उत्पत्ती 15:7 - Sunuwar Bible

⁷ मिनु लेंशा अब्राम कली “गो परमप्रभु यावे नङ। गो एको रागी इ कली गेचा कली कल्‍दी ङा ऊर सहर रे ग्रुंइताक्‍न” देंमाक्‍त। उत्‍पत्ती ११:३१; प्रस्‍थान ३:१४; यसैया ४५:५; यूहन्‍ना ८:२४-२९

उत्पत्ती 15:7 ပူးပေါင်းရင်းမြစ်များ

उत्पत्ती 12:1

मिनु परमप्रभु यावेमी अब्राम कली “इ रागी, इ खिं खिं ङा मुर नु इ आफ आ खिं रे लावो। तेको रागी लचा माल्‍नेवे, गो इ कली कोंइ‍नन। गन्‍ती २३:९; प्रेरित ७:३; हिब्रू ११:८

उत्पत्ती 12:7

मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५

उत्पत्ती 28:4

अब्राहाम कली गेशो आसीक मुल इ कली नु इ चच युइ आन कली गेव‍ल। इ मुल बाक्‍शो रागीम अर्को रागी ङा मुर बाक्‍ते, तन्‍न परमप्रभुमी अब्राहाम कली गेप्‍तु। मेको इ कली दुम्‍ल” दे आसीक गेवा बाक्‍त।

उत्पत्ती 50:24

मिनु योसेफमी आ लोक्‍ब आन कली “गो बेक्‍नुङ। परमप्रभुमी इन कली कोव़ब। परमप्रभुमी अब्राहाम, इसहाक नु याकूब कली ‘इन कली कनान रागी लेप्‍पाइक्‍नुङ’ दे कसम जशा, लोव़ पशो बाक्‍ब” देंमाक्‍त।

भजन संग्रह 105:11

मेकोमी “गो इ कली कनान रागी गेनुङ। मेको इन के दुम्‍ब” देंशो बाक्‍त। उत्‍पत्ती १२:७

भजन संग्रह 105:42

मारदे हना परमप्रभुमी आ थोक्‍शा पशो लोव़ नु आ गेय पाइब, अब्राहाम कली मिम्‍ता बाक्‍त।

भजन संग्रह 105:44

मिनु परमप्रभुमी रागी रागी ङा मुर आन रागी नु आन शोंप मेको आन कली गेमी बाक्‍त।

प्रस्‍थान 32:13

इन गेय पाइब अब्राहाम, इसहाक नु याकूब मिम्‍तीने। मेको आन पर्बम इन नेंमी ‘गो इन कली सरीङ ङा सोरुल खोदेंशो पा शुश सेल्‍नुङ। आं देंशो रागी इन चच युइ आन कली गेनुङमी। मिनु एको रागी गेना हना यो मेको आन के दुम्‍ब’ दे कसम जाइतीनी” दें‍त। उत्‍पत्ती १५:५; उत्‍पत्ती २२:१६-१७; उत्‍पत्ती २६:४

गन्‍ती 33:53

गे मेको रागी इन के सेल्‍शा, मेक उइ बाक्‍कीन। मारदे हना गो मेको रागी इन कली गेता।

रोमी 4:13

परमप्रभु यावेमी अब्राहाम कली अरेशो लोव़ टितीके लोव़ मगेशो बाक्‍त। तन्‍न थमा सुइश्‍शो तशा “इ चच युइ शुश दुम्‍शा, रागी नेल्‍ल ब्रीनीम” दे लोव़ गेशो बाक्‍त। उत्‍पत्ती २२:१७-१८

ब्‍यवस्‍था 3:18

मेना गो इन कली ‘परमप्रभु यावे, इन परमप्रभुमी एको रागी इन के दुम्‍चा कली गेशो बाक्‍ब। मो हना यो इन दाते ङा लडाइ पाइब वोंइश मुरपुकी इन या पिम्‍सीशा, इन लोक्‍ब इस्राएली आन ङोंइती यर्दन खोला शोक्‍चा माल्‍नीनी।

ब्‍यवस्‍था 9:5

गेपुकी इन ठीक पतीक नु इन ठीक थुं दुम्‍तीके मेको आन रागी इन के सेल्‍चा तशो मननी। तन्‍न मेको रागी रागी ङा मुर आन मरिम्‍शो पतीके परमप्रभु यावे, इन परमप्रभुमी मेको आन कली खेरब। मिनु इन किकी पिप अब्राहाम, इसहाक नु याकूब नु जशो कसम खाप्‍चा कली मो पाइब। ब्‍यवस्‍था ६:२५