उत्पत्ती 24:1 - Sunuwar Bible

¹ मिनु अब्राहाम शुश बर्स दुम्‍शा, खूशो दुम्‍माक्‍त। परमप्रभु यावेमी अब्राहाम कली आ पतीक नेल्‍लेमी आसीक गेवा बाक्‍त। उत्‍पत्ती १२:२

उत्पत्ती 24:1 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 13:2

अब्राम शुश बी ब्‍यफ क्‍यारश भेडा नु सुन चांदी पाइश्‍शो मुर बाक्‍माक्‍त।

उत्पत्ती 18:11

अब्राहाम नु सारा खाल्‍पा खाल्‍पी दुम्‍शो बाक्‍सा बाक्‍त। सारा आ रां ब्रोल्‍चा यो नुप्‍शो बाक्‍माक्‍त।

उत्पत्ती 21:5

अब्राहाम आ तौ इसहाक थिमेनु, सहे का बर्स दुम्‍शो बाक्‍माक्‍त। उत्‍पत्ती १७:१७

उत्पत्ती 24:35

मिनु परमप्रभु यावेमी आं होव़प कली शुश आसीक गेप्‍तु। मिनु शुश शोंप पाइश्‍शो दुम्‍त। मेकोमी मेको कली क्‍यारश भेडा, सुन चांदी, वाइलीम वाइल, दलओंठ नु गधा शुश गेप्‍तु।

उत्पत्ती 25:20

इसहाक ४० बर्स दुम्‍मेनु, रेबेका चाक्‍गा बाक्‍त। रेबेका चहिं अरामी पदान-अराममी बाक्‍ब बेथुएल आ तमी, लाबान आ समी बाक्‍माक्‍त।

उत्पत्ती 26:12

मिनु इसहाकमी मेको रागीमी मार मार शोक्‍शा, मेको बर्सम गेडा का के सहे का गेडा सम्‍म सिप्‍पाइश्‍शा ख्रेला बाक्‍त। मारदे हना परमप्रभु यावेमी इसहाक कली आसीक गेवा बाक्‍त। हितोपदेस १०:२२

उत्पत्ती 49:25

इ आफ आ परमप्रभुमी इ कली वारच पाइब। नेल्‍ल क्‍येङा सक्ति पाइश्‍शो परमप्रभुमी इ कली सरीङ रे नु खप रे आसीक गेब। शुश आल थिचा ङा आसीक यो गेवल। ब्‍यवस्‍था २८:३-६; ब्‍यवस्‍था ३३:१३

१ राजा 1:1

मिनु दाऊद पिप शुश बर्स दुम्‍शा, थम खूशो दुम्‍माक्‍त। मिनु वा फेक्‍सेनु, यो महोमाक्‍त।

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

यसैया 51:2

इन किकी पिपी अब्राहाम नु इन कली थीब सारा आस कली कोव़ङीन। मारदे हना गो मेको कली आ का बाक्‍मेनु, ब्रेत्‍ताक्‍ङ। मिनु मेको कली आसीक गेशा, आ चच युइ आन कली सोपाइश्‍शा बोपाइश्‍शा शुश सेल्‍ताक्‍मी” देंत। यसैया ४१:८; उत्‍पत्ती १२:१-२

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

लूका 1:7

मेको निक्‍शी खाल्‍पी खाल्‍पा दुम्‍‍शो बाक्‍ताक्‍स हना यो, आल मथिशो बाक्‍सा बाक्‍त। मारदे हना एलीशीबा आल मथीब मीश मुर बाक्‍माक्‍त।

गलाती 3:9

मोपतीके सु सुमी अब्राहाममी थमा सुइश्‍शो खोदेंशो पा थमा सुदमे, मेकोपुकी अब्राहाम आ आसीक यो ताइनीम। रोमी ४:१६

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६