उत्पत्ती 3:14 - Sunuwar Bible

¹⁴ मिनु परमप्रभु यावेमी बुस्‍स कली “बी ब्‍यफ नु ब्‍वाकी ङा जन्‍तु नेल्‍ल आन दातेम गे सराप राइनेवे। मारदे हना मोदेंशो मरिम्‍शो पाप्‍तीवी। इ रांमी ग्रेशा गाक्‍चा माल्‍नेवे। इ ब्रोंइतीक नाक्‍त सम्‍म खप जशा, बाक्‍चा माल्‍नेवे।

उत्पत्ती 3:14 ပူးပေါင်းရင်းမြစ်များ

उत्पत्ती 3:1

मिनु परमप्रभु यावे आ सेल्‍शो जन्‍तु आन दातेमी नेल्‍ल क्‍येङा निप्‍स पाइश्‍शो बुस्‍स दुम्‍माक्‍त। मिनु बुस्‍सुमी मीश मुर कली “परमप्रभुमी इस कली ‘एको रू ङा रवा आन फल मारेइ मब्‍वसे’ देंमे?” दे हिल्‍लो पवा बाक्‍त। प्रकाश १२:९; प्रकाश २०:२

उत्पत्ती 4:11

मुल गे सराप रशा, इ रू रे खेरचा पुंइसीनेवे। मारदे हना इ लोक्‍ब आ हुश मेकेर जारशो बाक्‍ब। गन्‍ती ३५:३३

उत्पत्ती 9:6

सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०

भजन संग्रह 72:9

गोरशो रागी ङा मुरपुकी मेको आ ङोंइती बाम्‍मल। मिनु आ जोरी सत्रुमी फुरक तुक्‍गमेक्‍ल।

यसैया 29:4

गे उइ खप रे लोव़ पाइक्‍नेवे। मिनु फुरक रे पा ब्‍वाक्‍नेवे। इ लोव़ फुरक रे नेंसीब। इ सेंदा वोल आन सेंदा खोदेंशो पा खप आगा रे ग्रूब। इ लोव़ फुरक आगा रे पा आइक्‍च सेंदा पा नेंसीब।

यसैया 65:25

मेना फर नु पाठा काथ काथा जोइनीसी। गुप्‍सम चहिं ब्‍यफोम खोदेंशो पा पराल ब्‍वाइब। बुस्‍सुम खप जाइब। आं योव़शो डांडामी मारेइमी मरिम्‍शो मपाइनीम” दे परमप्रभु यावेमी देंत। यसैया ११:६-९; उत्‍पत्ती ३:१४

लेवी 20:25

मोपतीके गेपुकीमी ग्रांग्रा मदिशो नु ग्रांग्रा दिशो जन्‍तु नु ग्रांग्रा मदिशो नु ग्रांग्रा दिशो चिक्‍ब तुइश्‍शा तिल्‍चा माल्‍नीनी। गेपुकीमी ग्रांग्रा दिशो जन्‍तु, चिक्‍ब नु खपीम ग्रेशा गाक्‍ब जन्‍तु रे आंम कली ग्रांग्रा दिशो मसेल्‍सीन। मारदे हना मेको ग्रांग्रा दिशो बाक्‍नीम, दे शेंताक्‍ङ। लेवी ११:-

मीका 7:17

मेकोपुकीम बुस्‍स खोदेंशो नु खपीम ग्रे‍शा गाक्‍ब जन्‍तु खोदेंशो पा, खप तुक्‍नीम। मेको आन बोल्‍यो दरवार रे हिंशा ख्रिंख्रि पा ग्रूनीम। मेकोपुकी हिंशा परमप्रभु यावे, आंइ परमप्रभु गे लेत्‍नीम। मिनु मेकोपुकीमी इन कली मान पा हिंनीम। भजन संग्रह ७२:९