उत्पत्ती 20:8 - Sunuwar Bible

⁸ मोपतीके अबीमेलेक सुनी कना बोक्‍शा, आ गेय पाइब नेल्‍ल आन कली ब्रेश्‍शा, आ ङोमु नेल्‍ल शोव़ङा बाक्‍त। मिनु मुर नेल्‍ल शुश हिंमा बाक्‍त।

उत्पत्ती 20:8 ပူးပေါင်းရင်းမြစ်များ

उत्पत्ती 20:7

मुल मेको मुर आ मीश लेत्‍तो। मारदे हना मेको आं लोव़ पाइब का बाक्‍ब। मेकोमी इ पर्बम पुंइब। मिनु गे ब्रोंइनेवे। गे आ मीश कली मलेत्‍ताक्‍वी हना, गे थमा पा बेक्‍चा माल्‍नेवे। इ मुर नेल्‍ल यो बेक्‍चा माल्‍नीमी, दे तुइक्‍तो” देंमाक्‍त। १राजा १३:६

उत्पत्ती 20:9

मिनु अबीमेलेकम अब्राहाम कली यो ब्रेत्‍ता बाक्‍त। मिनु मेको कली “मारदे आंइ कली ओदेंशो पवी? गो नु आं रागी कली ओदेंशो मरिम्‍शो पपाइक्‍चा कली गो इ कली मार मरिम्‍शो पाइक्‍ना? गे मपचा ङा गेय पाप्‍तीवी।