उत्पत्ती 17:16 - Sunuwar Bible

¹⁶ गो मेको कली आसीक गेनुङ। गो इ कली मेको रे तौ का गेनुङ। मिनु सारा रागी रागी ङा मुर नु जात जात ङा मुर आन पिप आन ममा दुम्‍ब” दे परमप्रभुमी देंमाक्‍त। उत्‍पत्ती १२:२-३

उत्पत्ती 17:16 ပူးပေါင်းရင်းမြစ်များ

उत्पत्ती 1:28

मिनु परमप्रभुमी मुर आस कली आसीक गेशा “सोशा बोशा, तमी तौ थिशा, रागी प्रिंशा, रिम्‍शो पा हुकुम पस। समुन्‍द्र ङा ङांइ, सरीङम बेरब चिक्‍ब, रागीम बाक्‍ब जन्‍तु नेल्‍ल नु खपीम ग्रेशा गाक्‍ब आइक्‍च जन्‍तु नेल्‍ल आन कली रिम्‍शो पा हुकुम पसे” देंमाक्‍त।

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 15:4

मिनु परमप्रभु यावेमी लेंशा “मेको मुरुम इ अङस मताइब। इ आंम रां ङा इ तौमी इ अङस ताइब” देंमाक्‍त।

उत्पत्ती 17:15

मिनु परमप्रभुमी अब्राहाम कली “गे इ मीश कली ‘साराइ’ मदेंचा, मुल रे मेको कली ‘सारा’ नें वोइक्‍चा माल्‍नेवे।

उत्पत्ती 17:19

मिनु परमप्रभुमी “ममाइ, इ मीश सारामी थमा पा तौ का थीब। मेको आ नें इसहाक वोइक्‍चा माल्‍नेवे। मेको नु आं कबल पतीक गेना हना यो दुम्‍ब। मेको आ नोले ङा आ तौ चच युइ नु यो लीब।

उत्पत्ती 17:6

गो इ रे शुश मुर सेल्‍नुङमी, रागी रागी ङा मुर सेल्‍नुङ। इ रे पिपपुकी यो दुम्‍नीम।

उत्पत्ती 21:1

मिनु परमप्रभु यावेमी सारा कली मार देंमे, मेकोन दुम्‍पदा बाक्‍त। उत्‍पत्ती १८:१०

उत्पत्ती 24:60

लचा ङोंइती रेबेका कली आसीक गेशा “गे आं समी बाक्‍नेवे। सोशा बोशा, शुश दुमीने। इ चच युइ आन कली आन जोरी सत्रु आन कली ग्राङीन” दे आसीक गेमे बाक्‍त। उत्‍पत्ती २२:१७

उत्पत्ती 25:23

मिनु परमप्रभु यावेमी मेको कली “इ कोव़जम जात निक्‍शी ङा मुर बाक्‍नीसी। मेको जात निक्‍शी फ्राचा पुंइसीनीस। का अर्को क्‍येङा बोल्‍यो बाक्‍ब। ङोंइती जरमेशो चहिं कान्‍छा आ गेय पाइब दुम्‍ब” दे शेंदा बाक्‍त। उत्‍पत्ती २७:२९; मलाकी १:२; रोमी ९:१०-१२

उत्पत्ती 35:11

मिनु परमप्रभुमी मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे सोशा बोशा, शुश दुमीने। गे रे रागी का ङा शुश मुर नु रागी रागी ङा मुर यो दुम्‍नीम। गे रे पिपपुकी दुम्‍नीमी। उत्‍पत्ती १७:१; उत्‍पत्ती २८:३-४; उत्‍पत्ती १७:६

उत्पत्ती 36:31

ङोंइती इस्राएल ङा मुर आन पिप मबाक्‍शो बाक्‍माक्‍त। एदोम रागीमी चहिं सासन पाइब पिपपुकी बाक्‍मा बाक्‍त।

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

रोमी 9:9

परमप्रभु यावे आ गेशो लोव़ चहिं “बर्स का नोले लेश्‍शा जाक्‍नुङानु, सारामी तौ थीब” देंशो बाक्‍ब। उत्‍पत्ती १८:१०

गलाती 4:23

वाइलीम आ तौ मुर आ दाक्‍शो पतीकेम जरमेशा ब्रोंइशो बाक्‍त। ग्‍युंबे पशो मीश आ तौ चहिं परमप्रभु यावेमी अब्राहाम कली गेशो लोव़ गाप्‍शा, जरमेशा ब्रोंइशो बाक्‍त। रोमी ९:७-९

१ पत्रुस 3:6

सारामी अब्राहाम कली मान पा टिशो बाक्‍त। मिनु मुल गे यो ठीक गेय पशा, श्‍येत जचा महिंथु, मेको आ तमी खोदेंशो दुम्‍तीनी। उत्‍पत्ती १८:१२