उत्पत्ती 18:18 - Sunuwar Bible

¹⁸ अब्राहाम ठेयब नु बोल्‍यो रागी ङा मुर आन आफ दुम्‍ब। मिनु रागी नेल्‍ल ङा मुरपुकीमी मेको आ पर्बम आसीक ताइनीम। उत्‍पत्ती १२:३

उत्पत्ती 18:18 ပူးပေါင်းရင်းမြစ်များ

उत्पत्ती 26:4

इ चच युइ आन कली सरीङ ङा सोरुल खोदेंशो पा शुश सेल्‍नुङ। मेको आन कली एको रागी नेल्‍ल गेनुङ। मिनु इ चच युइ आन पर्बम रागी रागी ङा मुर नेल्‍ल आसीक ताइनीम।

उत्पत्ती 28:14

इ चच युइ खप ङा फुरक खोदेंशो पा शुश दुम्‍नीम। सोशा बोशा, शुश दुम्‍शा, पूर्ब, पच्‍छिम, उत्तर, दक्‍खिनम ब्रशा बाक्‍नीमी। गे नु इ चच युइ आन पर्बम रागी नेल्‍ल ङा मुर आसीक ताइनीम। उत्‍पत्ती १३:१४-१५

भजन संग्रह 72:17

मेको आ नें गेना हना यो लील। नां बाक्‍म सम्‍म आ नें ठेयब बाक्‍ल। रागी रागी ङा मुर नेल्‍लेम मेको रे पा आसीक तामेक्‍ल। मिनु मेकोपुकीमी मेको आ पर्बम “ग्‍येरसीशो मुर बाक्‍ब” देंमल। उत्‍पत्ती १२:३; उत्‍पत्ती २२:१८

गलाती 3:14

ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।

गलाती 3:8

अर्को रागी ङा मुरपुकी थमा सुइक्‍तीकेमी ठीक दुम्‍पाइक्‍चा पुंइसीनीम, दे परमप्रभु यावे आ लोव़म ब्रेक्‍शो बाक्‍ब। मारदे हना अब्राहाम कली “इ लां रे पा नेल्‍ल रागी ङा मुरपुकीमी आसीक ताइनीम” दे ब्रेक्‍शो बाक्‍ब। उत्‍पत्ती १२:३

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।