उत्पत्ती 33:3 - Sunuwar Bible

³ मिनु मेको नेल्‍ल आन ङोंइती आंमा गाक्‍माक्‍त। मिनु मेको आ लोक्‍ब ग्रुम्‍चा क्‍येङा ङोंइती ७ खेयप खुम्‍की पा बाम्‍माक्‍त।

उत्पत्ती 33:3 ပူးပေါင်းရင်းမြစ်များ

उत्पत्ती 42:6

मिनु योसेफ सरकार ङा ठेयब मुर दुम्‍शा, रागी नेल्‍ल ङा मुर आन कली अन्‍न लेयपदा बाक्‍त। योसेफ आ लोक्‍बपुकी जाक्‍शा, योसेफ आ ङोंइती खुम्‍की पा बाप्‍शा, सेउ पामे बाक्‍त।

उत्पत्ती 18:2

मिनु मुर सां ग्रूशा, आ ङोंइती राप्‍शो तवा बाक्‍त। मेको आन कली तशा, छुल बोक्‍शा बाप्‍शा, सेउ पवा बाक्‍त। हिब्रू १३:२

उत्पत्ती 43:26

मिनु योसेफ जाक्‍मेनु, मेकोपुकीमी आन कोसेली लाङगा रे ओंइशा, मेको आ ङोंइती वोइश्‍शा, खुम्‍की पा बाप्‍शा ख्रेत्‍मे बाक्‍त।

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

यूहन्‍ना 10:15

दोपा आं आफोमी आं कली तुइक्‍बा, मोपा गो आं आफ कली तुइक्‍नुङ। मिनु भेडा आन पा ङा गो साइक्‍चा पुंइसीनुङ।

यूहन्‍ना 10:4

मिनु नेल्‍ल आन कली ग्रुंइशा, भेडा आन ङोंइती गाक्‍ब। भेडापुकीमी गोठला आ नोले खोइक्‍नीम। मारदे हना आ सेंदा तुइक्‍नीम।

उपदेसक 10:4

इ ठेयब मुर इ तशा गाइक्‍ताक्‍व हना यो, इ गेय प‍चा मप्रोनो। सिक्‍सी पा बाक्‍शोनु, ठेयब मरिम्‍शो प‍शो यो जाम्‍शा लाइब।

हितोपदेस 6:3

मुल मार पचा माल्‍नेवे देंशा हना, गे आंम कली प्रोनो। मारदे हना गे इ नेक्‍था ङा मुर आ गुइमी बाक्‍नेवे। मेको कली नमो सिमो पा आ ङोंइती बाप्‍पो।

१ सामुएल 2:5

ङोंइती मारेइ मारेइम गाप्‍शो मुर यो मुल जचा आ पर्बम गेय पाइनीम। तन्‍न शोव़लु बेक्‍शोपुकी रूशो बाक्‍नीम। आल मथीब मीश मुरुमी ७ जना आल थिप्‍तु। तन्‍न शुश आल थीब ममा आ थुं बेक्‍ब।

उत्पत्ती 33:2

मेको गेय पाइब मीश नु आस आल आन कली नेल्‍ल क्‍येङा ङोंइती गाक्‍पदा बाक्‍त। मिनु मेको आन नोले लेआ नु आ आलपुकी, नेल्‍ल क्‍येङा नोले राहेल नु योसेफ गाक्‍पदा बाक्‍त।

उत्पत्ती 48:12

मिनु योसेफम मेको आस कली आ आफ आ थुकु रे याक्‍शा, खुम्‍की पा सेउ पवा बाक्‍त।