उत्पत्ती 18:6 - Sunuwar Bible

⁶ मिनु अब्राहाम दोरशा, ताम्‍बुम लशा, सारा कली “गे रीब पा सेआह सां रिम्‍शो फस के शोब्‍ले चोवो” देंमाक्‍त। सेआह का ७ लिटर पुक्‍तीके बाक्‍ब।

उत्पत्ती 18:6 ပူးပေါင်းရင်းမြစ်များ

उत्पत्ती 18:5

गो इन कली इच्‍का शोब्‍ले ब्रथ लाइनुङ। लाम्‍ज जचा माल्‍नीनी। मारदे हना गेपुकी इन गेय पाइब कली ग्रुम्‍थ जाक्‍शो बाक्‍नीनी” देंमाक्‍त। मिनु मेकोपुकीमी “इ देंशो खोदेंशो पावो” देंमा बाक्‍त।

उत्पत्ती 18:7

अब्राहाम चहिं गोठमी दोरशा लशा, दोम्‍शो रिम्‍शो बाछा का चाक्‍शा क्‍योरपाइश्‍शा, गेय पाइब कली क्‍येपदा बाक्‍त।

उत्पत्ती 19:3

मिनु लोतमी शुश लोव़ पवा नोले आ खिंमी बास बाक्‍सा बाक्‍त। लोतमी मेको आस कली ब्रोव़ब्रोव़शो क्‍येशा, बोरब ओख्‍ती मसुप्‍शो शोब्‍ले सेला बाक्‍त। मिनु जाम्‍से बाक्‍त।

२ सामुएल 13:6

मोपतीके अम्‍नोन “रोइ पाता” देंखु पा इप्‍शा बाक्‍माक्‍त। मिनु पिप मेको कली कोव़थ जाक्‍माक्‍त। मिनु अम्‍नोनमी पिप कली “आं समी तामारम आं ङोंइती शोब्‍ले निक्‍शी चोशा गेयील। मिनु गो मेको आ गुइ रे जाइनुङ” देंमाक्‍त।

भजन संग्रह 119:60

गो इन शेंतीके रीब पा टीनुङ। गो देश मपाइनुङ।

यसैया 32:8

तन्‍न रिम्‍शो थुं पाइश्‍शो मुरपुकीमी रिम्‍शो गेय ला मिम्‍नीम। मिनु गेना हना यो रिम्‍शो गेय पा बाक्‍नीम।

मत्ती 13:33

मिनु येसुमी “स्‍वर्ग ङा राज्‍य ओदेंशो बाक्‍ब, मीश मुर कामी पाथी सां फसमी बोरपाइक्‍ब ओख्‍ती सुप्‍शा, फस नेल्‍ल मबोरम सम्‍म सुम्‍शा वोदा बाक्‍त” दे अर्को कथा का शेंताक्‍मी। लूका १३:२०-२१

प्रेरित 16:15

मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

हिब्रू 13:2

इन खिंम जाक्‍ब सुइ आन कली जचा बाक्‍चा गेचा मप्रोनीन। मोपा गेशोमी का निक्‍शीमी आन मतुइक्‍थु परमप्रभु यावे आ स्‍वर्ग ङा गेय पाइब आन कली मान पचा ताम्‍तेक्‍म। रोमी १२:१३; १पत्रुस ४:९; ३यूहन्‍ना ५-८; उत्‍पत्ती १८:२-३; उत्‍पत्ती १९:२-३

१ पत्रुस 4:9

मगाइक्‍थु बा‍स गेमुने।

न्‍यायाधीस 6:19

मिनु गिदोन खिं ओव़शा, क्‍यारश पाठा का ठीक पवा बाक्‍त। एफाह का फस के बोरब ओख्‍ती मसुप्‍शो शोब्‍ले चोवा बाक्‍त। मिनु श्‍ये डालोम कुर पा आ शेक्‍क चहिं बो‍स काम लुक्‍शा, ठेयब रवा आ पुंमी लाइश्‍शा, मेको कली ख्रेत्‍ता बाक्‍त। एफाह का २२ लिटर पुक्‍तीक बाक्‍ब। एफाह का ५ पाथी खोदेंशो बाक्‍ब। लेवी ४:२८

१ सामुएल 28:24

मेको मीश मुर आ खिंमी दोम्‍शो बाछा का बाक्‍माक्‍त। मेको मीश मुरुम मेको बाछा क्‍योरशा क्‍येशा, फस निवा बाक्‍त। मिनु बोरब ओख्‍ती मसुप्‍शो शोब्‍ले चोवा बाक्‍त। प्रस्‍थान १२:३९