उत्पत्ती 31:2 - Sunuwar Bible

² मिनु याकूबमी “लाबानम आं कली मदाक्‍ब दुम्‍त” दे तुइक्‍ता बाक्‍त।

उत्पत्ती 31:2 ပူးပေါင်းရင်းမြစ်များ

उत्पत्ती 30:27

मिनु लाबानमी “गे आं कली दाक्‍नेवे हना, इच्‍का नु बाक्‍को। मारदे हना गे एक बाक्‍शा, परमप्रभु यावेमी इ गेय पतीके आं कली आसीक गेती, दे तुइक्‍नुङ। उत्‍पत्ती ३९:५

उत्पत्ती 31:1

मिनु लाबान आ तौपुकीमी “याकूबमी आंइ आफ आ मारेइ मारेइ नेल्‍ल रोइक्‍ताक्‍व। आंइ आफ आ शोंप रे शोंप पाइश्‍शो दुम्‍त” देंशो, याकूबमी नेना बाक्‍त। उत्‍पत्ती ३०:३५

उत्पत्ती 31:3

मिनु परमप्रभु यावेमी याकूब कली “इ आफ आ रागी इ मुर आन बाक्‍तीक लेश्‍शा लावो। गो गे नु बाक्‍नुङ” देंमाक्‍त। उत्‍पत्ती २८:१५

उत्पत्ती 31:5

मिनु मेको आस कली “इस आफोम ङोंइती आं कली दाक्‍शो खोदेंशो पा मुल मदाक्‍ब, दे तुइक्‍ताक्‍ङ। आं आफ आ परमप्रभु गो नु बाक्‍शो बाक्‍त।

उत्पत्ती 4:5

तन्‍न काइन आ चढ़ेशो मब्रवा बाक्‍त। मिनु काइन आ कुल राव किक्‍पा चुरमाक्‍त। प्रस्‍थान ३३:१९; हिब्रू ११:४

प्रस्‍थान 4:10

मिनु मोसामी परमप्रभु यावे कली “आं परमप्रभु, गो लोव़ पस मजोक्‍नुङ। गे, मुल इन गेय पाइब नु लोव़ पनीनु यो, आं कली लोव़ पचा मपी। गो थांइशो लें पाइश्‍शो मुर बाक्‍नुङ” देंत। प्रस्‍थान ३:११; प्रस्‍थान ६:१२-३०

दानीएल 3:19

मिनु मेको नेंशा नेबुकदनेसर शद्रक, मेशक नु अबेद-नेगो आन कली तशा, थाम्‍पान गाइश्‍शा, आ कुल राव किक्‍पाइक्‍तु। मिनु मेकोमी “ब्रशो मी कली ङोंइती क्‍येङा ७ खेयप नाप्‍शो सेल्‍चा माल्‍ब” दे हुकुम पाप्‍तु।

ब्‍यवस्‍था 19:4

मिनु सुइमी गेहे मपथु, साइक्‍चा ममिम्‍थु मुर का कली साइक्‍तु हना, मेकेर प्रोक्‍शा लशा ब्रोंइल।

ब्‍यवस्‍था 28:54

मिनु गेपुकी इन दाते ङा नेल्‍ल क्‍येङा रिम्‍शो थुं पाइश्‍शो नु ठीक पाइब वोंइश मुरुमी यो आ लोक्‍ब, आ दाक्‍शो मीश नु आ लीशो आ तमी तौ आन कली शिशी मपथु, जचा थोव़क रोइक्‍ब।

१ सामुएल 19:7

मिनु योनाथनमी दाऊद कली ब्रेश्‍शा, मेको लोव़ नेल्‍ल नेंपदा बाक्‍त। मिनु योनाथनमी दाऊद कली सावल आ बाक्‍तीके चाक्‍दीदा बाक्‍त। मिनु मेकोम ङोंइती ङा खोदेंशो पा सावल आ गेय पवा बाक्‍त।