उत्पत्ती 16:6 - Sunuwar Bible

⁶ मिनु अब्राममी “नेनो, इ वाइलीम इ गुइमी बाक्‍ब। मेको कली इ दाक्‍शो पावो” दे साराइ कली देंमाक्‍त। मिनु साराइमी हागार कली हुइक्‍तानु, मेको प्रोक्‍माक्‍त।

उत्पत्ती 16:6 ပူးပေါင်းရင်းမြစ်များ

उत्पत्ती 16:9

मिनु परमप्रभु यावे आ स्‍वर्ग ङा गेय पाइबमी मेको कली “इ होव़पोक्‍म आ खिं ले‍तो। मिनु मेको आ अरेशो टिशा बाक्‍को” देंमाक्‍त।

उत्पत्ती 24:10

मिनु नोले मेको वाइलम आ होव़प आ दलओंठ १० ओटा लाइश्‍शा, आ होव़प के मारेइ मारेइ रिम्‍शो कोसेली कुरशा लमाक्‍त। मेकेर रे लशा, मेसोपोटामीया रागीमी नाहोर आ बाक्‍तीक सहर, अराम-नहराइम मेर जाक्‍दीम्‍माक्‍त। उत्‍पत्ती ११:२२-३१

अय्‍युब 2:6

मिनु परमप्रभु यावेम सैतान कली “लो मो हना, मेको कली इ मिम्‍शो पावो। तन्‍न मेको कली मसतो” देंमाक्‍त।

प्रस्‍थान 2:15

मिनु फाराओमी “मोसाम इजीप्‍त ङा मुर का साइक्‍तु” देंशो नेंशा, मोसा कली साइक्‍चा माल्‍तु। मोसा चहिं फाराओ आ बाक्‍तीक रे प्रोक्‍शा, मिदयान रागी जाक्‍दीश्‍शा, इनार तारी निश्‍शा बाक्‍‍त।

हितोपदेस 14:29

रीब पा मगाइक्‍ब शुश रुप्‍ब मुर बाक्‍ब। तन्‍न रीब पा गाइक्‍ब मुर मूर्ख दुम्‍शा लाइब। हितोपदेस १६:३२; हितोपदेस १९:११

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

हितोपदेस 27:8

खिं रे ङोन लशो मुर ग्‍योव़ रे ङोन बेरशो चिक्‍ब खोदेंशो बाक्‍ब।

हितोपदेस 29:19

इ गेय पाइब कली लोव़म ला शेंने मचाप्‍नेवे। मारदे हना मेकोमी इ लोव़ रुप्‍तु हना यो मटीब।

उपदेसक 10:4

इ ठेयब मुर इ तशा गाइक्‍ताक्‍व हना यो, इ गेय प‍चा मप्रोनो। सिक्‍सी पा बाक्‍शोनु, ठेयब मरिम्‍शो प‍शो यो जाम्‍शा लाइब।

येरमीया 38:5

मिनु पिप सिदकीयाहम “मेको इन गुइमीन बाक्‍ब। गो इन कली मारेइ पने मचाप्‍नुङ” दे माइक्‍तीमी।

यहोसु 9:25

मुल गो इन गुइमी बाक्‍नीकी। आंइ कली मार पशो नु रिम्‍शो लाक्‍नीनी, मोदेंशोन पन” देंतेक्‍म।

१ पत्रुस 3:7

गे वोंइश मुरपुकी, आंम मीश नु रिम्‍शो पा बाक्‍कीने। मीश मुरपुकी वोंइश मुर खोदेंशो पा बोल्‍यो मबाक्‍नीम, दे तुइक्‍नीनी। मेको मिम्‍शा, इन मीश कली मान पने। मारदे हना गे निम्‍फा परमप्रभु यावे आ शिशी ताइब बाक्‍नीसी। मो पाइतीनी हना, इन पुंइशो लोव़ परमप्रभु यावे आ ङोंइती मतेक्‍सीब। १कोरिन्‍थी ७:५; एफिसी ५:२५