उत्पत्ती 20:5 - Sunuwar Bible

⁵ मेकोमी आं कली ‘आं समी बाक्‍ब’ मदेंम ङा? आ मीशेमी यो ‘आं लोक्‍ब बाक्‍ब’ देंत। गो रिम्‍शो थुं नु थमा पा मतुइक्‍तीकेमी चाक्‍ता” देंमाक्‍त।

उत्पत्ती 20:5 ပူးပေါင်းရင်းမြစ်များ

उत्पत्ती 12:13

मोपतीके ‘आ समी नङ’ देनो। मिनु इ मो देंशो आ पर्बम गो साइक्‍चा मपुंइसीनुङ, ब्रोंइचा ताइनुङ” दे आ मीश कली मदा बाक्‍त।

उत्पत्ती 20:13

मिनु परमप्रभुमी आं कली आं आफ आ खिं रे गाक्‍पाइय्‍यीनु, गो आं मीश कली ‘आं कली दाक्‍नेवे हना, गो ते ते जाक्‍दीस्‍सा, मेक मेक एको आं लोक्‍ब बाक्‍ब, देनो’ दे माइक्‍ता” देंमाक्‍त।

उत्पत्ती 20:16

मिनु सारा कली “नेनो, इ लोक्‍ब कली हजार का चांदी टुक्रा गेता। मेको इन कली इ मुर आन ङोंइती इ कली रिम्‍शो पचा कली गेता। मोपा नेल्‍ल आन ङोंइती इ कली ठीक पाता” देंमाक्‍त।

१ राजा 9:4

मिनु गे चहिं ब्रेम्‍शो दुम्‍शा, इ आफ दाऊद खोदेंशो पा आं ङोंइती गेना हना यो रिम्‍शो पाइब नु रिम्‍शो थुं पाइश्‍शो दुम्‍ते हना, आं इ कली शेंशो नेल्‍ल पना पन, आं फुल्‍लुम मुशा ब्रेक्‍शो लोव़ नु आं निसाफ पतीक लोव़ नेल्‍ल पाप्‍तीवी हना,

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

१ इतिहास 29:17

आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०

अय्‍युब 33:9

गे ‘गो दोस मताइब नु हेंथे मपाइब बाक्‍नुङ। गो मरिम्‍शो मपाइब, गेना हना यो रिम्‍शो पाइब बाक्‍नुङ’ अय्‍युब १६:१७; अय्‍युब २७:६; अय्‍युब ३१:१-४०

भजन संग्रह 24:4

आन गुइमी काइ मरिम्‍शो मपाइबपुकी, रिम्‍शो थुं पाइश्‍शोपुकी, मूर्ति आन ङोंइती सेउ मपाइबपुकी नु जोल पा कसम मजाइबपुकी ला मेकेर ङोइक्‍ने चाप्‍नीम।

भजन संग्रह 25:21

रिम्‍शो पतीके नु रिम्‍शो थुं बाक्‍‍तीकेमी आं कली खाल पयील। मारदे हना गो इन लां कोव़शो बाक्‍नुङ।

भजन संग्रह 26:6

आं गुइमी मारेइ मरिम्‍शो मपङ। परमप्रभु यावे, इन कली ठेयब सेल्‍शा, इन चढ़ेतीके आ एर ओंथ हिरशा बाक्‍नुङ। ब्‍यवस्‍था २१:६-७; मत्ती २७:२४

भजन संग्रह 7:8

परमप्रभु यावे जात जात ङा मुर आन कली निसाफ पाइब बाक्‍ब। परमप्रभु यावे, आं ठीक पशो नु आं आगाम बाक्‍शो ठीक पाइब थुं तशा, आं कली निसाफ पने। भजन संग्रह १८:२१-२७

भजन संग्रह 7:9

इन अरेशो मटीब आन मरिम्‍शो पतीके थुम्‍पतीन। मिनु नोले गे ठीक पाइब आन कली बोल्‍यो सेलीन। ठीक पाइब परमप्रभु, गे मुर आन थुं नु आन पतीके नाक्‍ब बाक्‍नीनी। भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३

भजन संग्रह 73:13

गो आयेसो ला रिम्‍शो थुं पाइश्‍शो दुम्‍ङा बाक्‍त। मिनु मोशा दोस मताइब दुम्‍ङा बाक्‍त। मलाकी ३:१४

भजन संग्रह 78:72

दाऊदमी आ थुं ङा रिम्‍शो पतीकेमी मेको आन कली कोव़तीमी। मेकोमी जोक्‍ब तुइक्‍ब दुम्‍शा, मेको आन कली लां कोंइताक्‍मी।

हितोपदेस 11:3

रिम्‍शो थुं पाइश्‍शो मुर आन कली गेना हना यो आन रिम्‍शो पतीकेमी लां कोंइब। तन्‍न थमा सुइक्‍चा मपुंइसीब मुर आन कली आन मरिम्‍शो पतीकेमी खतम सेल्‍ब।

हितोपदेस 20:7

ठीक पाइब मुर गेना हना यो रिम्‍शो पाइब बाक्‍ब। मेको आ आलपुकी ग्‍येरसीशो बाक्‍नीम। भजन संग्रह ११२:१२

दानीएल 6:22

आं परमप्रभुमी आ स्‍वर्ग ङा गेय पाइब सोइश्‍शा, आं कली मारेइ मपाइक्‍पाइक्‍चा कली गुप्‍स आन शोव़ चोक्‍पाइक्‍तु। मारदे हना आं दोस मबा। हजुर पिप, इन ङोंइती यो मारेइ मरिम्‍शो मपङ” देंत। दानीएल ३:२८; भजन संग्रह २२:२२; हिब्रू ११:३३

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

१ थिस्‍सलोनिकी 2:10

गो ठीक, रिम्‍शो नु परमप्रभु यावे आ गेय ला पाइतक। परमप्रभु यावेमी मेको तुइक्‍ब। मिनु गे थमा सुइक्‍बमी यो तुइक्‍नीनी।

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।

यहोसु 22:22

“परमप्रभु यावे, नेल्‍ल क्‍येङा सक्ति पाइश्‍शो परमप्रभु यावेमी नेल्‍ल तुइक्‍ब। गो परमप्रभु यावे कली मटिशो बाक्‍तय हना, इस्राएलीपुकीमी यो मेको तुइक्‍तमेक्‍ल। मुलाक्‍त आंइ कली सतीन।