उत्पत्ती 30:1 - Sunuwar Bible

¹ मिनु राहेलमी “आल मथीब बाक्‍ङा बाक्‍त” दे तुइश्‍शा, आ लोक्‍ब कली गेहे पवा बाक्‍त। मिनु याकूब कली “गे आं कली आल मगेतीनी हना, गो बेक्‍नुङ” देंमाक्‍त।

उत्पत्ती 30:1 ပူးပေါင်းရင်းမြစ်များ

उत्पत्ती 29:31

मिनु परमप्रभु यावेमी याकूबमी लेआ कली मदाक्‍शो तशा “आल थीब दुम्‍ल” दे आसीक गेवा बाक्‍त। तन्‍न राहेल आल मथीब बाक्‍माक्‍त।

उत्पत्ती 37:11

मिनु आ लोक्‍बपुकीमी योसेफ कली मदाक्‍तमे बाक्‍त। आ आफोम चहिं योसेफ आ देंशो मिम्‍शा आ थुंमी वोदा बाक्‍माक्‍त।

१ राजा 19:4

मिनु आं चहिं काबु ङा लां ङोन गोरशो रागीम ओव़माक्‍त। मिनु मेको बुटा आगाम निश्‍शा, परमप्रभु यावे कली “मुल नुप्‍त। आ सोक्‍त ब्रने। मारदे हना गो आं किकी पिपी आन क्‍येङा रिम्‍शो मनङ” देंमाक्‍त। अय्‍युब ७:१५; योना ४:३

अय्‍युब 13:19

सुमी आं कली कछडी बाक्‍शा, दोस गेने चाप्‍बा? मोदेंशो दुम्‍त हना, गो सिक्‍सी पा फाल्‍शा बाक्‍शा, बेक्‍नुङ।

अय्‍युब 3:11

गो मारदे जरमेसी ङा चोटीन मबेक्‍ङा? गो मारदे कोव़ज रे ग्रूङानु मबेक्‍ङा?

अय्‍युब 5:2

गाइक्‍तीकेम मूर्ख आन कली साइक्‍ब। मिनु गेहे पतीकेम मारेइ मजोक्‍ब आन कली साइक्‍ब।

भजन संग्रह 106:16

मिनु मेकोपुकीमी परमप्रभु यावे रे पा योव़सीशो मोसा नु हारून आस कली गेहे पशो बाक्‍‍तेक्‍म। गन्‍ती १६:१-३

हितोपदेस 14:30

नांइसीशो थुंमी मुर आन कली ब्रोंइचा गेब। तन्‍न गेहेमी मुर आन रुश मुपाइक्‍ब।

हितोपदेस 30:16

बेक्‍शो मुर आन बाक्‍तीके, आल मथीब कोव़ज, ब्‍वाक्‍कु मतशो सोव़शो रू नु मी, एको ४ ओटा थोव़कमी गेनायो “गाप्‍ती” मदेंनीम।

उपदेसक 4:4

मिनु गो मार ताता देंशा हना, मुरपुकी श्‍येत पा अरु आन कली गेहे पतीके रे जोक्‍ब दुम्‍नीम। मेको यो जाम्‍शा लाइब नु फश कली खेदा पशो खोदेंशो ला बाक्‍ब।

गन्‍ती 11:15

मिनु गे आं कली ओदेंशो पाइक्‍तीनी। मिनु गो इन शिशी ताता हना, साइय्‍यीनी। मिनु गो आं खतम दुम्‍तीके तचा ममाल्‍नुङ” देंत। प्रस्‍थान ३२:३२

गन्‍ती 11:29

तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९

यूहन्‍ना 4:3

मिनु आ शेंसीबपुकी नु यहूदीया रागी रे पा, गालील रागी गे लाम्‍तेक्‍म।

यूहन्‍ना 4:8

मेना आ शेंसीबपुकी जचा थोव़क ग्‍याप्‍थ सहर लशो बाक्‍तेक्‍म।

१ कोरिन्‍थी 3:3

गे मुल सम्‍म रागी ङा मुर खोदेंशो बाक्‍नीनी। गे जीनीनी, रुश पाइनीनी। मिनु रागी ङा मुर खोदेंशो मदुम्‍नी ङा? १कोरिन्‍थी १:१०-११; १कोरिन्‍थी ११:१८

२ कोरिन्‍थी 7:10

परमप्रभु यावेमी थुं खाइक्‍पाइश्‍शो आन कली रिम्‍शो दुम्‍मल, दे मो पशो बाक्‍ब। रागी ङा थुं खाइक्‍पाइक्‍मुशोमी चहिं थुं साइक्‍ब। मत्ती २६:७५; लूका १५:१७-२४; मत्ती २७:३-५

गलाती 5:21

गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी। एफिसी ५:५; प्रकाश २२:१५

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

याकूब 3:14

गे अरु मुर आन थोव़क वाल्‍तीक नु आंम कली ला मिम्‍तीक थुं बाक्‍त हना, ठेयब लेश्‍शा, थमा शेंतीके कली जोल मसेलीन माइ? मबाक्‍कीन।

याकूब 4:5

परमप्रभु यावेमी ब्रेक्‍पाइश्‍शो लोव़मी “परमप्रभु यावेमी आ सोक्‍त इं रांमी वोइक्‍तु। तन्‍न मुरुमी दला दाक्‍स पशो तशा, मेकोमी शुश रुश पाइब” दे यो ब्रेक्‍पाइश्‍शो बाक्‍ब।

१ सामुएल 1:10

मिनु हान्‍नाह आ थुं शुश खाइश्‍शा, ङाक्‍शा, परमप्रभु यावे कली पुना बाक्‍त।