उत्पत्ती 17:6 - Sunuwar Bible

⁶ गो इ रे शुश मुर सेल्‍नुङमी, रागी रागी ङा मुर सेल्‍नुङ। इ रे पिपपुकी यो दुम्‍नीम।

उत्पत्ती 17:6 ပူးပေါင်းရင်းမြစ်များ

उत्पत्ती 13:16

गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०

उत्पत्ती 17:16

गो मेको कली आसीक गेनुङ। गो इ कली मेको रे तौ का गेनुङ। मिनु सारा रागी रागी ङा मुर नु जात जात ङा मुर आन पिप आन ममा दुम्‍ब” दे परमप्रभुमी देंमाक्‍त। उत्‍पत्ती १२:२-३

उत्पत्ती 17:20

इश्‍माएल आ पर्बम मार देंने, गो मेको नेल्‍ल नेंता। नेनो, गो मेको कली आसीक गेनुङ। मेको सोशा बोशा, शुश दुम्‍ब। गो मेको कली १२ जना पिप आन आफ सेल्‍नुङ। गो मेको कली ठेयब जात दुम्‍पाइक्‍नुङ। उत्‍पत्ती १६:१०; उत्‍पत्ती २१:१३,१८; उत्‍पत्ती २५:१६

उत्पत्ती 17:4

“नेनो, मेको गो, गे नु आं कबल पतीके बाक्‍ब। गे शुश रागी ङा मुर आन किकी पिपी दुम्‍नेवे।

उत्पत्ती 26:22

नोले मेकेर रे लशा, अर्को इनार का दोव़मे बाक्‍त। मेको आ पर्बम सुइमी जिचा मपोक्‍गमे बाक्‍त। मिनु मेको आ नें रेहोबोथ वोदा बाक्‍त। मिनु “मुल परमप्रभु यावेमी आंइ कली बाक्‍तीक गेवा बाक्‍त। गोपुकी एको रागीमी शुश दुम्‍कल” देंमाक्‍त।

उत्पत्ती 28:3

मिनु नेल्‍ल क्‍येङा सक्ति पाइश्‍शो परमप्रभुमी इ कली आसीक गेवल। मिनु इ कली सोशा बोशा, शुश सेलल। हिक्‍ने मचाप्‍चा ङा पा शुश दुम्‍पदल।

उत्पत्ती 35:11

मिनु परमप्रभुमी मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे सोशा बोशा, शुश दुमीने। गे रे रागी का ङा शुश मुर नु रागी रागी ङा मुर यो दुम्‍नीम। गे रे पिपपुकी दुम्‍नीमी। उत्‍पत्ती १७:१; उत्‍पत्ती २८:३-४; उत्‍पत्ती १७:६

उत्पत्ती 41:52

अर्को कली एफ्राइम नें वोदा बाक्‍त। मारदे हना “परमप्रभुमी आं कली रागीमी श्‍येत जङानु, शुश दुम्‍पाइक्‍ती” दे मिम्‍ता बाक्‍त।

उत्पत्ती 47:27

मिनु इस्राएल इजीप्‍त रागी ङा गोशेनमी बाक्‍मेनु, आन मारेइ मारेइ नु मुरपुकी सोशा बोशा, शुश दुम्‍मा बाक्‍त। उत्‍पत्ती ४६:३; प्रस्‍थान १:७,१२

उत्पत्ती 48:3

मिनु याकूबमी योसेफ कली “नेल्‍ल सक्ति पाइश्‍शो परमप्रभुमी कनान रागी ङा लूज सहरम ग्रूशा, आं कली आसीक गेती। उत्‍पत्ती २८:१७-१९

उत्पत्ती 48:4

मेकोमी आं कली ‘नेनीन, गो इन कली सोशा बोशा, शुश सेल्‍नुङ। गो इ रे शुश थर ङा मुर सेल्‍नुङ। इ कली नु इ चच युइ आन कली मेको रागी गेना हना यो इन केन बाक्‍ब, दे गेनुङ’ देंत। उत्‍पत्ती ३५:११-१२

एज्रा 4:20

यरूसलेममी सासन पाइब सक्ति पाइश्‍शो पिपपुकी बाक्‍तेक्‍म। मेकोपुकीमी युफ्रेटीस आइक्‍ची हांबु ङा रागी नेल्‍ल अधिकारम वोइश्‍शो बाक्‍तेक्‍म। मिनु मुरपुकीमी पिप कली थाप्‍तीके, आन चेम्‍शो रे थाप्‍तीके नु आन रू ङा थाप्‍तीके नेल्‍ल थाप्‍शो बाक्‍तेक्‍म।

लेवी 26:9

मिनु गो इन कली शिशी पा कोव़नन्‍नी। मिनु गो इन कली सोशा बोशा शुश दुम्‍पाइक्‍नुङ। मिनु आं पशो कबल गेपुकी नु गेना हना यो लीपाइक्‍नुङ। इजीकीएल ३६:११