उत्पत्ती 19:5 - Sunuwar Bible

⁵ मेकोपुकीमी लोत कली “नाक्‍नाक्‍दो इ खिंम जाक्‍शो वोंइश मुर ते बाक्‍सा। आंइ दाक्‍शो पचा कली लाङगाम सोइक्‍तो” देंमा बाक्‍त। लेवी १८:२२-२५; न्‍यायाधीस १९:२२-२४; रोमी १:२७

उत्पत्ती 19:5 ပူးပေါင်းရင်းမြစ်များ

उत्पत्ती 19:6

मिनु लोत लाप्‍चो रे लाङगा ग्रूशा, आ नोले लाप्‍चो चोक्‍शा वोदा बाक्‍त।

१ राजा 14:24

मेको रागी ङा थानम तेल्‍लेम वोंइश मुरपुकी यो बाक्‍मा बाक्‍त। मेकोपुकीमी परमप्रभु यावेमी आन ङोंइती रे खेरशो रागी रागी ङा मुर आन ग्रांग्रा दिशो नेल्‍ल पामे बाक्‍त।

१ राजा 22:46

मेकोमी आ आफ आसा आ पालाम लीशो थान ङा तेल्‍लेम वोंइश मुर आन कली क्‍याम्‍दा बाक्‍त। २इतिहास १७:-२०:-

यसैया 1:9

मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

येरमीया 3:3

मोपतीके रेउ मयिशो बाक्‍त। मिनु बर्खा ङा रेउ मयी। मो हना यो गे मुने मपाइश्‍शो बाक्‍नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६

येरमीया 6:15

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेङानु, मेको खतम दुम्‍नीम” दे परमप्रभु यावेमी देंत।

इजीकीएल 16:49

इ लोक्‍ब सोदोम आ दोस मार बाक्‍त देंशा हना, मेको नु आ तमीपुकी ठेयब लेश्‍शा, शुश जशा ब्‍वशा, शोंप पाइश्‍शो दुम्‍शा बाक्‍तेक्‍म। मेकोपुकीम प्रुङग नु मारेइ मथीब आन कली वारच मपदेम।

इजीकीएल 16:50

मेकोपुकी ठेयब लेश्‍शा, आं ङोंइती ग्रांग्रा दिशो गेय पाम्‍तेक्‍म। मोपतीके गो मोदेंशो तशा मेको आन कली तिल्‍‍तामी। उत्‍पत्ती १९:२४

इजीकीएल 16:51

सामरीयामी इ पशो पाप क्‍येङा उइक्‍थ यो मपावो। गे मेको आन क्‍येङा शुश मूर्ति पूजा पाप्‍तीवी। मिनु गे इ पशो गेय नेल्‍ल रे पा, इ लोक्‍ब आस कली ठीक पाइब तांइसीब खोदेंशो सेल्‍शो बाक्‍नेवे। येरमीया ३:११

लेवी 18:22

मीश मुर नु इप्‍शो खोदेंशो पा वोंइश मुर नु मइपो। मेको थम ग्रांग्रा बाक्‍ब।

लेवी 20:13

सुइ मुर मीश मुर नु इप्‍शो खोदेंशो पा वोंइश मुर नु इप्‍त हना, मेको थम ग्रांग्रा दितीक बाक्‍ब। मेको आस कली साइक्‍चा माल्‍ब। मेको थमा पा साइक्‍चा पुंइसीनीस।

१ कोरिन्‍थी 6:9

ठीक मपाइबपुकी परमप्रभु यावे आ राज्‍य ओव़चा मताइनीम दे मतुइक्‍नीनी? दूली ममिम्‍तीने। मरिम्‍शो पाइबपुकीमी दोदेंशो पाइनीम देंशा हना, पात्‍के, तेल्‍लेम पाइनीमी, मूर्ति कली पूजा पाइनीमी, मुर आन मीश लाइक्‍नीमी, वोंइश मुर वोंइश मुर ब्‍वांइ‍सीनीमी, १तिमोथी १:९-११; गलाती ५:१९-२१

ब्‍यवस्‍था 23:17

मिनु इस्राएली आन तमी कि तौ मन्‍दीर ङा तेल्‍लेम पाइब दुम्‍चा मदुम्‍ब। होसे ४:१४; १राजा १४:२४; २राजा २३:७

१ तिमोथी 1:10

तेल्‍लेम पाइब, ग्रांग्रा दिचा ङा गेय पाइब, मुर आन कली खुइ पा लेयब, जोल पाइब, जोल पा कसम जाइब नु आन गेय परमप्रभु यावे आ शेंशो नु मगारब मुर आन कली ब्रेक्‍शो बाक्‍ब।

२ तिमोथी 3:13

मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

२ पत्रुस 2:2

शुशेमी आन शेंशो नेंशा, हेंथे पा दला दाक्‍स यो पाइनीम। मुरपुकीमी मेको आन कली तशा थमा लां कली शुक्‍शी लोव़ पाइनीम।

२ पत्रुस 2:7

परमप्रभु यावेमी ठीक पाइब लोत माइश्‍शो मुर कली श्‍येत रे प्रोंइशो बाक्‍त। लोतमी पाप पाइब आन कली तशा, आ थुं शुश मनुशो बाक्‍त।

यहूदा 1:7

सोदोम, गोमोररा नु आस एर ओंथ बाक्‍शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्‍तेक्‍म। परमप्रभुमी मेको आन कली कोंइतीक दुम्‍पाइक्‍चा कली गेना हना यो ब्रशो मीमी सजाइ गेशो बाक्‍त। उत्‍पत्ती १९:१,४-११

न्‍यायाधीस 19:22

मेकोपुकी ग्‍येरसीशा बाक्‍शो बाक्‍मानु, सहर ङा मरिम्‍शो मुरपुकीमी मेको खिं कली दि दा रे पा पुम्दमे बाक्‍त। मिनु खिं ङा लाप्‍चो कली ख्रोकोल पना पन “इ खिंमी ओव़ब मुर कली लाङगा ग्रुंइदो। गोपुकी मेको नु इप्‍नीकी” दे ग्रीमा बाक्‍त। उत्‍पत्ती १९:५-८