उत्पत्ती 2:3 - Sunuwar Bible

³ मिनु परमप्रभुमी नाइक्‍तीक नाक्‍त कली आसीक गेवा बाक्‍त। मिनु मेको नाक्‍त आंम कली नाइक्‍चा, दे वोदा बाक्‍त। मारदे हना मेको नेल्‍ल सेल्‍तीक गेय थुम्‍शा नांइसे बाक्‍त। प्रस्‍थान २०:११; भजन संग्रह ९५:११; इजीकीएल २०:१२; हिब्रू ४:९-१९

उत्पत्ती 2:3 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

उत्पत्ती 2:2

मिनु ६ नाक्‍तीम आ गेय नेल्‍ल थुम्‍शा ङा मिन ७ नाक्‍तीम नांइसे बाक्‍त। हिब्रू ४:४

उत्पत्ती 2:4

एको परमप्रभुमी सरीङ नु रागी सेल्‍ची ना ङा लोव़ बाक्‍ब। परमप्रभु यावेमी रागी नु सरीङ से‍लानु,

नेहेम्‍याह 9:14

इन नाइक्‍तीक नाक्‍त नाइक्‍चा, दे मेको आन कली तुइक्‍पाइक्‍तीनी। मेको आन कली मोसा रे पा इन शेंतीके, इन फुल्‍लुम मुशा ब्रेक्‍शो लोव़ नु इन अरेशो लोव़ गेतीनी।

प्रस्‍थान 23:12

गेपुकी ६ नाक्‍त गेय पचा माल्‍नीनी। मेको आ नोले ङा नाक्‍ती चहिं नांइसीन। मोपा इन ब्‍यफ नु गधा यो नाइक्‍ने चाप्‍नीम। मिनु इन वाइलीम आ तौ नु इन खिंम बाक्‍शो अर्को रागी ङा मुर यो नाइक्‍चा ताइनीम। प्रस्‍थान २०:८-११

प्रस्‍थान 34:21

मिनु ६ नाक्‍त इन गेय नेल्‍ल पचा माल्‍नीनी। ७ नाक्‍त चहिं नाइक्‍चा माल्‍नीनी। ब्‍यफ वाक्‍ची नु बाली नाली रुप्‍ची ना यो नाइक्‍चा माल्‍नीनी।

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

इजीकीएल 20:12

मेको प्रोंइशा मेको आन कली नाइक्‍तीक नाक्‍त गेतामी। मेको गो नु मेको आन दातेमी चिन्‍ड का बाक्‍ब। मिनु गो, परमप्रभु यावेमी मेको आन कली आं मुर सेल्‍ताक्‍मी, दे तुइक्‍तमेक्‍ल। प्रस्‍थान ३१:१३-१७

लेवी 23:3

गे ६ नाक्‍ती सम्‍म गेय पचा माल्‍नीनी। तन्‍न ७ नाक्‍त चहिं थमा पा नाइक्‍तीक नाक्‍ती बाक्‍शा, परमप्रभु यावे केन बाक्‍ब। गे मारेइ गेय मपने। इन बाक्‍तीक नेल्‍लेमी परमप्रभु यावे आ नाइक्‍तीक नाक्‍ती बाक्‍ब’ ” देंत। प्रस्‍थान २०:८-११

मर्कूस 2:27

नाइक्‍तीक नाक्‍त मुर आन कली वोइश्‍शो बाक्‍ब। मुरपुकी नाइक्‍तीक नाक्‍त कली ममाइ। प्रस्‍थान २०:१०

लूका 23:56

मिनु वोइक्‍तीके तुइश्‍शा, सहर लेश्‍शा लशा, रां मराक्‍ब ओख्‍ती ग्‍याप्‍शा चाक्‍शा, साशा खिंम वोदमे बाक्‍त। मिनु आ दीसा नाइक्‍तीक नाक्‍त दुम्‍तीक गेय मपथु, नाइश्‍शा बाक्‍मा बाक्‍त। प्रस्‍थान २०:१०