उत्पत्ती 3:6 - Sunuwar Bible

⁶ मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४

उत्पत्ती 3:6 ပူးပေါင်းရင်းမြစ်များ

उत्पत्ती 3:12

मिनु मुरुमी “इन गेशो मीश मुरुमी आं कली मेको रवा आ फल गेती। मिनु गो ब्‍वाता” देंमाक्‍त। २कोरिन्‍थी ११:३

उत्पत्ती 3:17

मिनु आदम कली “मारदे हना गे इ मीश आ लोव़ नेंशा, मब्‍वचा देंशो रवा आ फल ब्‍वाप्‍तीवी, इ पतीके आ पर्बम इ रू नेल्‍लेमी सराप ताइनीम। इ जचा थोव़क श्‍येत पा ख्रुम्‍चा माल्‍नेवे। उत्‍पत्ती ८:२१-२२; अय्‍युब ३१:३८-३९

उत्पत्ती 39:7

मिनु पोतीफर आ खिंमी बाक्‍मेनु, आ होव़पोक्ममी योसेफ कली दाक्‍शा, मेको नु बाक्‍चा मला बाक्‍त। मेको मीश मुरुम योसेफ कली “पिवो, गो नु बाक्‍को” दे मदा बाक्‍त।

उत्पत्ती 6:2

मिनु परमप्रभु आ तौपुकीमी मुर आन तमी आन कली तशा “दारशो बाक्‍नीम” दे मिम्‍तमे बाक्‍त। मिनु मेको आन दाते रे योव़शा चाक्‍ग्‍मे बाक्‍त। अय्‍युब १:६; २पत्रुस २:४; यहूदा ६

२ सामुएल 11:2

काबु नाक्‍ती नाक्‍नाक्‍दो दाऊद आ इप्‍तीक रे बोक्‍शा, खिं तार हिरसेनु, मेकोमी मीश मुर का चिक्‍शो तवा बाक्‍त। मेको थम दारशो बाक्‍माक्‍त। मत्ती ५:२८-२९

१ राजा 13:19

नोले मेको परमप्रभु आ मुर लेश्‍शा, मेको नु लमाक्‍त। मिनु मेको आ खिंम जवा तूङा बाक्‍त।

अय्‍युब 31:1

मिनु अय्‍युबमी “गो सुइ मीश आल आन कली मरिम्‍शो थुंम मकोव़चा कली, आं मिक्‍च नु कबल पाता। मत्ती ५:२८-२९

इजीकीएल 24:16

मार लोव़ पाप्‍तु देंशा हना “ए मुर, गो याम काम इ नेल्‍ल क्‍येङा दाक्‍शो मुर लाइक्‍चा चिक्‍शो बाक्‍नुङ। मो हना यो गे रोंका मपावो। मङाक्‍को। मिनु इ मिक्‍च रे प्रेक्‍कु यो मतोक्‍को।

इजीकीएल 24:21

मार लोव़ पाप्‍तु देंशा हना ‘इस्राएल आ खिं ङा मुर आन नेल्‍ल क्‍येङा दाक्‍शो, इन सक्ति, इन कोव़त दाक्‍शो नु थुंम दाक्‍शो आं बाक्‍तीक गो ग्रांग्रा दिशो सेल्‍नुङ। मिनु इन प्रोंइशा वोइश्‍शो इन तमी तौ तरवारम साइक्‍चा पुंइसीनीम

इजीकीएल 24:25

मिनु “ए मुर, मेको नाक्‍ती गो मेको आन ख्रुइश्‍शा बाक्‍तीक, आन नेल्‍ल क्‍येङा दाक्‍शो, आन सक्ति, आन कोव़त दाक्‍शो नु आन थुंम दाक्‍शो नु आन तमी तौ नेल्‍ल आन कली लाइनुङमी।

होसे 6:7

मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्‍म। मेकोपुकीमी आं कली थमा मसुइक्‍थु प्रोंइतेक्‍म। यहोसु ३:१६

मत्ती 5:28

गो मार देंनुङ देंशा हना, ग्‍युंबे पशो मुरुमी अर्को मीश मुर तशा वाल्‍त हना, आ थुंमी मीश वोंइश आस नाता ख्रोइक्‍ब। २सामुएल११:२; अय्‍युब ३१:१; २पत्रुस २:१४

१ तिमोथी 2:14

आदम ङोंइती हेंथे मगाक्‍शो बाक्‍त। मीश मुर चहिं मिक्‍च सिल्‍चा पुंइसीशा, परमप्रभु यावे कली मटीब दुम्‍शो बाक्‍त। उत्‍पत्ती ३:६

यहोसु 7:21

गो खतम सेल्‍चा माल्‍शो थोव़क रे पा शिनार रागी ङा रिम्‍शो फेक्‍तीक वा, सहे निक्‍शी शेकेल चांदी नु ५० शेकेल हेल्‍शो सुन के कोक्‍के का ताता। गो मेको साप्‍पा दाक्‍ताक्‍ङ ङा मिन लांइसाक्‍यी। मिनु मेको आं ताम्‍बु आगाम थिम्‍शा वोइक्‍ता। मेको चांदी नेल्‍ल क्‍येङा आगाम बाक्‍ब” देंत। शेकेल का ११.५ ग्राम बाक्‍ब।

१ यूहन्‍ना 2:16

मिनु रागीमी मार बाक्‍ब देंशा हना, मेको मुर आन रांमी मार मार पचा दाक्‍नीमी, मेकोन पाइनीमी। मेको आन मिक्‍चीमी मार मार कोव़चा दाक्‍नीमी, मेकोन कोव़थ लाइनीम। आन शुश शोंप आ पर्बम ठेयब लेत्‍तीके इं आफ परमप्रभु यावे रे ममाइ, रागी ङा मुर आन पतीके बाक्‍ब।

न्‍यायाधीस 14:17

मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७