उत्पत्ती 20:12 - Sunuwar Bible

¹² मेको थमा आं समी यो बाक्‍ब। आं आफ आ तमी बाक्‍ब। तन्‍न आं ममा आ तमी ममाइ। गो मेको कली चाक्‍ता। लेवी १८:९

उत्पत्ती 20:12 ပူးပေါင်းရင်းမြစ်များ

उत्पत्ती 11:29

मिनु अब्राम नु नाहोर निम्‍फामी ग्‍युंबे पाम्‍से बाक्‍त। अब्राम आ मीश आ नें साराइ बाक्‍माक्‍त। नाहोर आ मीश आ नें मिल्‍का बाक्‍माक्‍त। मिल्‍का हारान आ तमी बाक्‍माक्‍त। हारान मिल्‍का नु यिस्‍का आस आफ बाक्‍माक्‍त। उत्‍पत्ती २२:२०

१ थिस्‍सलोनिकी 5:22

नेल्‍ल ग्रांग्रा दिचा ङा गेय क्‍येङा ङोन बाक्‍कीन।

उत्पत्ती 12:13

मोपतीके ‘आ समी नङ’ देनो। मिनु इ मो देंशो आ पर्बम गो साइक्‍चा मपुंइसीनुङ, ब्रोंइचा ताइनुङ” दे आ मीश कली मदा बाक्‍त।

उत्पत्ती 20:2

मेकोमी मुर आन कली आ मीश, सारा आ पर्बम “आं समी बाक्‍ब” देंमाक्‍त। मिनु गेरार ङा पिप अबीमेलेकमी मेको कली ब्रथ सोइक्‍ता बाक्‍त।

उत्पत्ती 20:11

मिनु अब्राहाममी “थमा पा, एको रागी ङा मुरपुकी परमप्रभु कली मान पा महिंनीमी। मिनु आं मीश आ पर्बम आं कली साइक्‍नीम, दे मिम्‍ताक्‍ङ।

उत्पत्ती 20:13

मिनु परमप्रभुमी आं कली आं आफ आ खिं रे गाक्‍पाइय्‍यीनु, गो आं मीश कली ‘आं कली दाक्‍नेवे हना, गो ते ते जाक्‍दीस्‍सा, मेक मेक एको आं लोक्‍ब बाक्‍ब, देनो’ दे माइक्‍ता” देंमाक्‍त।

उत्पत्ती 26:7

मिनु अबीमेलेक आ मुरपुकीमी इसहाक कली आ मीश आ पर्बम लोव़ पामे बाक्‍त। मेकोमी चहिं “आं समी बाक्‍ब” दे लोव़ लेत्‍ता बाक्‍त। मारदे हना रेबेका शुश दारशो मीश मुर दुम्‍तीके “आं मीश बाक्‍ब” देंचा हिंमाक्‍त। मारदे हना “मेको कली तशा, लाइक्‍चा कली आ कली साइक्‍नीम” दे हिंशो बाक्‍माक्‍त।

२ सामुएल 13:13

गो आं मुनेम आं कुल ग्रुंइने मचाप्‍नुङ। गे यो इस्राएलम काइ मरिम्‍शो मुर दुम्‍नीनी। आं पर्बम पिप नु लोव़ पने। गो नु ग्‍युंबे पचा कली पिप बिप्‍ब” देंमाक्‍त।