उत्पत्ती 3:22 - Sunuwar Bible

²² मिनु परमप्रभु यावेमी “मुर इं खोदेंशो दुम्‍त। रिम्‍शो नु मरिम्‍शो तुइक्‍ब दुम्‍त। मेको ब्रोंइपाइक्‍ब रवा आ फल यो सेक्‍शा, ब्‍वाप्‍तु हना, गेना हना यो ब्रोंइब, गेनायो मबेक्‍ब दुम्‍ब” देंमाक्‍त।

उत्पत्ती 3:22 ပူးပေါင်းရင်းမြစ်များ

उत्पत्ती 1:26

मिनु नोले परमप्रभुमी “इं खोदेंशो पा मुर का सेल्‍य। मिनु समुन्‍द्र ङा ङांइ, सरीङम बेरब चिक्‍ब, बी ब्‍यफ, ब्‍वाकी ङा जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली हुकुम पाइब दुम्‍ल” देंमाक्‍त। भजन संग्रह ८:६-९; एफिसी ४:२४; कलस्‍सी १:१५; याकूब ३:९

उत्पत्ती 2:9

मिनु परमप्रभु यावेमी मेकेर मार मार दारशो तांइसीब रवा नु जचा ब्‍वचा फल सिप्‍ब रवा वापदा बाक्‍त। ब्रोंइपाइक्‍ब का नु रिम्‍शो नु मरिम्‍शो तुइक्‍पाइक्‍ब रवा का यो रू आ दातेमी वापदा बाक्‍त। उत्‍पत्ती ३:२२; प्रकाश २:७; प्रकाश २२:२

उत्पत्ती 3:21

मिनु परमप्रभु यावेमी आदम नु आ मीश आस कली कुशुल के फेक्‍तीक सेल्‍शा, फेक्‍तीम्‍सी बाक्‍त।

उत्पत्ती 3:23

मोपतीके परमप्रभु यावेमी खप रे सेल्‍शो मुर कली एदेन माइश्‍शो रू रे ग्रुंइ‍शा, अरु रूम गेय पथ सोइक्‍ता बाक्‍त। उत्‍पत्ती २:१५

उत्पत्ती 3:5

ब्वाइतीसी हना, इस कली रिम्‍शो नु मरिम्‍शो मार बाक्‍बा तुइक्‍पाइक्‍ब। मिनु गे परमप्रभु खोदेंशो दुम्‍नीसी। मेकोन परमप्रभुमी तुइक्‍ताक्‍व” देंमाक्‍त।

भजन संग्रह 22:26

प्रुङग मुरपुकी जशा रूनीम। मिनु परमप्रभु यावे कली माल्‍बपुकीमी “परमप्रभु यावे ठेयब बाक्‍ब” देंनीम। गेपुकी गेना हना यो ब्रोंइशा बाक्‍चा ताइनीनी। भजन संग्रह ६९:३३

हितोपदेस 3:18

मेको नु बाक्‍बपुकी शुश नाक्‍त ब्रोंइनीम। मेको कली मुप्‍शा बाक्‍ब आन पर्बम मुरपुकीमी “मेकोपुकी ग्‍येरसीशो मुर बाक्‍नीम” देंनीम। हितोपदेस ११:३०; हितोपदेस १३:१२; हितोपदेस १५:४

येरमीया 22:23

लेबानोनम बाक्‍ब मुर, लेबानोन ङा लाइश्‍शो रवा आन दातेमी खिं सेल्‍ब मुरपुकी, श्‍येत नु सुत्‍केरी रोइ पशो खोदेंशो दुम्‍तीनी हना, दोपा हुकयी पाइनीनी।

प्रकाश 2:7

परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्‍ब ब्रोंइतीक रवा आ फल ब्‍वचा गेनुङ” दे ब्रेक्‍पाइक्‍ती। प्रकाश २२:२; उत्‍पत्ती २:९

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४

प्रकाश 22:2

सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।