उत्पत्ती 3:19 - Sunuwar Bible

¹⁹ इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०

उत्पत्ती 3:19 ပူးပေါင်းရင်းမြစ်များ

उत्पत्ती 18:27

मिनु अब्राहाममी “गो फुरक नु पुलु रे दुम्‍शो मुरुमी परमप्रभु नु लोव़ पाता।

उत्पत्ती 2:7

मिनु नोले परमप्रभु यावेमी रू ङा खप के मुर का सेला बाक्‍त। मिनु मुर आ नेंमी ब्रोंइतीक सोक्‍त मुइक्‍ता बाक्‍त। मिनु मुर सोक्‍त पाइश्‍शो दुम्‍माक्‍त। उत्‍पत्ती ३:१९; अय्‍युब १०:९; अय्‍युब ३३:४; भजन संग्रह १०४:२९-३०; १कोरिन्‍थी १५:४५,४७

उत्पत्ती 23:4

“गो इन दातेमी अर्को रागी ङा मुर बाक्‍नुङ। गो थिम्‍तीक का ग्‍याप्‍चा दाक्‍नुङ। मारदे हना आं बेक्‍शो मुर कली थिम्‍चा माल्‍नुङ” देंमाक्‍त। उत्‍पत्ती १७:८

उत्पत्ती 3:18

इ रूमी चू नु चोंक वानीम। मिनु गे गिगी खाइ ब्‍वचा माल्‍नेवे।

उत्पत्ती 5:5

मिनु आदम नेल्‍ल पा ९ सहे ३० बर्स ब्रोंइशा बेक्‍माक्‍त।

अय्‍युब 1:21

“गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११

अय्‍युब 10:9

गे आं कली खप के सेल्‍तीनी। मेको मिम्‍तीन। मिनु मुल फुरक सेल्‍नीनी? अय्‍युब ३३:६; उत्‍पत्ती २:७; उत्‍पत्ती ३:१९

अय्‍युब 19:26

मिनु आं कुशुल राक्‍शा खतम दुम नोले, गो आं रांमी परमप्रभु कली ताइनुङ। भजन संग्रह १७:१५; भजन संग्रह ७३:२४

अय्‍युब 21:26

मिनु मेको नेल्‍ल काथा थिम्‍चा पुंइसीनीम। मिनु लुस्‍पुमी मेको आन कली सुम्‍नीम। अय्‍युब ३:१८-१९

अय्‍युब 34:15

याम कामीन सोक्‍त पाइश्‍शो नेल्‍ल बेक्‍नीम। मिनु मुर लेंशा फुरकुम लेश्‍शा लाइनीम। भजन संग्रह १०४:२९

अय्‍युब 4:19

मिनु खप के खिंम बाक्‍ब मुर मेको आन क्‍येङा शुश दोस मताइनीमी ङा? मुर आन जग फुरक बाक्‍ब। मेको तुम्‍ब खोदेंशो पा दिप्‍शा साइक्‍चा पुंइसीनीम।

भजन संग्रह 103:14

मारदे हना गो दोपा सेल्‍सीशो बाक्‍नीकी, मेकोमी तुइक्‍ब। मेकोमी गो फुरक ला बाक्‍नीक, दे यो तुइक्‍ब। उत्‍पत्ती २:७; उत्‍पत्ती ३:१९

भजन संग्रह 104:23

मुरपुकी चहिं आन गेय पथ लाइनीम। मिनु नाक्‍दो सम्‍म गेय पाइनीम।

भजन संग्रह 104:29

मिनु इन कुल ख्रुइक्‍तीनीनु, मेकोपुकी श्‍येत जाइनीम। मेको आन सोक्‍त लाइक्‍नीनु, मेकोपुकी बेक्‍नीम। मिनु लेंशा फुरक दुम्‍नीम। उत्‍पत्ती ३:१९

भजन संग्रह 127:2

गे सुनी कना बोक्‍शा, नाक्‍दो सम्‍म शुश गेय पाइनीनी। मिनु इन शोब्‍ले सुर्ता पा जाइनीनी। मेको मोशा बाक्‍ब। मारदे हना परमप्रभुमी आ दाक्‍शो मुर आन कली इप्‍ची ना आन माल्‍शो गेब। हितोपदेस १०:२२

भजन संग्रह 22:15

आं सक्ति ग्‍युम्‍त। ब्रोल्‍शो खप के गर खोदेंशो दुम्‍त। आं शोव़ सोव़त। मिनु गे आं कली साइक्‍चा ठीक पाइतीनी। यूहन्‍ना १९:२८

भजन संग्रह 22:29

रागी रागी ङा जाइब तूब, शुश क्‍येट थीबपुकी परमप्रभु आ ङोंइती बाप्‍नीम। मिनु बेक्‍शा, फुरक दुम्‍ब नेल्‍ले मेको आ ङोंइती बाप्‍नीम।

भजन संग्रह 90:3

गे मुर आन कली लेंशा फुरक दुम्‍पाइक्‍नीनी। मिनु गे “मुरपुकी, आं गे ले‍तीन” देंनीनी। भजन संग्रह १४६:४; उपदेसक १:४

हितोपदेस 21:16

सुइ मुर रुप्‍तीक लां प्रोंइतु हना, मेको बेक्‍शो मुर आन बाक्‍तीक लशा नाइक्‍ब।

उपदेसक 1:13

गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।

उपदेसक 1:3

मुरुम रागीम श्‍येत पा गेय पा, मार ताइनीमी ङा? नांम दुप्‍शा श्‍येत पा गेय पा, मार दुम्‍बा ङा? उपदेसक २:२३

उपदेसक 12:7

खप रे बोक्‍शो फुरक खपीमीन लेत्‍चा क्‍येङा ङोंइती नु सोक्‍त गेब परमप्रभु आ बाक्‍तीकेम सोक्‍त लेत्‍चा क्‍येङा ङोंइती परमप्रभु कली मिम्‍तो। उपदेसक ३:२०; उत्‍पत्ती ३:१९

उपदेसक 3:20

मेको नेल्‍ल बेक्‍‍नीम। मारदे हना मेको नेल्‍ल खप रे दुम्‍शो नम। मोपतीके मेको नेल्‍ल लेंशा खप दुम्‍नीम।

उपदेसक 5:15

मुर ममा आ कोव़ज रे पा शिश्रा जाक्‍ब। मिनु मेको दोपा जाक्‍मे, मोपान लेश्‍शा लाइ‍ब। मेकोमी आ श्‍येत पा चेम्‍शो मारेइ लाइक्‍चा मताइब। अय्‍युब १:२१; भजन संग्रह ४९:१८; १तिमोथी ६:७

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

१ कोरिन्‍थी 15:47

ङोंइती ङा मुर रागी ङा खप के सेल्‍शो बाक्‍त। नोले ङा मुर स्‍वर्ग रे बाक्‍ब।

एफिसी 4:28

खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११

१ थिस्‍सलोनिकी 2:9

आंइ लोक्‍बपुकी, गे नु बाक्‍शा, शुश गेय पाइतक, दे तुइक्‍नीनी। गोपुकीमी परमप्रभु यावे आ ग्‍येरपाइक्‍ब लोव़ शेंदकानु, इन कली श्‍येत मगेचा, दे नाक्‍दो नाक्‍त गेय पाइतक। प्रेरित १८:३; प्रेरित २०:३३-३४; १कोरिन्‍थी ४:१२; २थिस्‍सलोनिकी ३:८

२ थिस्‍सलोनिकी 3:10

गोपुकीमी “सुमी गेय मपाइबा, मेकोमी जचा मतवल” दे ङोंइती रे गेपुकी नु बाक्‍शा देंतक।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९