उत्पत्ती 17:9 - Sunuwar Bible

⁹ मिनु परमप्रभुमी अब्राहाम कली “आं कबल पशो ङा लोव़ नेल्‍ल टिवो। मिनु इ नोले इ चच युइपुकीमी नेल्‍ल पालामी यो आं कली मिम्‍शा, टिचा माल्‍नीम।

उत्पत्ती 17:9 ပူးပေါင်းရင်းမြစ်များ

उत्पत्ती 17:23

मिनु परमप्रभुमी लोव़ पवा नाक्‍ती अब्राहाममी आ तौ इश्‍माएल, आ खिंमी जरमेशो नु ग्‍याप्‍शो वाइल नु आ खिं ङा वोंइश मुर नेल्‍ल आन कली ख्रोइक्‍तीक चिनु ख्रोइक्‍पाइक्‍मी बाक्‍त।

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

भजन संग्रह 103:18

सु सुमी कबल पा, आ शेंशो टीनीमी, मेकोपुकी नु आ गेना हना यो दाक्‍तीक लीब।

भजन संग्रह 25:10

परमप्रभु यावे आ कबल नु आ देंशो टीब नेल्‍ल परमप्रभु आ गेना हना यो दाक्‍तीके नु आ दाक्‍शा मप्रोंइतीकेमी ब्रीशो बाक्‍नीम।

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६