उत्पत्ती 16:11 - Sunuwar Bible

¹¹ मिनु परमप्रभु यावे आ स्‍वर्ग ङा गेय पाइबमी लेंशा “नेनो, गे कोव़ज कुरशो बाक्‍नेवे। तौ का थीनेवे। मेको कली इश्‍माएल नें वोइक्‍चा माल्‍नेवे। मारदे हना परमप्रभु यावेमी इ श्‍येत ताप्‍तु। प्रस्‍थान २:२३; अय्‍युब ३४:२८; भजन संग्रह ९:१३; यसैया ४१:१७; याकूब ५:४

उत्पत्ती 16:11 ပူးပေါင်းရင်းမြစ်များ

उत्पत्ती 17:19

मिनु परमप्रभुमी “ममाइ, इ मीश सारामी थमा पा तौ का थीब। मेको आ नें इसहाक वोइक्‍चा माल्‍नेवे। मेको नु आं कबल पतीक गेना हना यो दुम्‍ब। मेको आ नोले ङा आ तौ चच युइ नु यो लीब।

उत्पत्ती 21:17

मिनु परमप्रभुमी आल आ ङाक्‍शो सेंदा नेना बाक्‍त। मिनु परमप्रभु आ स्‍वर्ग ङा गेय पाइबमी सरीङ रे “हागार, मार दुमे? महिनो। मारदे हना परमप्रभुमी उइ बाक्‍शो इ तौ आ ब्रेश्‍शो नेंतु।

उत्पत्ती 37:25

मिनु शोब्‍ले जथ निस्‍सीमा बाक्‍त। मिनु कोव़ङमेनु, गिलाद सहर रे इश्‍माएल जात ङा ग्‍याप्‍ब लेयब मुर नु आन दलओंठपुकी पिशो तामे बाक्‍त। मेको आन दलओंठपुकीमी मस्‍लापुकी, ख्रेक्‍तीकपुकी नु धूप इजीप्‍तमी लेयचा कली लाइक्‍बाक्‍मा बाक्‍त।

अय्‍युब 38:41

एर ओंथ हिरशो खद आन चाइक्‍बमी जचा मतथु परमप्रभु कली पुन्‍मे नोले सुम मेको आन कली थुल्‍बा?” दे परमप्रभुमी अय्‍युब कली देंमाक्‍त। भजन संग्रह १४७:९

भजन संग्रह 22:24

मारदे हना मेकोमी श्‍येत जाइब आन श्‍येत तशा, आ कुल मख्रुइक्‍थु, आं ब्रेश्‍शो नेंतु। हिब्रू १५:७

प्रस्‍थान 3:7

मिनु परमप्रभु यावेमी “गो इजीप्‍त रागीमी बाक्‍शो आं मुर आन श्‍येत ताता। मेको आन कली गेय पपाइक्‍ब आन पर्बम ङाक्‍नीमी। गो आन ङाक्‍शो नेंता, ताता। गो आन श्‍येत जशो तुइक्‍ताक्‍ङ। प्रस्‍थान २:२३

प्रस्‍थान 3:9

नेनो, गो इस्राएल जात ङा मुर आन ङाक्‍शो नेंता। इजीप्‍त रागी ङा मुरुमी मेको आन कली दिप्‍शा श्‍येत गेम्‍तेक्‍म। गो मेको यो ताता।

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

लूका 1:13

मिनु परमप्रभु यावे आ स्‍वर्ग ङा गेय पाइबमी “जकरिया महिनो। परमप्रभु यावेमी इ पुंइशो गेब। इ मीश एलीशीबाम तौ का थीब। मिनु गे मेको आ नें यूहन्‍ना वोतो।

लूका 1:31

गे मुल कोव़ज कुरशा, तौ का थीनेवे। मिनु इ तौ कली येसु नें वोतो। यसैया ७:१४; मत्ती १:२१-२३

लूका 1:63

जकरियाम ब्रेक्‍तीक का पितीन, दे चाल पा “आं तौ आ नें यूहन्‍ना वोतीने” दे ब्रेक्‍ता बाक्‍त। मिनु नेल्‍ले छक लाक्‍मा बाक्‍त।

१ सामुएल 1:20

मिनु नोले हान्‍नाहम कोव़ज कुरशा, तौ का थिमाक्‍त। मेकोमी आ नें सामुएल वोदा बाक्‍त। मारदे हना मेकोम “गो मेको परमप्रभु यावे नु पुंइशो नङ” देंमाक्‍त।