उत्पत्ती 17:10 - Sunuwar Bible

¹⁰ गे नु इ नोले ङा तौ चच युइ आन पचा माल्‍शो कबल मार बाक्‍त देंशा हना, इ चारतीक ङा कुशुल कुल पा ख्रोइक्‍चा माल्‍नेवे। गे नु इ चच युइ, वोंइश मुर नेल्‍ल कली कुशुल ख्रोइक्‍तीक चिनु ख्रोइक्‍चा माल्‍नीम। लेवी १२:३; यूहन्‍ना ७:२२

उत्पत्ती 17:10 ပူးပေါင်းရင်းမြစ်များ

उत्पत्ती 17:11

मेको गे नु गो इस कबल पशो आ चिनु बाक्‍ब। इजीकीएल २०:१२; ब्‍यवस्‍था ३०:६; रोमी ४:११

उत्पत्ती 17:23

मिनु परमप्रभुमी लोव़ पवा नाक्‍ती अब्राहाममी आ तौ इश्‍माएल, आ खिंमी जरमेशो नु ग्‍याप्‍शो वाइल नु आ खिं ङा वोंइश मुर नेल्‍ल आन कली ख्रोइक्‍तीक चिनु ख्रोइक्‍पाइक्‍मी बाक्‍त।

उत्पत्ती 17:27

आ खिं ङा वोंइश मुर नेल्‍ल, आ खिंम जरमेशो नु रागी रे ग्‍याप्‍शो वाइल नेल्‍लेम यो मेको नाक्‍ती ख्रोइक्‍तीक चिनु तामे बाक्‍त।

उत्पत्ती 21:4

मिनु अब्राहाममी आ तौ इसहाक कली ८ नाक्‍ती दुम्‍मेनु, ख्रोइक्‍तीक चिनु ख्रोदा बाक्‍त। परमप्रभुमी ङोंइती दोपा अरेवा, मोपा पवा बाक्‍त। उत्‍पत्ती १७:११-१२; प्रेरित ७:८

उत्पत्ती 34:15

गे आंइ खोदेंशो पा वोंइश आल वोंइश मुर नेल्‍लेमी ख्रोइक्‍तीक चिनु ख्रोइक्‍तीनी हना, उत्‍पत्ती १७:१०-१४

उत्पत्ती 34:22

गो वोंइश मुर नेल्‍ल ख्रोइक्‍तीक चिनु ख्रोइक्‍साक्‍य हना ला, मेकोपुकी गो नु बाक्‍ने बित्‍नीम।

प्रस्‍थान 12:48

इन दातेमी अर्को रागी ङा मुर काम परमप्रभु यावे कली पास्‍सा चाड मानेचा दाक्‍ताक्‍व हना, आ खिं ङा गेय पाइब वोंइश मुर नु आ तौ आन कली ख्रोइक्‍तीक चिनु ख्रोइश्‍शा ला, इस्राएली आन नेक्‍था जाक्‍शा, पास्‍सा चाड मानेने चाप्‍ब। मोपा ला इन खोदेंशो दुम्‍ब। मारदे हना ख्रोइक्‍तीक चिनु मख्रोइश्‍शो मुरुम जने ब्‍वने मचाप्‍नीम।

प्रस्‍थान 4:25

मिनु सिप्‍पोरामी चहिं हेश्‍शो फुल्‍लु का गुप्‍शा, आ तौ कली ख्रोइक्‍तीक चिन्‍ड ख्रोदा बाक्‍त। मोपा मेकोमी आ तौ आ चारतीक ङा कुशुल ख्रोइश्‍शा, आ तौ आ कुशुलम मोसा आ रां थिशा “गे हुश के ग्‍युम्‍ले नवे” देंमाक्‍त। यहोसु ५:२

येरमीया 4:4

परमप्रभु यावे आ पर्बम ख्रोइक्‍तीक चिनु ख्रोंइसीन। तन्‍न इन थुंम ख्रोइक्‍तीक चिनु ख्रोंइसीन। गे यहूदा ङा मुरपुकी नु यरूसलेममी बाक्‍ब वोंइशमुरपुकी, मो मपाइतीनी हना, इन मरिम्‍शो पतीके आं गाइक्‍चा मी खोदेंशो पा ब्रशा ग्रूब। मिनु सुइम काप्‍ने मचाप्‍चा ङा पा मेकोमी जेप्‍ब” देंत। येरमीया ९:२५; ब्‍यवस्‍था १०:१६; रोमी २:२९; कलस्‍सी २:११; येरमीया ६:७,१०

यूहन्‍ना 7:22

मोसामी इन कली ‘ख्रोइक्‍तीक चिनु ख्रोइक्‍चा माल्‍ब’ दे अरेशो लोव़ गे‍शो बाक्‍त। मेको मोसा आ अरेशो ममाइ, इं किकी पिपी आन अरेशो बाक्‍त। मिनु गेपुकीमी नाइक्‍तीक नाक्‍त ख्रोइक्‍तीक चिनु ख्रोइक्‍नीनी। उत्‍पत्ती १७:१०-१२; लेवी १२:३

प्रेरित 7:8

मिनु नोले परमप्रभुमी अब्राहाम कली ख्रोइक्‍तीक चिनु ङा कबल गेवा बाक्‍त। मिनु अब्राहाममी आ तौ इसहाक थिशो, ८ नाक्‍त दुम्‍मेनु, मेको कली ख्रोइक्‍तीक चिनु ख्रोदा बाक्‍त। इसहाक याकूब आ आफ दुम्‍माक्‍त। मिनु याकूब आ १२ जना तौ आन आफ दुम्‍माक्‍त। मिनु मेको १२ जना तौ इं यहूदी १२ थर दुम्‍मा बाक्‍त।

रोमी 2:28

रांमी ख्रोइक्‍तीक चिनु ला बाक्‍शा, परमप्रभु यावेमी योव़शो यहूदी मदुम्‍नीम। येरमीया ४:४

रोमी 3:25

ङोंइती परमप्रभु यावेमी रिम्‍शा, पापी आन कली सजाइ मगेवा बाक्‍त। नोले मेको आन जचा ङा सजाइ येसु ख्रीस्‍त कली जपाइश्‍शा बेक्‍चा गेशा, मेको आन पाप क्‍याम्‍ताक्‍व।

रोमी 3:28

गोपुकीम “परमप्रभु यावे आ अरेशो लोव़ ङा गेयम मुर आन कली ठीक मसेल्‍ब” दे शेंनीकी। थमा सुइश्‍शोमी ला मुर आन कली ठीक सेल्‍ब। गलाती २:१६

रोमी 3:30

मारदे हना परमप्रभु यावे का ला बाक्‍ब। मिनु मेकोमी ख्रोइक्‍तीक चिनु ख्रोइश्‍शो नु मख्रोइश्‍शो आन थमा सुइक्‍तीके कोव़शा, मुर आन कली ठीक दुम्‍पाइक्‍ब। रोमी ४:११-१२

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

गलाती 6:12

दूली शेंबपुकीमी ख्रोइक्‍तीक चिनु ख्रोइक्‍चा माल्‍ब देंशा, इन कली यहूदी रिती थिती पपाइक्‍चा माल्‍नीम। “ख्रीस्‍त शीम केप्‍शा कांटी थोक्‍शा साइक्‍चा पुंइसाक्‍व” दे शेंतीक लोव़ आ पर्बम खेदा पचा पुंइसीब, दे तुइक्‍नीम। मोपतीके खेदा पचा मपुंइसेक्‍ल, दे दूली लोव़ शेंनीम। गलाती ५:११

एफिसी 2:11

ङोंइती गेपुकी परमप्रभु यावे आ देंशो लोव़ मतुइक्‍ब बाक्‍तीनी। मुर आन गुइ रे ख्रोइक्‍तीक चिनु ख्रोइश्‍शो, इस्राएलीपुकीमी इन कली “ख्रोइक्‍तीक चिनु मख्रोइश्‍शो मुर नम” देंतेक्‍म। मेको मप्रेंदीन। एफिसी ५:८

ब्‍यवस्‍था 10:16

मोपतीके इन थुं कली ख्रोइक्‍तीक चिनु ख्रोतीन। मिनु मटीब मदुमीन।

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

यहोसु 5:2

मेना परमप्रभु यावेमी यहोसु कली “फुल्‍लु के ख्रोइक्‍तीक सेल्‍शा, चिनु मख्रोइश्‍शो इस्राएली आन कली ख्रोइक्‍तीक चिनु ख्रोतो” दे अरेप्‍तु। प्रस्‍थान ४:२५; उत्‍पत्ती १७:१२-१४

यहोसु 5:4

यहोसुमी मारदे इस्राएली आन कली ख्रोइक्‍तीक चिनु ख्रोइक्‍तु देंशा हना, इजीप्‍त रागी रे पि‍शो वोंइश मुर नु लडाइ पाइब नेल्‍ल गोरशो रागीमी बेक्‍ने थुम्‍शो बाक्‍तेक्‍म।