उत्पत्ती 15:12 - Sunuwar Bible

¹² मिनु नां रिक्चावानु, अब्राम मारेइ मतुइक्‍चा ङा पा निन्‍द्रा पवा बाक्‍त। मिनु शुश हिंचा माल्‍शो आ एर ओंथ नेल्‍ल छिङछिङ दुम्‍माक्‍त। उत्‍पत्ती २:२१; १सामुएल २६:१२; यसैया २९:१०

उत्पत्ती 15:12 ပူးပေါင်းရင်းမြစ်များ

उत्पत्ती 15:11

मिनु ठेयब चिक्‍बपुकी मेको श्‍ये तशा, जुक्‍तमे बाक्‍त। तन्‍न अब्राममी “हाइ हाइ” दे ग्रीशा खेरमी बाक्‍त।

उत्पत्ती 2:21

मिनु परमप्रभु यावेमी आदम कली मारेइ मतुइक्‍चा ङा पा निन्‍द्रा पपदा बाक्‍त। मिनु मेको के जेरी का शोला बाक्‍त। मिनु मेको पोव़ला कली श्‍येमी सुवा बाक्‍त।

उत्पत्ती 28:11

मिनु बाक्‍तीके का जाक्‍दीश्‍शा, नाक्‍दो मेकेर बाक्‍माक्‍त। मारदे हना नां रिक्‍माक्‍त। मिनु फुल्‍लु तार आ पिया वोइश्‍शा इम्‍माक्‍त।

अय्‍युब 33:15

ङोमुमी, नाक्‍दो ततीकेमी, निन्‍द्रा पशोनु, बेक्‍शा लाइब मुर ब्राख्‍येम गोल्‍शा इम्‍‍मानु, अय्‍युब ४:१२-१६

प्रेरित 20:9

मेकेर युतीकस नें पाइश्‍शो ठिटा मुर का झेलमी निश्‍शो बाक्‍त। मिनु पावलमी शेंना शेंन शुश लाइश्‍शो लोव़ पवानु, युतीकस मुकु जिशा निन्‍द्रा पाप्‍तु। मिनु तला सां तार रे दोक्‍त। मिनु मुरपुकी कोव़थ लमानु, बेक्‍ने थुम्‍शो थित्‍तेक्‍म।

१ सामुएल 26:12

मिनु दाऊदम मेको आ पिया आ नेक्‍था बाक्‍शो तूतीक नु आ ब्‍वाक्‍क तूतीक कुरशा गाक्‍सा बाक्‍त। सुइमी मेको आस कली मतामे बाक्‍त। मिनु सुइ मसेंसीमा बाक्‍त। मारदे हना परमप्रभु यावेम मेको आन कली मारेइ मतुइक्‍चा ङा पा निन्‍द्रा पपदा बाक्‍त। उत्‍पत्ती १५:१२