१-७

१ इतिहास 21:7

मिनु परमप्रभु दाऊद आ पशो तशा, गाइक्‍ता बाक्‍त। मिनु इस्राएली आन कली सजाइ गेवा बाक्‍त १इतिहास २७:२४

हितोपदेस 14:32

परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।

हितोपदेस 24:18

गे मेको तशा ग्‍येरसाक्‍वे हना, परमप्रभु यावेमी इ पशो मदाक्‍ब। मिनु इ जोरी सत्रु आन पर्बम गाइश्‍शो नाइश्‍‍शा मेको आन कली वारच पाइब।

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

हाग्‍गै 1:13

मिनु परमप्रभु यावे आ सोइश्‍शो लोव़ पाइब हाग्‍गैमी “परमप्रभु यावेमी मुर आन कली ‘गो गेपुकी नु बाक्‍नुङ’ देंशो बाक्‍ब” देंत। मलाकी २:७

गन्‍ती 11:1

मिनु परमप्रभु यावेमी मुर आन श्‍येत जशो आ पर्बम गन गन पशो नेंतु। परमप्रभु यावेमी मेको नेंशा, शुश गाइक्‍ताक्‍व। मिनु परमप्रभु यावे गाइश्‍शा, मुर आन बाक्‍तीके गे मी सोइश्‍शा, एर सुर मीम नेक्‍पाइक्‍तु। लेवी १०:२

गन्‍ती 22:34

मिनु बालाममी परमप्रभु यावे आ स्‍वर्ग ङा गेय पाइब कली “गो पाप पाता। आं लां तेक्‍शा इन राप्‍शो गो मतुइक्‍तु। मिनु इन ङोंइती एको मरिम्‍शो बाक्‍त हना, गो लेश्‍शा लाइनुङ” देंत।

गन्‍ती 26:19

मिनु यहूदा आ तौ एर नु ओनान बाक्‍ताक्‍स। तन्‍न मेको कनान रागीम बेक्‍ताक्‍स। उत्‍पत्ती ३८:७-१०

१ सामुएल 2:25

मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१