उत्पत्ती 32:1 - Sunuwar Bible

¹ मिनु याकूब लांमी लना लन बाक्‍मेनु, परमप्रभु आ स्‍वर्ग ङा गेय पाइबपुकी याकूब कली ग्रुम्‍थ जाक्‍मा बाक्‍त।

उत्पत्ती 32:1 ပူးပေါင်းရင်းမြစ်များ

उत्पत्ती 18:33

मिनु अब्राहाम नु लोव़ पने थुम्‍शा, परमप्रभु यावे आ लां लमाक्‍त। अब्राहाम आ बाक्‍तीके लेम्‍माक्‍त।

उत्पत्ती 24:60

लचा ङोंइती रेबेका कली आसीक गेशा “गे आं समी बाक्‍नेवे। सोशा बोशा, शुश दुमीने। इ चच युइ आन कली आन जोरी सत्रु आन कली ग्राङीन” दे आसीक गेमे बाक्‍त। उत्‍पत्ती २२:१७

उत्पत्ती 31:28

गे आं कली आं चचपुकी नु आं तमीपुकी नु पुक्‍पु पाइक्‍मुचा मगेवी। मरिम्‍शो पाइब बाक्‍ते।

भजन संग्रह 34:7

परमप्रभु यावे आ स्‍वर्ग ङा गेय पाइबम परमप्रभु कली मान पा हिंब नेल्‍ल आन एर ओंथ बाक्‍शा, खाल पाइब। मिनु मेको आन कली आन श्‍येत रे प्रोंइब। भजन संग्रह ९१:११; उत्‍पत्ती ३२:२-३; २राजा ६:१७

भजन संग्रह 91:11

मारदे हना मेकोमी आ स्‍वर्ग ङा गेय पाइब आन कली इ लां नेल्‍लेमी इ कली वारच पपाइक्‍ब। मत्ती ४:६

१ कोरिन्‍थी 3:22

इन कली शेंब, गो पावल, आपोल्‍लोस, केफास नु रागी, ब्रोंइचा नु बेक्‍चा, मुल मार दुम्‍शो बाक्‍बा नु नोले मार दुम्‍बा, नेल्‍ल इन के बाक्‍नीम।

एफिसी 3:10

मारदे आं कली मोदेंशो सेल्‍ती देंशा हना, येसु ख्रीस्‍त कली थमा सुइक्‍बपुकीमी परमप्रभु यावे आ मिम्‍शो मार बाक्‍बा, मेको स्‍वर्गम बाक्‍ब हुकुम नु अधिकार पाइब आन कली तुइक्‍पदमेक्‍ल, दे आं कली कोंइब सेल्‍ती। १पत्रुस १:१२

हिब्रू 1:4

परमप्रभु यावे आ स्‍वर्ग ङा गेय पाइब आन क्‍येङा आ तौ ठेयब बाक्‍ब। मिनु मेको आन क्‍येङा ठेयब नें तशो बाक्‍ब। १पत्रुस ३:२२; फिलिप्‍पी २:९