उत्पत्ती 24:52 - Sunuwar Bible

⁵² मिनु अब्राहाम आ वाइलम मेको लोव़ नेंशा, परमप्रभु यावे आ ङोंइती खुम्‍की पा बाप्‍शा, मेको कली ठेयब सेला बाक्‍त।

उत्पत्ती 24:52 ပူးပေါင်းရင်းမြစ်များ

उत्पत्ती 24:26

मिनु वाइलमी खुम्‍की पा बाप्‍शा, परमप्रभु यावे आ ङोंइती गु बाप्‍शा बाक्‍माक्‍त।

उत्पत्ती 24:48

मिनु गो परमप्रभु यावे आ ङोंइती गु बाप्‍शा ‘परमप्रभु यावे, आं होव़प अब्राहाम आ परमप्रभु, गे रिम्‍शो पाइब बाक्‍नीनी’ दे ठेयब सेल्‍ता। मारदे हना आं होव़प आ लोक्‍ब आ खिं ङा मुर रे आ तौ कली तमी चाक्‍चा कली रिम्‍शो लां कोंइताक्‍यी।

उत्पत्ती 24:51

लो, रेबेका कली लतो। मिनु लावो। इन होव़प आ तौ आ मीश दुम्‍ल। दोपा परमप्रभु यावेमी लोव़ पवा, मोपा दुम्‍ल” देंसा बाक्‍त।

१ इतिहास 29:20

मिनु नोले दाऊदमी मुर नेल्‍ल आन कली “परमप्रभु यावे, इन परमप्रभु कली ठेयब सेलीन” देंमाक्‍त। मिनु मुर नेल्‍लेमी परमप्रभु यावे, आन किकी पिप आन परमप्रभु कली ठेयब सेल्‍शा बाम्‍मा बाक्‍त। मिनु परमप्रभु यावे नु पिप आ ङोंइती बाप्‍शा, सेउ पामे बाक्‍त।

२ इतिहास 20:18

मिनु येहो-शाफातम खपीम बाप्‍शा सेउ पवा बाक्‍त। मिनु यहूदा नु यरूसलेमम बाक्‍ब मुर नेल्‍ल परमप्रभु यावे आ ङोंइती बाप्‍शा, परमप्रभु यावे कली ठेयब सेल्‍मे बाक्‍त।

भजन संग्रह 95:6

जाक्‍कीन, मेको कली बाप्‍शा ठेयब सेल्‍य। इं कली सेल्‍ब, परमप्रभु यावे आ ङोंइती पोक्‍च थेक्‍तय।

मत्ती 2:11

मिनु ओव़शा, आल नु आल आ ममा मरीयम कली तामे बाक्‍त। मिनु आन पोक्‍च थेक्‍शा आल कली ठेयब सेल्‍मे बाक्‍त। मिनु आन कुरशो थैलो प्राक्‍शा, सुन धूप नु ब्रोव़शो रिना पाइब थोव़क ग्रुंइशा ख्रेत्‍तमे बाक्‍त। भजन संग्रह ७२:१०,१५; यसैया ६०:६

१ सामुएल 1:28

मोपतीके गो एको कली परमप्रभु यावे कली जिम्‍मा गेनुङ। एको ब्रोंइशा बाक्‍म सम्‍म परमप्रभु यावे कली जिम्‍मा गेंसीशो बाक्‍ब” देंमाक्‍त। मिनु मेकोपुकी यो परमप्रभु यावे आ ङोंइती बाप्‍शा, मेको कली ठेयब सेल्‍मे बाक्‍त। १सामुएल १:११