उत्पत्ती 19:9 - Sunuwar Bible

⁹ मेकोपुकीमी चहिं “गे लावो। गे ला एको सहरमी अर्को रागी ङा मुर बाक्‍नेवे, आंइ कली हुकुम पचा माल्‍नेवे? लो, मेको निक्‍शी आस क्‍येङा इ कली श्‍येत गेनीकी” देंमा बाक्‍त। लोत कली शुश लोव़ पशा, लाप्‍चो रोक्‍चा माल्‍मे बाक्‍त। २ पत्रुस २:७-८

उत्पत्ती 19:9 ပူးပေါင်းရင်းမြစ်များ

उत्पत्ती 11:6

मिनु परमप्रभु यावेमी “लो, मेको नेल्‍ल थुं का ङा मुर नमी। मेको नेल्‍ल लोव़ का ब्‍वाक्‍नीम। मेको आन नक गोशो गेय ला बाक्‍ब। मार मार मिम्‍त्‍मे, मेको नेल्‍ल पने चाप्‍नीम। प्रेरित २:१-११

उत्पत्ती 13:12

मिनु अब्राम कनान रागीम बाक्‍शो बाक्‍माक्‍त। लोत चहिं यर्दन खोला ङा दिंमम बाक्‍शो सहर आन नेक्‍था बाक्‍शा, आ ताम्‍बु याक्‍ना याक्‍न सोदोम सहर सम्‍म जाक्‍दीम्‍माक्‍त।

प्रस्‍थान 2:14

मिनु मेकोमी “सुमी इ कली आंस होव़प नु निसाफ पाइब सेला? इजीप्‍त ङा मुर कली साइश्‍शो खोदेंशो पा आं कली यो सदु, देंने?” दें‍त। मिनु मोसामी “मुल एको लोव़, मुर नेल्‍लेमी तुइक्‍नीमी” दे मिम्‍शा हिं‍त। प्रेरित ७:३५

हितोपदेस 14:16

जोक्‍बपुकी होस पा मरिम्‍शो पतीक रे ङोन लाइनीम। तन्‍न मूर्ख मारेइ ममिम्‍थु, होस मपाइब।

हितोपदेस 17:12

मूर्ख मुरुमी मूर्ख पवा ना ग्रुम्‍चा क्‍येङा आ चाइक्‍ब रोंइसीशो वां कली ग्रुम्‍चा रिम्‍शो बाक्‍ब।

हितोपदेस 27:3

फुल्‍लु नु बाल्‍वा हेल्‍शो बाक्‍नीम। तन्‍न मूर्खमी गेशो श्‍येत मेको निम्‍फा आस क्‍येङा हेल्‍शो बाक्‍ब।

उपदेसक 10:13

मेकोमी ङोंइती मूर्ख लोव़ पाइब। मिनु नोले बौला नु निप्‍स ग्‍यशो लोव़ पाइब।

उपदेसक 9:3

रागीम दुम्‍तीक गेय नेल्‍लेमी मरिम्‍शो पतीक बाक्‍ब। मेको नेल्‍ल बेक्‍शा लाइनीम। मुर नेल्‍ल आन थुं मरिम्‍शो पतीकेमी ब्रीशो बाक्‍ब। मिनु मेकोपुकी ब्रोंइमा सम्‍म आन थुं हेंथे पतीकेम ब्रीशो बाक्‍ब। मिनु मेको नोले मेको बेक्‍शोपुकी नु बाक्‍थ लाइ‍नी‍म। उपदेसक ८:११

यसैया 65:5

मेकोपुकीमी ‘गे मेके उइ बाक्‍कीन। आंइ नेक्‍था मपिने। मारदे हना इन थिशो मजाइनुङ’ देंनीम। मेकोपुकी आं कली मरिम्‍शो रिना पाइश्‍शो कुन खोदेंशो दुम्‍शा, गेना हना यो ब्रशो मी बाक्‍नीमी।

येरमीया 3:3

मोपतीके रेउ मयिशो बाक्‍त। मिनु बर्खा ङा रेउ मयी। मो हना यो गे मुने मपाइश्‍शो बाक्‍नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६

येरमीया 6:15

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेङानु, मेको खतम दुम्‍नीम” दे परमप्रभु यावेमी देंत।

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

इजीकीएल 16:49

इ लोक्‍ब सोदोम आ दोस मार बाक्‍त देंशा हना, मेको नु आ तमीपुकी ठेयब लेश्‍शा, शुश जशा ब्‍वशा, शोंप पाइश्‍शो दुम्‍शा बाक्‍तेक्‍म। मेकोपुकीम प्रुङग नु मारेइ मथीब आन कली वारच मपदेम।

मत्ती 7:6

हेंथे थिपाइक्‍चा मदुम्‍शो थोव़क कुचुम कली मगेने, पोव़ आन ङोंइती इन मोती मब्‍वारदीने। मारदे हना दिम्‍नीम। मिनु बिर लेश्‍शा इन कली ग्राम्‍थ पीनीम। मत्ती १०:११; लूका २३:९

१ सामुएल 17:44

मेकोमी “पिवो, गो इ श्‍ये चिक्‍ब नु ब्‍वाकी ङा जन्‍तु आन कली ब्‍वचा गेनुङ” दे मदा बाक्‍त।

१ सामुएल 2:16

मिनु मेको मुरुमी “ममाइ, ङोंइती बोंसो चोचा गेयी। मिनु नोले इ दाक्‍शो लाइक्‍ने चाप्‍नेवे” देंमेनु, मेको आस गेय पाइबमी “ममाइ, मुलन गेयी। मगेप्‍तीवी हना, गो रोइश्‍‍शा लाइक्‍नुङ” देंबाक्‍माक्‍त।

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।