उत्पत्ती 31:3 - Sunuwar Bible

³ मिनु परमप्रभु यावेमी याकूब कली “इ आफ आ रागी इ मुर आन बाक्‍तीक लेश्‍शा लावो। गो गे नु बाक्‍नुङ” देंमाक्‍त। उत्‍पत्ती २८:१५

उत्पत्ती 31:3 ပူးပေါင်းရင်းမြစ်များ

उत्पत्ती 13:15

गे तेको तेको रागी ताइनेवे, मेकोन इ कली नु इ चच युइ आन कली गेना हना यो कली गेनुङ। उत्‍पत्ती १२:७

उत्पत्ती 21:22

मिनु काबु अबीमेलेक नु आ फौज ङा ठेयब कप्‍तान फीकोल अब्राहाम आ बाक्‍तीक जाक्‍शा, अब्राहाम कली “गे मार मार पाइनीनी, परमप्रभु गे नु बाक्‍ब।

उत्पत्ती 26:24

मिनु मेको नाक्‍दो परमप्रभु यावे ग्रूशा “गो इ आफ अब्राहाम आ परमप्रभु नङ। महिनो। गो गे नु बाक्‍नुङ, इ कली आसीक गेनन। आं गेय पाइब अब्राहाम आ पर्बम गो इ चच युइ आन कली शुश सेल्‍नुङ” दे लोव़ पवा बाक्‍त।

उत्पत्ती 28:13

मिनु क्रेसी आ ङरम परमप्रभु यावे राप्‍शा, याकूब कली “गो परमप्रभु यावे, इ बाजे अब्राहाम नु इ आफ इसहाक आस परमप्रभु नङ। मुल इ इप्‍शा बाक्‍तीक रागी इ कली नु इ चच युइ आन कली गेनन्‍नी।

उत्पत्ती 28:15

गो गे नु बाक्‍शा, ते लाइनेवे, गो इ कली कोव़नन। गो इ कली एको रागी लेप्‍पाइक्‍नन। मारदे हना गो इ कली मप्रोंइनन। इ कली मार मार देंङा, गो मेको नेल्‍ल पाइनुङ” देंमाक्‍त।

उत्पत्ती 28:4

अब्राहाम कली गेशो आसीक मुल इ कली नु इ चच युइ आन कली गेव‍ल। इ मुल बाक्‍शो रागीम अर्को रागी ङा मुर बाक्‍ते, तन्‍न परमप्रभुमी अब्राहाम कली गेप्‍तु। मेको इ कली दुम्‍ल” दे आसीक गेवा बाक्‍त।

उत्पत्ती 30:25

मिनु राहेलमी योसेफ थिशा नोले याकूबमी लाबान कली “आं कली लचा गेयीनी। गो आं रागी, आं खिं लचा दाक्‍नुङ।

उत्पत्ती 31:13

गो परमप्रभु नङ। गो इ कली बेथेलम ग्रुम्‍ता। गे मेकेर फुल्‍लु का कली तेल लुक्‍ताक्‍वी। मिनु आं कली कसम जाप्‍तीवी। मुल बोक्‍को, मेको रागी रे ग्रूङो। इ जरमेशो रागी ले‍तो’ दे माइक्‍ती” दे आ मीश निक्‍शी आस कली देंमाक्‍त। उत्‍पत्ती २८:१८-२२

उत्पत्ती 31:18

मिनु मारेइ मारेइ पदान-अराम रे आ गेय पा सेल्‍शो बस्‍तु भाव नेल्‍ल खुल्‍शा, आ शोंप लाइश्‍शा, आ आफ इसहाक आ खिं कनान रागी लचा गोवा बाक्‍त।

उत्पत्ती 31:2

मिनु याकूबमी “लाबानम आं कली मदाक्‍ब दुम्‍त” दे तुइक्‍ता बाक्‍त।

उत्पत्ती 31:4

मिनु याकूबमी राहेल नु लेआ आस कली गोठीम ब्रेत्‍तीम्‍सी बाक्‍त।

उत्पत्ती 32:10

गो, इन गेय पाइब आं कली पशो गेना हना यो दाक्‍तीक नु इन रिम्‍शो पचा मप्रोंइतीके मशिरनुङ। गो कोक्‍के का ला कुरशा, यर्दन खोला शोक्‍शा लशो नङ। मुल आं के हुल निक्‍शी दुम्‍शो बाक्‍नीम। २सामुएल ७:१८

उत्पत्ती 32:5

गो नु शुश ब्‍यफ, गधा, क्‍यारश भेडा, वाइलीम वाइल बाक्‍नीम। गो आं प्रभु, इन ङोंइती शिशी तङल, दे मुर आन कली सोइक्‍ताक्‍ङ’ देंत, देंचा माल्‍नीनी” दे अरेशा सोइक्‍तीमी बाक्‍त।

उत्पत्ती 32:9

मिनु याकूबम “आं बाजे अब्राहाम आ परमप्रभु, आं आफ इसहाक आ परमप्रभु, आं कली लोव़ पाइब परमप्रभु यावे, गे आं कली ‘इ खिं ङा मुर आन बाक्‍तीक, इ रागी ले‍तो। गो इ कली रिम्‍शो पाइनुङ’ दे लोव़ पाइतीनी। उत्‍पत्ती ३१:३,१३

उत्पत्ती 35:1

मिनु परमप्रभुमी याकूब कली “बोक्‍शा सासो। बेथेल सहर लावो। मिनु मेकेर बाक्‍को। इ लोक्‍ब एसाव रे प्रोक्‍ङेनु, इ ङोंइती ग्रूशो परमप्रभु, आं कली, चढ़ेतीक का सेलो” दे मदा बाक्‍त। उत्‍पत्ती २८:११-२२; उत्‍पत्ती ३१:१३

उत्पत्ती 35:3

मिनु बोक्‍य, बेथेल लय। गो मेकेर जाक्‍दीश्‍शा, परमप्रभु कली चढ़ेतीक का सेल्‍नुङ। गो श्‍येत जङानु, आं पुंइशो गेप्‍तु। गो ते गाक्‍ती हना यो, मेको गो नु बाक्‍त” दे माइक्‍मी बाक्‍त।

उत्पत्ती 50:24

मिनु योसेफमी आ लोक्‍ब आन कली “गो बेक्‍नुङ। परमप्रभुमी इन कली कोव़ब। परमप्रभुमी अब्राहाम, इसहाक नु याकूब कली ‘इन कली कनान रागी लेप्‍पाइक्‍नुङ’ दे कसम जशा, लोव़ पशो बाक्‍ब” देंमाक्‍त।

भजन संग्रह 46:1

परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 90:15

गे गिश नाक्‍त सम्‍म आंइ कली श्‍येत गेनी? मिश नाक्‍त सम्‍म आंइ कली ग्‍येरपाइक्‍की। गो शुश बर्स श्‍येत जाइतक।

प्रस्‍थान 3:12

मिनु परमप्रभुमी “गो थमा पा, गे नु बाक्‍नुङ। इ कली सोइक्‍ब गो नङ, दे चिन्‍ड का कोंइनन। मेको चिन्‍ड मार बाक्‍त देंशा हना, गे इस्राएल जात ङा मुर आन कली इजीप्‍त रागी रे ग्रुंइशा नोले एको परमप्रभु आ डांडामी आं कली ठेयब सेल्‍नीनी” दे माइक्‍तु। येरमीया १:८

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६