उत्पत्ती 32:2 - Sunuwar Bible

² मिनु याकूबमी मेको आन कली तशा “एकेर परमप्रभु आ लडाइ पाइब आन बाक्‍तीके बाक्‍ब” देंमाक्‍त। मोपतीके मेको ग्रुम्‍तीक रागी आ नें महा-नाइम वोदा बाक्‍त। महा-नाइम आ अर्थ चहिं “बाक्‍तीक निक्‍शी” बाक्‍ब।

उत्पत्ती 32:2 ပူးပေါင်းရင်းမြစ်များ

२ सामुएल 17:24

मिनु दाऊद महा-नाइमम जाक्‍दीम्‍माक्‍त। मेना अब्‍सालोम नु मेको नु बाक्‍शो इस्राएली यर्दन खोला शोक्‍सीने थुम्‍मे बाक्‍त। २सामुएल २:८

२ सामुएल 2:12

नेर आ तौ आब्‍नेर, सावल आ तौ इश-‍बोशेथ नु आ गेय पाइबपुकी महा-नाइम रे गिबोन लमा बाक्‍त।

२ सामुएल 2:8

मेना सावल आ लडाइ पाइब मुर आन ठेयब मुर नेर आ तौ आब्‍नेरमी सावल आ तौ इश-‍बोशेथ कली यर्दन ओंथ हांबु महा-नाइमम चाक्‍गा बाक्‍त। १सामुएल १४:५०; उत्‍पत्ती ३२:२-३

१ राजा 2:8

मिनु गे बाहुरीम ङा बेन्‍यामीन आ थर ङा गेरा आ तौ शिमेइ कली योव़की पावो। मेकोमी गो महा-नाइम लङा नाक्‍त आं कली थाम्‍पा सराप पाइक्‍ती। नोले मेको यर्दन खोलाम आं कली ग्रुम्‍थ जाक्‍त। मिनु मेना गो मेको कली ‘मसाइक्‍नन’ दे परमप्रभु यावे आ नें थिशा कसम जाता। २सामुएल १६:५; २सामुएल १९:१७-२४

१ राजा 4:14

इददो आ तौ अहीनादाब महा-नाइम ङा ठेयब मुर बाक्‍माक्‍त।

२ राजा 6:17

मिनु एलीशामी “परमप्रभु यावे, एको आ मिक्‍च ताइब सेलीन। मिनु एकोम तवल” दे पुना बाक्‍त। मिनु परमप्रभु यावेम मेको गेय पाइब आ मिक्‍च ताइब सेला बाक्‍त। मिनु मेकोमी एलीशा आ एर ओंथ ङा डांडा नेल्‍लेम मी ब्रशो शारा नु बग्‍गीम ब्रीशो तवा बाक्‍त। यहोसु ५:१३

१ इतिहास 12:22

थमा पा नाक्‍त किंत किंत दाऊद आ बाक्‍तीके अर्को लडाइ पाइब वारच पथ जाक्‍मा बाक्‍त। नोले परमप्रभु आ फौज खोदेंशो शुश दुम्‍मा बाक्‍त।

भजन संग्रह 103:21

गे स्‍वर्ग ङा गेय पाइबपुकी परमप्रभु यावे कली ठेयब सेलीन। आ गेय पाइब नेल्‍ल परमप्रभु यावे आ दाक्‍शो पने।

भजन संग्रह 148:2

आ स्‍वर्ग ङा गेय पाइबपुकी, मेको कली ठेयब सेलीन। आ स्‍वर्गम बाक्‍ब नेल्‍लेमी मेको कली ठेयब सेलीन।

भजन संग्रह 24:10

मेको छेङछेङ ङा पिप सु बाक्‍मे? मेको मुर नेल्‍ल आन परमप्रभु यावे बाक्‍ब। मेको छेङछेङ ङा पिप बाक्‍ब”। ठेयब सेंदा पा।

भजन संग्रह 34:7

परमप्रभु यावे आ स्‍वर्ग ङा गेय पाइबम परमप्रभु कली मान पा हिंब नेल्‍ल आन एर ओंथ बाक्‍शा, खाल पाइब। मिनु मेको आन कली आन श्‍येत रे प्रोंइब। भजन संग्रह ९१:११; उत्‍पत्ती ३२:२-३; २राजा ६:१७

ठेयब कुम्सो 6:13

शुलामीथ लेश्‍शा पिवो! लेश्‍शा पिवो! लेश्‍शा पिवो। मिनु गो इ कली कोव़ने चाप्‍कल। गे मारदे शुला‍मीथ कली लडाइ पाइब आन ङोंइती सिल पपाइश्‍शो खोदेंशो पा कोव़स ङा कोव़स बाक्‍चा दाक्‍नीनी?

दानीएल 10:20

मिनु मेकोमी “गो इ बाक्‍तीकेम मारदे जाक्‍ङा, तुइक्‍नेवे? गो पारसी राज्‍य कली कोव़ब सैतान आ गेय पाइब नु लडाइ पचा कली लेत्‍चा माल्‍नुङ। गो ग्राङा नोले ग्रीस रागी ङा सैतान आ गेय पाइब जाक्‍ब।

लूका 2:13

मिनु सरीङ रे परमप्रभु यावे आ स्‍वर्ग ङा गेय पाइब शुश फो फु ग्रूशा, परमप्रभु यावे कली ठेयब सेल्‍शा भजन संग्रह १०३:२०-२१

यहोसु 21:38

मिनु गाद आ थर ङा मुर साइक्‍ब मुर प्रोक्‍शा लशा बाक्‍तीक गिलाद रागी ङा रामोथ, महा-नाइम, यहोसु २०:८

यहोसु 5:14

मिनु मेकोमी “ममाइ, गो परमप्रभु यावे आ फौज आन कली चलेब नङ। मोपतीके जाक्‍ती” देंत। मिनु यहोसुमी गु बाप्‍शा सेउ पशा “आं प्रभु, गो इन गेय पाइब नङ। आं कली मार लोव़ पाइनीनी?” दे हिल्‍लो पाप्‍तु।