उत्पत्ती 3:17 - Sunuwar Bible

¹⁷ मिनु आदम कली “मारदे हना गे इ मीश आ लोव़ नेंशा, मब्‍वचा देंशो रवा आ फल ब्‍वाप्‍तीवी, इ पतीके आ पर्बम इ रू नेल्‍लेमी सराप ताइनीम। इ जचा थोव़क श्‍येत पा ख्रुम्‍चा माल्‍नेवे। उत्‍पत्ती ८:२१-२२; अय्‍युब ३१:३८-३९

उत्पत्ती 3:17 ပူးပေါင်းရင်းမြစ်များ

उत्पत्ती 3:11

मिनु “गे शिश्रा बाक्‍नेवे, दे दोपा तुइक्‍नेवे? मब्‍वचा देंशो रवा आ फल ब्‍ववी?” दे हिल्‍लो पवा बाक्‍त।

उत्पत्ती 3:18

इ रूमी चू नु चोंक वानीम। मिनु गे गिगी खाइ ब्‍वचा माल्‍नेवे।

उत्पत्ती 3:6

मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४

उत्पत्ती 5:29

मेको कली नोआह नें वोदा बाक्‍त। मेको नें आ अर्थ थुं बारपाइक्‍तीक बाक्‍ब। मिनु लमेकमी “परमप्रभु यावेमी खप कली सराप पाप्‍तु। आं तौ रूम गेय पपाइक्‍तीके श्‍येत रे प्रोंइब बाक्‍ब” देंमाक्‍त। उत्‍पत्ती ३:१७-१९

उत्पत्ती 8:21

मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३

अय्‍युब 14:1

मिनु लेंशा अय्‍युबमी “मीश मुर रे जरमेशो बेक्‍शा लाइब मुर इच्‍का नाक्‍त ब्रोंइशा, श्‍येत ला जाइब।

अय्‍युब 21:17

परमप्रभु यावे आ अरेशो मटीब आन बत्ती गिश खेयप काम्‍सीबा? मेको आन पियाम गिश खेयप हिंचा ङा श्‍येत जुक्‍बा? शुश खेयप मजुक्‍‍ब। परमप्रभु आ गाइश्‍शोमी मेको आन कली गिश खेयप श्‍‍येत गेबा? शुश खेयप मगेब।

भजन संग्रह 127:2

गे सुनी कना बोक्‍शा, नाक्‍दो सम्‍म शुश गेय पाइनीनी। मिनु इन शोब्‍ले सुर्ता पा जाइनीनी। मेको मोशा बाक्‍ब। मारदे हना परमप्रभुमी आ दाक्‍शो मुर आन कली इप्‍ची ना आन माल्‍शो गेब। हितोपदेस १०:२२

उपदेसक 2:11

मो हना यो मेको आं पशो गेय नेल्‍ले नु आं मार मार तचा कली श्‍येत पा पशो गेय नेल्‍ल कोव़ङुनु, मेको नेल्‍ल जाम्‍शा लाइब बाक्‍तेक्‍म। मेको नेल्‍ल फश कली खेदा पशो खोदेंशो शोर गाक्‍शो गेय ला बाक्‍तेक्‍म।

उपदेसक 2:17

मोपतीके गो ब्रोंइचा मदाक्‍तु। मारदे हना रागीमी पशो गेय नेल्‍ल श्‍येत ला बाक्‍त। मेको नेल्‍ल जाम्‍शा लाइब बाक्‍तेक्‍म। मेको फश कली खेदा पशो खोदेंशो ला बाक्‍त।

उपदेसक 5:17

मुरुमी आन ब्रोंइतीक नाक्‍त सम्‍म श्‍येत पा जशा तूशा, हिंशा, रोइ पा, सुर्ता पाइनीम।

मत्ती 22:12

मिनु ‘ए वारच, ग्‍युंबे भोज ङा वा मफेक्‍थु, दोपा एकेर ओव़ङे?’ देंमेनु, सिक्‍सी पा मारेइ देंने मचबा बाक्‍त।

मत्ती 25:45

मिनु पिपमी मेको आन कली ‘नोफा दाइश्‍शा नेनीने, महिक्‍शो आइक्‍च मुर आन कली मार मार वारच मपनीनु, मेको आं कली यो मपनी’ देंब।

लूका 19:22

मिनु ठेयब मुरुमी ‘गो इ लोव़म इ कली निसाफ पाइनुङ। आं देंशो मटीब गेय पाइब बाक्‍नेवे। मार मगेङा, मेको ताक्‍नुङ। मार मशोक्‍गु, मेको खुप्‍‍नुङ। गो मरिम्‍शो मुर नङा दे गे तुइश्‍शोन नवे?

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

रोमी 3:19

अरेशो लोव़ अरेशो टीब आन कली ब्रेक्‍शो बाक्‍ब। मेको लोव़ मटिम्‍तेक्‍म हना, सिक्‍सी पचा माल्‍नीम। यहूदी नु रागी ङा मुर नेल्‍ल पापी दुम्‍तेक्‍म। मोपतीके परमप्रभु यावेमी मुर नेल्‍ल आन कली निसाफ पाइब। रोमी २:१२; गलाती ३:२२

हिब्रू 6:8

माल्‍शो रेउ यिशा यो चू नु सुवा ला वात हना, मेको रू शोर गाक्‍शा, सराप राइब। मिनु मी सुइश्‍शा क्रोइक्‍चा पुंइसीब।