उत्पत्ती 2:24 - Sunuwar Bible

²⁴ मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्‍ब। मेको निक्‍शी रां का दुम्‍नीस। मत्ती १९:५-६; १कोरिन्‍थी ६:१६; एफिसी ५:३१

उत्पत्ती 2:24 ပူးပေါင်းရင်းမြစ်များ

उत्पत्ती 4:19

मिनु लमेकमी मीश निक्‍शी चाक्‍गा बाक्‍त। का आ नें आदाह नु अर्को आ नें चिल्‍लाह बाक्‍माक्‍त।

भजन संग्रह 45:10

आं तमी, नोफा दाइश्‍शा, नेनो। इ रागी नु इ खिं ङा मुर आन कली प्रेंदो।

हितोपदेस 12:4

रिम्‍शो मीश आ वोंइश आ सिरपेच खोदेंशो बाक्‍ब। मुने तोक्‍ब मीश चहिं आ वोंइश कली राक्‍शो रुश खोदेंशो बाक्‍ब। हितोपदेस ३१:१०-३१

हितोपदेस 2:17

मेकोमी आ ग्‍युंबे पशो वोंइश कली प्रोंइशा, परमप्रभु यावे आ ङोंइती पशो कबल प्रेंताक्‍व।

हितोपदेस 31:10

रिम्‍शो गेय पाइब मीश आल सुम थिन्‍ने चाप्‍बा ङा? मेको हीरा मोती क्‍येङा शुश क्येट लाइब बाक्‍ब। हितोपदेस १८:२२

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

रोमी 7:2

ग्‍युंबे पशो मीश मुर आ वोंइश मबेक्‍म सम्‍म कानुनमी आस नाता लीब। आ वोंइश बेक्‍त हना, आस नाता मलीब। १कोरिन्‍थी ७:३९

ब्‍यवस्‍था 10:20

गेपुकीमी परमप्रभु यावे, इन परमप्रभु कली मान पा हिंचा माल्‍नीनी। मेको आ गेय पचा माल्‍नीनी। मेको आ नोले खोइश्‍शा, आ नेंमी कसम जचा माल्‍नीनी।

ब्‍यवस्‍था 4:4

गे परमप्रभु यावे, इन परमप्रभु कली आ नोले खोइक्‍बपुकी चहिं नेल्‍ल ब्रोंइशो बाक्‍नीनी।

१ तिमोथी 5:14

मोपतीके वोंइश बेक्‍शो ठिटी मीश मुरपुकीमी ग्‍युंबे पा, आल थिशा, आन खिं ङा गेय पामेक्‍ल। मो पाम्‍तेक्‍म हना, मरिम्‍शो पा गाक्‍चा मताइनीम। अरुमी यो थमा सुइक्‍ब आन पर्बम मरिम्‍शो लोव़ पचा मताइनीम। १तिमोथी २:१५; १कोरिन्‍थी ७:९

यहोसु 23:8

तन्‍न गेपुकी मुलाक्‍त ङा नाक्‍त सम्‍म पशो खोदेंशो पा परमप्रभु यावे, इन परमप्रभु नु ला बाक्‍कीन।

१ सामुएल 25:43

दाऊदम मेको क्‍येङा ङोंइती येज्रेल ङा अहीनोआम कली यो ग्‍युं‍बे पशो बाक्‍माक्‍त। मिनु मेको निम्‍फा मेको आ मीश दुम्‍सा बाक्‍त।