उत्पत्ती 21:6 - Sunuwar Bible

⁶ मिनु सारामी “परमप्रभुमी आं कली रिप्‍पाइक्‍ती। सु सुम एको नेंनीमी, मेको यो गो नु रित्‍नीम। उत्‍पत्ती १८:१२

उत्पत्ती 21:6 ပူးပေါင်းရင်းမြစ်များ

उत्पत्ती 17:17

मिनु अब्राहाममी खुम्‍की पा बाप्‍शा, रिश्‍शा “सहे का बर्स ङा मुरुम आल थीबा? सारा ९० बर्स दुम्‍शा, आल थिने चाप्‍‍बा?” दे आंम कली देंमाक्‍त। उत्‍पत्ती १८:१२; उत्‍पत्ती २१:६; लूका १:१८; रोमी ४:१९-२१

भजन संग्रह 113:9

मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। उत्‍पत्ती २१:२ १सामुएल १:२०; लूका १:५७-५८

भजन संग्रह 126:2

मिनु गोपुकी शुश ग्‍येरसीशा रिस्‍साक्‍क। थाम्‍पा ग्‍येरशा ग्रीतक। मिनु रागी रागी ङा मुरपुकीमी “परमप्रभु यावेमी मेको आन कली वारच पा, ठेयब गेय पाप्‍तु” देंमुम्‍तेक्‍म।

यसैया 49:15

मिनु परमप्रभुम “सुइ मीश मुरुम आ दूध तूब आल कली प्रेंबा ङा? आंम आ आल कली शिशी मपाइबा ङा? मेकोम आ आल कली प्रेंने चाप्‍तु हना यो, गो इ कली मप्रेंनुङ। उत्‍पत्ती २१:१६; १राजा ३:२६; येरमीया ३१:२०

यसैया 49:21

मिनु गे इ थुंमी ‘एको आलपुकी आं कली सुम थिशा गेयी? गो आल मथीब दुम्‍शो बाक्‍ती। आं रागी रे ग्‍याइश्‍शा लाइक्‍चा पुंइसाक्‍यी। सुम मेको आन कली थुल्‍शा कोल्‍पदा? गो दा आं का ला लीशो बाक्‍ती। एको ते रे जाक्‍मा?’ दे मिम्‍नेवे” देंत।

यसैया 54:1

मिनु परमप्रभु यावेमी “गे आल मथीब मीश मुर, कुम्‍सो पावो। आल थितीक रोइ गेनायो मपशो मीश मुर, कुम्‍सो पा ग्‍येरसो। मारदे हना ग्‍युंबे पशो मीश मुर आ आल क्‍येङा, आ का ला बाक्‍ब मीश मुर आ आल शुश दुम्‍नीम। यसैया ४९:२०; गलाती ४:२७

येरमीया 20:15

आं आफ कली “इ के आल का जरमेसाक्‍व। तौ का जरमेसाक्‍व” दे लोव़ शेंब सराप रल। मेकोमी आं आफ कली ग्‍येरपाइक्‍तु।

लूका 1:14

मेको आल थिशो तशा, गे ग्‍येरसीनेवे। शुश मुर मेको आल आ पर्बम ग्‍येरसीनीम।

लूका 1:58

आ एर ओंथ बाक्‍ब नु आ खिं ङा मुर नेल्‍लेमी “परमप्रभुमी मेको कली शिशी पा, तौ थीब सेल्‍तु” देंशो नेंशा, नेल्‍ल मेको नु ग्‍येरसमा बाक्‍त।

रोमी 12:15

ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९

हिब्रू 11:11

थमा सुइश्‍शोमी अब्राहाम आ मीश सारा आल मथीब थारी बाक्‍शा यो, आल थीब दुम्‍माक्‍त। मारदे हना लोव़ गेब परमप्रभु यावेमी आ लोव़ दोपा यो खाप्‍ब, दे थमा सुइश्‍शो बाक्‍माक्‍त।

१ सामुएल 1:26

मिनु हान्‍नाहमी मेको कली “आं प्रभु, गे ब्रोंइशा बाक्‍शो खोदेंशो पा, गो थमा लोव़ पाइनुङ। गो परमप्रभु यावे कली पुंइशा, इन ङोंइती राप्‍शा, बाक्‍ब मीश मुर नङ।