उत्पत्ती 22:16 - Sunuwar Bible

¹⁶ “परमप्रभु यावेमी ‘गो आं नेंमी कसम जाता। मारदे हना गे इ तौ आं कली गेचा ठीक पाप्‍तीवी। प्रस्‍थान ३२:१३; यसैया ४५:२३; आमोस ६:८; मीका ७:२०; लूका १:७३; हिब्रू ६:१३

उत्पत्ती 22:16 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 22:12

मेकोमी “इ तौ कली मक्‍योरो। मेको कली मारेइ मपतो। मारदे हना गे परमप्रभु कली मान पा हिंबाक्‍ते। गो मुल तुइक्‍ताक्‍ङ। गे इ का ला बाक्‍शो तौ आं कली गेचा ठीक पाप्‍तीवी। इ का ला तौ यो आं कली गेचा टीबाक्‍ते” देंमाक्‍त। रोमी ८:३२; हिब्रू ११:१७

उत्पत्ती 22:15

मिनु परमप्रभु यावे आ स्‍वर्ग ङा गेय पाइबमी लेंशा सरीङ रे अब्राहाम कली

उत्पत्ती 22:2

मिनु मेकोमी “इ तौ लतो। का ला बाक्‍शो दाक्‍शो इ तौ इसहाक लतो। मिनु मोरीयाह रागी लावो। मेकेर लशा, इ तौ कली चोशा चढ़ेयी। तेको डांडाम चढ़ेचा माल्‍नेवे, गो इ कली कोंइन‍न” देंमाक्‍त।

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

उत्पत्ती 26:5

मारदे हना अब्राहामम आं देंशो टिशा, आ पचा माल्‍शो पाप्‍तु। आं शेंशो, आं फुल्‍लुम मुशा ब्रेक्‍शो लोव़ नु आं अरेशो नेल्‍ल पाप्‍तु” दे मदा बाक्‍त। उत्‍पत्ती १५:५

१ इतिहास 16:16

मेकोमी अब्राहाम नु कबल पशो बाक्‍त। मेकोमी इसहाक नु कसम जशा, थोक्‍शो लोव़ पशो बाक्‍त।

भजन संग्रह 105:9

मेकोमी अब्राहाम नु मेको कबल पशो बाक्‍त। मिनु इसहाक नु यो थोक्‍शा लोव़ पशो बाक्‍त।

प्रस्‍थान 17:16

मिनु मेकोमी “यावे आ नित्‍तीक गे इन गुइ पोक्‍कीन! मारदे हना परमप्रभु यावेमी ‘अमालेकी नेल्‍ल आन पालामी मेकोपुकी नु लडाइ पाइनुङ’ दे ङोंइती देंशो बाक्‍ब” देंत। येरमीया ३:१७

प्रस्‍थान 2:24

मिनु परमप्रभुमी अब्राहाम, इसहाक नु याकूब नु कबल पशो मिम्‍ता बाक्‍त। उत्‍पत्ती १५:१८; उत्‍पत्ती २६:३; उत्‍पत्ती २८:१३-१४

प्रस्‍थान 32:13

इन गेय पाइब अब्राहाम, इसहाक नु याकूब मिम्‍तीने। मेको आन पर्बम इन नेंमी ‘गो इन कली सरीङ ङा सोरुल खोदेंशो पा शुश सेल्‍नुङ। आं देंशो रागी इन चच युइ आन कली गेनुङमी। मिनु एको रागी गेना हना यो मेको आन के दुम्‍ब’ दे कसम जाइतीनी” दें‍त। उत्‍पत्ती १५:५; उत्‍पत्ती २२:१६-१७; उत्‍पत्ती २६:४

यसैया 45:23

गो आं नेंमी कसम जाता। गो ठीक लोव़ पाता। एको लोव़ मक्‍याम्‍सीब। मुर नेल्‍ले आं ङोंइती पोक्‍च थेक्‍चा माल्‍नीम। आं नेंमी कसम जचा माल्‍नीम। रोमी १४:११; फिलिप्‍पी २:१०-११

येरमीया 22:5

तन्‍न गेपुकीम एको आं लोव़ मपाइतीनी हना, परमप्रभु यावेम “गो आं नेंमी कसम जशा, एको दरवार क्‍याम्‍नुङ” दे मतो’ ” देंत। १राजा ९:८

येरमीया 44:26

मोपतीके गे इजीप्‍तम बाक्‍ब यहूदी नेल्‍ल परमप्रभु यावे आ लोव़ नेनीन। परमप्रभु यावेमी गो आं ठेयब नेंमी कसम जाइनुङ। मुल मेको इजीप्‍त रागीम बाक्‍ब यहूदा ङा मुर आन शोव़ रे ‘परमप्रभु, परमप्रभु यावे ब्रोंइशा बाक्‍शो खोदेंशो पा’ दे देंतीकेमी आं नें गेनायो मदेंनीम।

येरमीया 49:13

मारदे हना बोज्रा ब्रेश्‍शा हिंचा ङा, शुक्‍शी पाइक्‍चा पुंइसीब, श्‍येत्‍थ नु सराप पाइक्‍तीके दुम्‍ब, दे आं नेंम कसम जाता। मिनु आ सहर नेल्‍ले गेना हना यो कली ब्रेश्‍शा लीनीम” देंत।

येरमीया 51:14

मुर नेल्‍ल आन परमप्रभु यावेम आ नेंम कसम जाप्‍तु। गो थमा पा सल्‍हा खोदेंशो पा लडाइ पाइब मुर जाक्‍पाइश्‍शा, इ रागी प्रिंनुङमी। मिनु मेकोपुकीमी इ क्‍येङा ग्राशो आ पर्बम ठेयब सेंदा पा रेयके पाइनीम।

इजीकीएल 16:8

गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५

आमोस 6:8

परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।

मीका 7:20

गे याकूब कली इन थमा सुइक्‍तीके कोंइ‍नीनी। मिनु अब्राहाम कली दाक्‍शा मप्रोंइतीके कोंइताक्‍नी। गे साइ ङोंइती आंइ किकी पिप आन कली कसम जशा लोव़ गेशो बाक्‍तीनी। उत्‍पत्ती २८:१३-१५; उत्‍पत्ती २२:१६-१८; लूका १:७३

लूका 1:73

मोदेंशो पा शिशी पाइनुङ, दे इं किकी पिपी अब्राहाम नु कसम जशा लोव़ थोक्‍ता बाक्‍त। मार लोव़ थोक्‍शो बाक्‍त देंशा हना उत्‍पत्ती २२:१६-१८; मीका ७:२०