उत्पत्ती 22:11 - Sunuwar Bible

¹¹ मिनु परमप्रभु यावे आ स्‍वर्ग ङा गेय पाइबमी सरीङ रे “अब्राहाम, अब्राहाम” दे ब्रेत्‍ता बाक्‍त। मिनु अब्राहाममी “गो नेंता” देंमाक्‍त।

उत्पत्ती 22:11 ပူးပေါင်းရင်းမြစ်များ

उत्पत्ती 16:7

मिनु परमप्रभु यावे आ स्‍वर्ग ङा गेय पाइबमी हागार कली गोरशो रागी शुर लतीक लां ङा ब्‍वाक्‍कु बुक्‍तीके आ नेक्‍था थिदा बाक्‍त। प्रस्‍थान १४:१९; प्रस्‍थान २३:२०; गन्‍ती २२:२२; १राजा १९:७; १राजा १९:७; २राजा १९:३५

उत्पत्ती 21:17

मिनु परमप्रभुमी आल आ ङाक्‍शो सेंदा नेना बाक्‍त। मिनु परमप्रभु आ स्‍वर्ग ङा गेय पाइबमी सरीङ रे “हागार, मार दुमे? महिनो। मारदे हना परमप्रभुमी उइ बाक्‍शो इ तौ आ ब्रेश्‍शो नेंतु।

उत्पत्ती 21:18

बोक्‍को, इ तौ लाइश्‍शा गाक्‍को। गो मेको रे ठेयब जात का सेल्‍नुङ” देंमाक्‍त।

उत्पत्ती 22:1

मिनु नोले परमप्रभुमी “अब्राहामम आं कली टीबाक्‍म कों, मटीबाक्‍म” दे मिम्‍शा “अब्राहाम” दे ब्रेत्‍ता बाक्‍त। अब्राहाममी “गो एक बाक्‍ती” दे परमप्रभु कली मदा बाक्‍त। प्रस्‍थान १५:२५; प्रस्‍थान १६:४; प्रस्‍थान २०:२०; ब्‍यवस्‍था ८:२; ब्‍यवस्‍था १३:४; न्‍यायाधीस २:२२; हिब्रू ११:१७; याकूब १:१३

उत्पत्ती 22:10

मिनु अब्राहाममी आ तौ क्‍योरचा कली चुक्‍ब शोइश्‍शा तरेवा बाक्‍त। मत्ती २६:३९; याकूब २:२१

उत्पत्ती 22:12

मेकोमी “इ तौ कली मक्‍योरो। मेको कली मारेइ मपतो। मारदे हना गे परमप्रभु कली मान पा हिंबाक्‍ते। गो मुल तुइक्‍ताक्‍ङ। गे इ का ला बाक्‍शो तौ आं कली गेचा ठीक पाप्‍तीवी। इ का ला तौ यो आं कली गेचा टीबाक्‍ते” देंमाक्‍त। रोमी ८:३२; हिब्रू ११:१७

उत्पत्ती 22:16

“परमप्रभु यावेमी ‘गो आं नेंमी कसम जाता। मारदे हना गे इ तौ आं कली गेचा ठीक पाप्‍तीवी। प्रस्‍थान ३२:१३; यसैया ४५:२३; आमोस ६:८; मीका ७:२०; लूका १:७३; हिब्रू ६:१३

उत्पत्ती 24:7

ङोंइती परमप्रभु यावे, सरीङ नु रागी ङा परमप्रभुम आं कली आं आफ आ खिं नु आं जात ङा रागी रे ग्रुंइशा, एक सोइक्‍ताक्‍यी। मेकोमी कसम जशा, आं कली लोव़ पाप्‍तु ‘कनान रागी इ चच युइ आन कली गेनुङमी’ दे माइक्‍ती। मेकोमी आ स्‍वर्ग ङा गेय पाइब इ ङोंइती सोइक्‍ब। आं तौ कली आं जात रे मीश आल का चाक्‍को। २इतिहास ३६:२३; नेहेम्‍याह २:२०

उत्पत्ती 31:11

मिनु परमप्रभु आ स्‍वर्ग ङा गेय पाइबमी आं कली ङोमुमी ‘याकूब’ दे ब्रेत्‍ताक्‍यी। ‘मिनु गो बाक्‍ती’ दे लोव़ लेत्‍ताक्‍ङ।

उत्पत्ती 37:13

इस्राएलमी योसेफ कली “इ लोक्‍बपुकी शेकेम नेक्‍थान क्‍यारश भेडा योव़नीम। गो इ कली शेकेम सोइक्‍नन” देंमाक्‍त। मिनु योसेफम “लो, गो लाइनुङ” देंमाक्‍त।

उत्पत्ती 46:2

मिनु मेको नाक्‍दो परमप्रभुमी इस्राएल कली “याकूब, याकूब” देंमाक्‍त। मिनु इस्राएलमी “गो नेंता” दे लोव़ लेत्‍ता बाक्‍त।

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

प्रस्‍थान 3:2

मेकेर परमप्रभु यावे आ स्‍वर्ग ङा गेय पाइब मी ब्रशो बुटा रे ग्रूत। ङोंइती दोदेंशो बाक्‍‍त देंशा हना, मोसामी ङोन रे कोव़ङानु, ब्रशो बुटा का कली मीम काइ मनेक्‍शो ताप्‍तु। ब्‍यवस्‍था ३३:१६

प्रस्‍थान 3:4

मिनु परमप्रभु यावेमी मोसा कली ब्रशो बुटा कोव़थ पिशो तशा, परमप्रभुमी बुटा रे “मोसा, मोसा” दे ब्रेत्‍ताक्‍व। मिनु मोसामी “गो एक बाक्‍ती” दे लोव़ लेत्‍ताक्‍व।

यसैया 6:8

मिनु परमप्रभु यावेमी “गो सु कली सोइक्‍नुङा? आंइ पर्बम सु लाइबा?” दे लोव़ पशो नेंता। मिनु “गो बाक्‍ती। आं कली सोइक्‍तीनी” देंती।

प्रेरित 26:14

मोदेंशो छेङछेङ दुम्‍शो तशा, गो नेल्‍ल दिङ दाङ गोल्‍तक। मिनु हिब्रू लोव़ पा आं नें थिशा ‘सावल, सावल आं कली मारदे खेदा पा श्‍येत गेयी? गे आंमा श्‍येत जाइनेवे’ दे लोव़ पशो नेंता।

प्रेरित 9:4

मोपा छेङछेङ तवानु, दिङ गोल्‍माक्‍त। मिनु “सावल, सावल, गे मारदे आं कली खेदा पयी?” देंशो लोव़ नेंना बाक्‍त।

न्‍यायाधीस 2:1

मिनु परमप्रभु यावे आ स्‍वर्ग ङा गेय पाइब गिल्‍गाल रे बोकीम सहरमी कुमाक्‍त। मेकोमी “गो इन कली इजीप्‍त रे ग्रुंइताक्‍न्‍नी। इन किकी पिपी आन कली ‘इन कली गेनुङ’ देंशो रागीमी चाक्‍तन्‍नी। गो गे नु पशो कबल गेना हना यो खाप्‍नुङ। यहोसु २४:२९-३१

१ सामुएल 3:10

मिनु परमप्रभु यावे मेकेर जाक्‍शा, राप्‍शा, ङोंइती ङा खोदेंशो पा “सामुएल, सामुएल” दे ब्रेम्‍माक्‍त। मिनु सामुएलमी “देनीन, इन गेय पाइबम नेंशो बाक्‍नुङ” देंमाक्‍त।

१ सामुएल 3:4

मिनु परमप्रभु यावेमी “सामुएल, सामुएल” दे ब्रेत्‍ता बाक्‍त। मिनु सामुएलम “गो एक बाक्‍ती” देंमाक्‍त।