उत्पत्ती 32:4 - Sunuwar Bible

⁴ मेको आन कली “गे आं प्रभु एसाव कली ‘इन गेय पाइब याकूबमी इन कली लोव़ सोइक्‍ताक्‍व। गो मुल सम्‍म लाबान नु आ रागीमी अर्को रागी ङा मुर दुम्‍शा बाक्‍ती।

उत्पत्ती 32:4 ပူးပေါင်းရင်းမြစ်များ

उत्पत्ती 23:6

“प्रभु, आंइ लोव़ नेनीन, गे आंइ दातेमी परमप्रभुमी सेल्‍शो ठेयब मुर बाक्‍नीनी। आंइ के बेक्‍शो मुर आन कली वोइक्‍तीक पुक्‍खी शुश बाक्‍नीम। तेको दाक्‍नीनी, मेकोमी इन बेक्‍शो मुर थिमीन। इन बेक्‍शो मुर थिम्‍चा सुइमी मतेक्‍ब” देंमा बाक्‍त।

उत्पत्ती 25:30

मिनु एसावमी याकूब कली “इ क्‍येशो लल दाल खोले इच्‍का गेयी। गो शोव़लु बेक्‍ती” देंमाक्‍त। मोपतीके एसाव कली एदोम माइश्‍शो याइनी नें वोइश्‍शो बाक्‍माक्‍त।

उत्पत्ती 27:29

मुरपुकीम इ कली गेय पामेक्‍ल। रागी रागी ङा मुरपुकी इ ङोंइती खुम्‍की पा बाम्‍मल। इ लोक्‍ब आन दातेमी गे ठेयब दुमो। इ ममा आ तौपुकी इ ङोंइती बाम्‍मल। सु सुम इ कली सराप पामे, मेको आंमान रमल। सु सुम इ कली आसीक गेमे, मेको आसीक रमल” दे आसीक गेवा बाक्‍त। उत्‍पत्ती २३:२५; उत्‍पत्ती १२:३

उत्पत्ती 27:37

मिनु इसहाकम एसाव कली “नेनो, गो मेको कली इ प्रभु सेल्‍ता। आ लोक्‍ब नेल्‍ल आन कली मेको आ गेय पाइब सेल्‍ता। चेरब नु अङगुर शांबु शुश ग्रेल्मल, दे लोव़ पाता। मिनु इ कली मार गेनना ङा, आं तौ?” दे लोव़ पवा बाक्‍त।

उत्पत्ती 31:41

मोदेंशो पा गो इन खिंमी २० बर्स गेय पाता। इन तमी निक्‍शी आस पर्बम गो १४ बर्स गेय पाता। ६ बर्स इन क्‍यारश भेडा आन पर्बम गेय पाता। गे आं गेय ङा तचा माल्‍शो थोव़क १० खेयप फाइक्‍तीनी। उत्‍पत्ती २९:२०,३०; उत्‍पत्ती ३०:३१-३६

उत्पत्ती 32:18

गेमी ‘एको इन गेय पाइब याकूब के नम। आ प्रभु एसाव कली कोसेली बाक्‍ब। आं यो खोइश्‍शा पिना पिन बाक्‍ब’ देंचा माल्‍नीनी” दे गेय पाइब आन कली माइक्‍मी बाक्‍त।

उत्पत्ती 32:5

गो नु शुश ब्‍यफ, गधा, क्‍यारश भेडा, वाइलीम वाइल बाक्‍नीम। गो आं प्रभु, इन ङोंइती शिशी तङल, दे मुर आन कली सोइक्‍ताक्‍ङ’ देंत, देंचा माल्‍नीनी” दे अरेशा सोइक्‍तीमी बाक्‍त।

उत्पत्ती 33:14

आं प्रभु, गे इन गेय पाइब क्‍येङा ङोंइती गाक्‍कीन। गो बी ब्‍यफ नु आलपुकी चाप्‍चा ङा पा गाक्‍नीकी। नोले आं प्रभु आ बाक्‍तीक सेइर सहर जाक्‍नीक” देंमाक्‍त।

उत्पत्ती 33:8

मिनु एसावमी “इ ङोंइती गाक्‍शो मार मार मारदे सोइक्‍ती?” दे हिल्‍लो पवा बाक्‍त। मिनु “आं प्रभु, इन ङोंइती शिशी तङल, दे सोइक्‍ताक्‍ङ” दे लोव़ लेत्‍ता बाक्‍त। उत्‍पत्ती ३२:१४-२१

उत्पत्ती 36:8

मिनु मेको एदोम माइश्‍शो एसाव सेइर ङा पहाड लशा बाक्‍माक्‍त।

उत्पत्ती 36:9

एसाव आ चच युइ सेइर पहाड ङा एदोमी माइश्‍शो सु सु बाक्‍मा बाक्‍त देंशा हना,

उत्पत्ती 4:7

गे रिम्‍शो पाप्‍तीवी हना, गो इ कली मब्राइनुङा ङा? ब्राइनुङ। गे मरिम्‍शो पाप्‍तीवी हना, मुर साइक्‍ब जन्‍तु खोदेंशो पा, पाप इ लाप्‍चोमी बाक्‍ब। मिनु इ कली माल्‍ब। गे इ मरिम्‍शो थुं कली ग्राङो” देंमाक्‍त। गलाती ५:१७; रोमी ६:१२

१ राजा 20:32

मोपतीके मेकोपुकीमी आन क्रातोम अरन्‍डी फेक्‍शा, आन पियाम डोरी फ्रेंसीशा इस्राएल ङा पिप आ बाक्‍तीक लशा मेको कली “इन वाइल बेन-हादादम ‘गो आं कली ब्रोंइचा गेयीमी’ देंशो बाक्‍ब” देंमा बाक्‍त। मिनु पिपमी “मार, मेको मुल यो सेसीन बाक्‍मे? मेको आं लोक्‍ब बाक्‍ब” देंमाक्‍त।

प्रस्‍थान 32:22

मिनु हारूनमी “आं पर्बम मगाइक्‍तीन। गे एको मुर आन कली तुइक्‍नीनी। एकोपुकी दूली पाइब ला बाक्‍नीम।

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

हितोपदेस 25:15

फाल्‍तीकेमी हुकुम कली बिप्‍पाइक्‍ने चाप्‍नीम। ब्रोव़शो लोव़मी रुश जिक्‍ने चाप्‍ब। हितोपदेस १५:१

हितोपदेस 6:3

मुल मार पचा माल्‍नेवे देंशा हना, गे आंम कली प्रोनो। मारदे हना गे इ नेक्‍था ङा मुर आ गुइमी बाक्‍नेवे। मेको कली नमो सिमो पा आ ङोंइती बाप्‍पो।

उपदेसक 10:4

इ ठेयब मुर इ तशा गाइक्‍ताक्‍व हना यो, इ गेय प‍चा मप्रोनो। सिक्‍सी पा बाक्‍शोनु, ठेयब मरिम्‍शो प‍शो यो जाम्‍शा लाइब।

यसैया 21:11

मिनु परमप्रभु यावेमी दुमा आ पर्बम यसैया कली ब्‍यवस्‍था २:५

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

१ पत्रुस 3:6

सारामी अब्राहाम कली मान पा टिशो बाक्‍त। मिनु मुल गे यो ठीक गेय पशा, श्‍येत जचा महिंथु, मेको आ तमी खोदेंशो दुम्‍तीनी। उत्‍पत्ती १८:१२

न्‍यायाधीस 5:4

परमप्रभु यावे, सेइर रे पा गाक्‍नी ना, एदोम रागी रे लाइतीनी, मेना रागी नेल्‍ल ख्रिंख्रि पाप्‍तु। रेउ यित। गोस्‍सुमी रेउ यिपाइक्‍तु। ब्‍यवस्‍था ३३:२; हबकुक ३:३-६

१ सामुएल 26:17

मेना सावलमी दाऊद आ सेंदा नेंशा “आं तौ दाऊद, मेको इ सेंदा बाक्‍बा?” देंमाक्‍त। मिनु दाऊदमी “आं प्रभु, आं पिप, आं सेंदा बाक्‍ब” दे लोव़ लेत्‍ता बाक्‍त