उत्पत्ती 21:1 - Sunuwar Bible

¹ मिनु परमप्रभु यावेमी सारा कली मार देंमे, मेकोन दुम्‍पदा बाक्‍त। उत्‍पत्ती १८:१०

उत्पत्ती 21:1 ပူးပေါင်းရင်းမြစ်များ

उत्पत्ती 17:16

गो मेको कली आसीक गेनुङ। गो इ कली मेको रे तौ का गेनुङ। मिनु सारा रागी रागी ङा मुर नु जात जात ङा मुर आन पिप आन ममा दुम्‍ब” दे परमप्रभुमी देंमाक्‍त। उत्‍पत्ती १२:२-३

उत्पत्ती 17:19

मिनु परमप्रभुमी “ममाइ, इ मीश सारामी थमा पा तौ का थीब। मेको आ नें इसहाक वोइक्‍चा माल्‍नेवे। मेको नु आं कबल पतीक गेना हना यो दुम्‍ब। मेको आ नोले ङा आ तौ चच युइ नु यो लीब।

उत्पत्ती 17:21

तन्‍न आं कबल इसहाक नु पाइनुङ। सारामी बर्स का नोले इसहाक थीब” देंमाक्‍त।

उत्पत्ती 18:10

मिनु कामी “गो एकेर लेंशा माइक्‍थ जाक्‍नुङ। मेना इ मीशेमी तौ का थिशो बाक्‍ब” देंमाक्‍त। मिनु सारा ताम्‍बु आ लाप्‍चोम मेको लोव़ पाइब आ नोले ख्रुइश्‍शा बाक्‍शा, मेको लोव़ नेना बाक्‍त। उत्‍पत्ती १७:१९; रोमी ९:९

उत्पत्ती 18:14

गो परमप्रभु यावे नङ। गो नेल्‍ल पने चाप्‍नुङ। गो माइक्‍थ लेश्‍शा जाक्‍ङानु, सारामी तौ थिशो बाक्‍ब” देंमाक्‍त। मत्ती १९:२६; लूका १:३७

उत्पत्ती 24:36

मिनु आं होव़प आ मीश सारामी खाल्‍पी दुम्‍शा, अब्राहाम के तौ का थिप्‍तु। मिनु अब्राहामम आ तौ कली आ मारेइ मारेइ नेल्‍ल गेप्‍तु।

उत्पत्ती 50:24

मिनु योसेफमी आ लोक्‍ब आन कली “गो बेक्‍नुङ। परमप्रभुमी इन कली कोव़ब। परमप्रभुमी अब्राहाम, इसहाक नु याकूब कली ‘इन कली कनान रागी लेप्‍पाइक्‍नुङ’ दे कसम जशा, लोव़ पशो बाक्‍ब” देंमाक्‍त।

२ राजा 4:17

मिनु मेको कोव़ज कुरशो दुम्‍शा, एलीशाम देंम ना तौ का थिमाक्‍त।

भजन संग्रह 106:4

परमप्रभु यावे, गे इन मुर आन कली शिशी पनी ना, आं कली यो मिम्‍तीन। मेको आन कली प्रोंइनीनु, आं कली यो वारच पन।

भजन संग्रह 12:6

परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब।

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

प्रस्‍थान 3:16

गे इस्राएल जात ङा मुर आन खाल्‍पा आन कली खुप्‍थ लावो। मिनु मेको आन कली ‘परमप्रभु यावे इन किकी पिपी आन परमप्रभु आं ङोंइती ग्रूत। अब्राहाम, इसहाक नु याकूब आन परमप्रभुमी आं कली ग्रुम्‍शा, लोव़ पाप्‍तु’। मेकोमी आं कली ‘गो थमा पा इन कली ग्रुम्‍थ यिती, इजीप्‍त रागीम इन कली गिश श्‍येत गेमे, मेको ताता।

प्रस्‍थान 4:31

मिनु मुरपुकीमी थमा सुइक्‍तेक्‍म। मिनु परमप्रभु यावेमी इस्राएली आन कली ग्रुम्‍शा, आन श्‍येत तशा, वारच पचा चिक्‍शो तुइश्‍शा, मेकोपुकी बाप्‍शा, परमप्रभु कली ठेयब सेल्‍तेक्‍म। प्रस्‍थान ३:१६

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

लूका 1:68

मेकोमी “परमप्रभु, इस्राएली आन परमप्रभु यावे ठेयब बाक्‍ब। मारदे हना इस्राएल ङा मुर इं कली शिशी पा पाप रे प्रोंइब सोइक्‍चाप्‍तु। लूका ७:१६

लूका 19:44

मेकोपुकीमी इ कली नु इ आल आन कली खपीम राप्‍नीम। मेकेर फुल्‍लु का सम्‍म ख्रोप्‍शा मलीनीम। मारदे हना गे इ कली ग्रुम्‍थ जाक्‍ब कली मतुइक्‍ती” देंमाक्‍त। लूका २१:६

गलाती 4:23

वाइलीम आ तौ मुर आ दाक्‍शो पतीकेम जरमेशा ब्रोंइशो बाक्‍त। ग्‍युंबे पशो मीश आ तौ चहिं परमप्रभु यावेमी अब्राहाम कली गेशो लोव़ गाप्‍शा, जरमेशा ब्रोंइशो बाक्‍त। रोमी ९:७-९

गलाती 4:28

आं लोक्‍बपुकी, इसहाक जरमेशो खोदेंशो पा गे परमप्रभु यावे आ गेशो लोव़ गाप्‍शा, आ तमी तौ दुम्‍तीनी।

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

रूथ 1:6

मिनु नोले नाओमी आ चाइमी निक्‍शी नु मोआब रे आ रागी लेत्‍चा चिक्‍ता बाक्‍त। मारदे हना मोआब रागीम बाक्‍मेनु, नाओमीमी “परमप्रभु यावेम आ मुर आन कली मिम्‍शा, मेको आन कली जचा गेप्‍तु” देंशो लोव़ नेना बाक्‍त। २राजा ८:३

१ सामुएल 1:19

मिनु मेकोपुकी आ दीसा सुनी कना बोक्‍शा, परमप्रभु यावे कली ठेयब सेल्‍शा, आन खिं रामाह लेम्‍मा बाक्‍त। मिनु एल्‍काना आ मीश हान्‍नाह नु इम्‍माक्‍त। मिनु परमप्रभु यावेमी हान्‍नाह कली मिम्‍ता बाक्‍त। उत्‍पत्ती ३०:२२

१ सामुएल 2:21

मिनु परमप्रभु यावेमी हान्‍नाह कली आसीक गेवानु, मेको आल थीब दुम्‍शा, तौ सां नु तमी निक्‍शी थिमाक्‍त। मिनु सामुएल चहिं परमप्रभु यावे आ ङोंइती कोल्‍ना कोल्‍न ल‍माक्‍त। लूका १:८०