उत्पत्ती 27:12 - Sunuwar Bible

¹² मिनु आं आफोम आं कली थिशा, तुइक्‍ब। मिनु गो जोल पाइब दुम्‍शा, आसीक मतथु, सराप राइनुङ” देंमाक्‍त।

उत्पत्ती 27:12 ပူးပေါင်းရင်းမြစ်များ

उत्पत्ती 25:27

मिनु मेको तौ निक्‍शी कोल्‍सानु, एसाव जोक्‍ब सिखारी दुम्‍माक्‍त। नेल्‍ल नाक्‍त ब्‍वाकीम बाक्‍चा दाक्‍ता बाक्‍त। याकूब चहिं ताम्‍बुम बाक्‍ब नु रू ङा गेय पा, सिक्‍सी पा बाक्‍ब दुम्‍माक्‍त।

उत्पत्ती 27:36

मिनु एसावमी “आ नें याकूब दुम्‍शो, ठीक बाक्‍ब। मुल आं कली निक्‍शी खेयप ठगेती। आं ङोंइती जरमेशो तौ आ अधिकार रोइक्‍ताक्‍यी। मुल आं आसीक यो लाइक्‍तु। गे आं कली आसीक महेंदीनी?” दे ङाक्‍शा, देंमाक्‍त। उत्‍पत्ती २५:२६; उत्‍पत्ती २५:३३

उत्पत्ती 27:45

मिनु इ लोक्‍बमी इ पशो प्रेंशा, मचुरत हना, गो इ कली ब्रथ सोइक्‍नुङ। गो दोपा नाक्‍त कामी आं मुर निक्‍शी जाम्‍शो तने चाप्‍नुङ ङा?” दे आ तौ कली देंमाक्‍त।

उत्पत्ती 9:25

मिनु नोआहमी “कनान सराप रल। आ लोक्‍ब आस नेल्‍ल क्‍येङा आइक्‍च वाइल दुम्‍ल” दे सराप पवा बाक्‍त।

अय्‍युब 12:16

सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७

येरमीया 48:10

सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।

मलाकी 1:14

“सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। लेवी २२:१९

२ कोरिन्‍थी 6:8

आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।

ब्‍यवस्‍था 27:18

मिनु “सु मुरुमी मिक्‍च मताइब कली हेंथे लां कोंइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १९:१४

१ थिस्‍सलोनिकी 5:22

नेल्‍ल ग्रांग्रा दिचा ङा गेय क्‍येङा ङोन बाक्‍कीन।