उत्पत्ती 32:7 - Sunuwar Bible

⁷ मिनु याकूब शुश हिंशा, सुर्ता पवा बाक्‍त। मेको नु बाक्‍ब मुर क्‍यारश भेडा, बी ब्‍यफ नु दलओंठ आन कली हुल निक्‍शी पा योक्‍गा बाक्‍त।

उत्पत्ती 32:7 ပူးပေါင်းရင်းမြစ်များ

उत्पत्ती 32:11

गो आं कली आं लोक्‍ब एसाव आ गुइ रे प्रोनीने। मारदे हना आं कली, आं मीश आन कली नु आल नेल्‍ल आन कली साइक्‍ब, दे हिंती।

उत्पत्ती 32:3

मिनु याकूबमी आ लोक्‍ब एसाव ग्रुम्‍चा कली आ ङोंइती मुरपुकी एदोम ङा सेइर रागी सोइक्‍ता बाक्‍त। उत्‍पत्ती ३६:८

उत्पत्ती 32:8

मेकोमी “एसावमी ङोंइती ङा हुल साइक्‍तु हना, अर्को प्रोक्‍ने चाप्‍नीम” दे मिम्‍ता बाक्‍त।

उत्पत्ती 33:1

मिनु याकूबम लां गे कोव़ङानु, एसाव नु ४ सहे मुर पिन पिन पशो तवा बाक्‍त। मिनु आ आलपुकी लेआ, राहेल नु आस गेय पाइब मीश निक्‍शी नु गाक्‍पाइक्‍मी बाक्‍त। उत्‍पत्ती ३२:७

उत्पत्ती 35:3

मिनु बोक्‍य, बेथेल लय। गो मेकेर जाक्‍दीश्‍शा, परमप्रभु कली चढ़ेतीक का सेल्‍नुङ। गो श्‍येत जङानु, आं पुंइशो गेप्‍तु। गो ते गाक्‍ती हना यो, मेको गो नु बाक्‍त” दे माइक्‍मी बाक्‍त।

भजन संग्रह 107:6

मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।

भजन संग्रह 112:5

हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।

भजन संग्रह 142:4

गो आं ग्‍युरा गे कोव़ता, मिनु आं कली मिम्‍ब सुइ मबाक्‍म। आं कली ख्रुइक्‍तीके तेइ मबाक्‍ब। सुइमी आं कली वारच मपाइय्‍यीमी।

भजन संग्रह 31:13

गो ते लती हना यो हिंतीके ला बाक्‍ब। मारदे हना शुशेमी आं पर्बम जोल पा लोव़ पशो नेंता। मेकोपुकी बुक्‍शा, आं कली साइक्‍चा कली सल्‍ला पाम्‍तेक्‍म। येरमीया २०:३

भजन संग्रह 61:2

गो ङोन रागी रे इन कली ब्रेत्‍नुङ। आं थुं ग्‍येत्‍थ लुक्‍च दुम्‍मेनु, ब्रेत्‍नुङ। आं कली लाइश्‍शो सेरथे फुल्‍लु तार लाइय्‍यीनी।

प्रस्‍थान 14:10

मिनु इस्राएलीपुकी फाराओ नु आ लडाइ पाइबम आंम कली खेदा पशो तशा, हिंशा ख्रिंख्रि पाम्‍तेक्‍म। मिनु परमप्रभु यावे कली “वारच पाइय्‍यीकी” दे पुंइतेक्‍म।

हितोपदेस 2:11

मिनु होस पतीकेमी इ कली खाल पाइब। रुप्‍तीकेमी इ कली कोव़ब।

यसैया 28:26

मारदे हना आन परमप्रभुमी मेको आन कली रिम्‍शो पा शेंताक्‍व।

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

मत्ती 8:26

मिनु येसुमी “मारदे हिंनी? गे थमा पा थमा सुइक्‍ने मचाप्‍बपुकी” देंशा बोक्‍शा, फश नु समुन्‍द्र आस कली हुइक्‍ता बाक्‍त। मिनु सिक्‍सी पाम्‍से बाक्‍त। भजन संग्रह ८९:१०; प्रेरित २७:२२,३४

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

२ कोरिन्‍थी 1:4

गो शुश श्‍येत जकानु, परमप्रभु यावेमी आंइ थुं नाइक्‍पाइश्‍शा बारपाइक्‍ब। मिनु आंइ थुं नांइ‍सीशा, गोपुकीमी यो श्‍येत जाइब आन कली आन थुं नाइक्‍पाइश्‍शा, बारपाइक्‍ने चाप्‍नीकी।

२ तिमोथी 3:12

सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३