उत्पत्ती 20:2 - Sunuwar Bible

² मेकोमी मुर आन कली आ मीश, सारा आ पर्बम “आं समी बाक्‍ब” देंमाक्‍त। मिनु गेरार ङा पिप अबीमेलेकमी मेको कली ब्रथ सोइक्‍ता बाक्‍त।

उत्पत्ती 20:2 ပူးပေါင်းရင်းမြစ်များ

उत्पत्ती 12:15

मिनु फाराओ माइश्‍शो पिप आ मुरपुकीमी साराइ कली तशा “थम दारशो मीश मुर का ताइतक” दे मदमे बाक्‍त। मिनु साराइ कली फाराओ आ खिं लदमे बाक्‍त।

उत्पत्ती 20:12

मेको थमा आं समी यो बाक्‍ब। आं आफ आ तमी बाक्‍ब। तन्‍न आं ममा आ तमी ममाइ। गो मेको कली चाक्‍ता। लेवी १८:९

उत्पत्ती 21:22

मिनु काबु अबीमेलेक नु आ फौज ङा ठेयब कप्‍तान फीकोल अब्राहाम आ बाक्‍तीक जाक्‍शा, अब्राहाम कली “गे मार मार पाइनीनी, परमप्रभु गे नु बाक्‍ब।

उत्पत्ती 26:1

मिनु नोले रागीमी अन्‍काल दुम्‍माक्‍त। ङोंइती अब्राहाम बाक्‍मेनु यो, अन्‍काल दुम्‍शो बाक्‍माक्‍त। मिनु इसहाक पलिस्‍ती आन पिप अबीमेलेक आ रागी ङा गेरार सहर लमाक्‍त।

उत्पत्ती 26:16

मिनु अबीमेलेकम इसहाक कली “आंइ क्‍येङा गे बोल्‍यो बाक्‍नीनी, मोपतीके एकेर रे लने” दे मदा बाक्‍त।

उत्पत्ती 26:7

मिनु अबीमेलेक आ मुरपुकीमी इसहाक कली आ मीश आ पर्बम लोव़ पामे बाक्‍त। मेकोमी चहिं “आं समी बाक्‍ब” दे लोव़ लेत्‍ता बाक्‍त। मारदे हना रेबेका शुश दारशो मीश मुर दुम्‍तीके “आं मीश बाक्‍ब” देंचा हिंमाक्‍त। मारदे हना “मेको कली तशा, लाइक्‍चा कली आ कली साइक्‍नीम” दे हिंशो बाक्‍माक्‍त।

२ इतिहास 19:2

मिनु परमप्रभु यावे आ नोले दुम्‍ब लोव़ पाइब हानानी आ तौ येहू मेको कली ग्रुम्‍थ जाक्‍माक्‍त। मिनु मेकोमी येहो-शाफात कली “मार, मरिम्‍शो पाइब कली वारच पाइश्‍शा, परमप्रभु यावे आ जोरी सत्रु कली दाक्‍चा ठीक बाक्‍बा? इन पशो तशा परमप्रभु यावे इन पर्बम गाइक्‍ताक्‍व।

२ इतिहास 20:37

मारेशा ङा दोदा-वाहु आ तौ एलीएजेरमी येहो-शाफात आ पर्बम परमप्रभु आ लोव़ पवा बाक्‍त। मेकोमी “गे अहाज्‍‍याह नु वारच्‍बु दुम्‍‍तीके, परमप्रभु यावेम इन गेय खतम सेल्‍ब” देंमाक्‍त। मिनु मेको ठेयब जहाजपुकी खतम दुम्‍मा बाक्‍त। टारशीश लचा मतामे बाक्‍त।

२ इतिहास 32:31

मिनु बेबीलोन ङा सरकार ङा ठेयब मुर आन सोइश्‍शो मुर मेको रागीम तांइसीशो छक लाक्‍चा चिन्‍ड आ पर्बम हिल्‍लो पथ जाक्‍मा बाक्‍त। तन्‍न परमप्रभुम हिज्‍कीयाह कली नाक्‍शा कोव़चा कली नु मेको आ थुंम बाक्‍शो मार बाक्‍बा, दे तुइक्‍चा कली वारच मपवा बाक्‍त।।

हितोपदेस 24:16

ठीक पाइब मुरपुकी ७ खेयप गोल्‍तेक्‍म हना यो, लेंशा बोक्‍नीम। तन्‍न परमप्रभु यावे आ अरेशो मटीबपुकी मबोक्‍चा ङा पा गोल्‍नीम। भजन संग्रह ३७:२४

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

हितोपदेस 6:29

अरु मुर आ मीश नु इप्‍ब मुर मोदेंशो दुम्‍शा, सु मेको मीश मुर कली थीबा, मेको सजाइ मतथु, मब्रोंइब। हितोपदेस ५:८-१४

उपदेसक 7:20

थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्‍नीम। भजन संग्रह १४:३

एफिसी 4:25

मारदे हना गो नेल्‍ल रां का नय, मुर आन कली जोल पचा ताइक्‍तीने। थमा लोव़ ला पने। जकरिया ८:१६

कलस्‍सी 3:9

गेपुकी जोल मपमुने। मारदे हना, गे ङोंइती ङा पतीक नेल्‍ल ताइक्‍ताक्‍नी। एफिसी ४:२२-२५