उत्पत्ती 13:8 - Sunuwar Bible

⁸ मिनु अब्राममी लोत कली “गो पोबु नस। जिचा मदुम्‍ब। इ गोठलापुकी नु आं गोठलापुकी यो जिचा मदुम।

उत्पत्ती 13:8 ပူးပေါင်းရင်းမြစ်များ

उत्पत्ती 13:9

गे नु गो ब्राचा रिम्‍शो दुम्‍ब। एको रागी नेल्‍ल इ ङोंइती बाक्‍ब। गे पेरा गे लते हना, गो ग्‍युरा गे लाइनुङ। गे ग्‍युरा गे लते हना, गो पेरा गे लाइनुङ” देंमाक्‍त।

उत्पत्ती 14:14

मिनु अब्राममी आ लोक्‍ब आ तौ ग्‍याइश्‍शो नेंशा, आ खिंमी जरमेशो सहे सां १८ जना लडाइ पचा कली शेंसीशो मुर कली या गेशा, ठीक पवा बाक्‍त। मिनु मेकोपुकीमी रोइक्‍ब आन कली दान सहर सम्म खेदा पामे बाक्‍त। यहोसु १९:४७; न्‍यायाधीस १८:२९

उत्पत्ती 45:24

मिनु लचा ङोंइती मेको आन कली “लांमी मजिने” दे अरेवा बाक्‍त। उत्‍पत्ती ४२:२२

उत्पत्ती 46:34

गेपुकीमी ‘इन गेय पाइब आन आल रेन मुल सम्‍म बस्‍तु भाव थुल्‍ब बाक्‍नीम। आंइ किकी पिपी यो मोदेंशो गेय पशो बाक्‍मा बाक्‍त’ देंचा माल्‍नीनी। नोले मेकोमी इन कली गोशेनमी बाक्‍तीके गेब। मारदे हना इजीप्‍त ङा मुर गोठला आन कली तशा ग्रांग्रा दीनीम” दे योसेफमी आ लोक्‍ब आन कली देंमाक्‍त। उत्‍पत्ती ४३:३२

भजन संग्रह 133:1

लोक्‍बपुकी गारशा बाक्‍चा शुश रिम्‍शो बाक्‍ब। उत्‍पत्ती १३:८

प्रस्‍थान 2:13

आ दीसा मोसा लेंशा हिरथ लमेनु, हिब्रू निक्‍शी जिशा तुम्‍मुशो ताप्‍तु। मिनु मोसामी मरिम्‍शो पाइब कली “मारदे आंम लोक्‍ब कली तुबी?” दे हिल्‍लो पाप्‍तु।

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

हितोपदेस 15:18

शुश गाइक्‍ब मुरुमी जिचा पोक्‍ब। तन्‍न रीब पा मगाइक्‍ब मुरुमी जितीके तेक्‍ब।

हितोपदेस 20:3

राम्‍शी पतीक रे ङोन बाक्‍ब मुरुमी मान ताइब। तन्‍न मूर्ख नेल्‍ल रीब पा राम्‍शी पाइब बाक्‍नीम।

मत्ती 5:9

दुशा गारशा बाक्‍बपुकी आसीक राइनीम। मारदे हना परमप्रभु यावे आ तमी तौ देंचा पुंइसीनीम। हिब्रू १२:१४

प्रेरित 7:26

मिनु आ दीसा मोसा लेंशा मेक जाक्‍दीम्‍मेनु, इस्राएली निक्‍शी आस कली जिशो तवा बाक्‍त। मिनु मेको आस कली ‘गे निक्‍शी, वोबु दुम्‍शा यो जिनीसी?’ देंमाक्‍त।

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

फिलिप्‍पी 2:14

गेपुकीमी सुंइच मपथु, दाल्‍‍गीर मपथु, गेय पने।

१ थिस्‍सलोनिकी 4:9

थमा सुइक्‍ब लोक्‍ब आन दाक्‍मुतीके आ पर्बम सुइ मुरुमी इन कली ब्रेक्‍चा ममाल्‍ब। मारदे हना परमप्रभु यावेमी इन कली दाक्‍मुचा माल्‍नीनी, दे आंमान शेंशो बाक्‍त। यूहन्‍ना १३:३४; लेवी १९:१८

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

हिब्रू 13:1

लोक्‍ब खोदेंशो पा दाक्‍मुशा गारशा बाक्‍कीन। यूहन्‍ना १३:३४; २पत्रुस १:७

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 2:17

मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।

१ पत्रुस 4:8

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०

२ पत्रुस 1:7

परमप्रभु यावे खोदेंशो पा गेय पशा, थमा सुइक्‍ब आन कली आंम इन लोक्‍ब खोदेंशो पचा माल्‍नीनी। लोक्‍ब खोदेंशो पा दाक्‍चा माल्‍नीनी। गलाती ६:१०

१ यूहन्‍ना 4:7

आं दाक्‍शो लोक्‍बपुकी, दाक्‍मुय। मारदे हना परमप्रभु यावेमी थमा सुइक्‍ब आन कली दाक्‍मुपाइक्‍ब। सुमी दाक्‍बा, मेको परमप्रभु यावे आ आल दुम्‍शा, परमप्रभु यावे कली तुइक्‍ब।

न्‍यायाधीस 9:26

मिनु एबेद आ तौ गाल नु आ खिं खिं ङा मुर शेकेममी बाक्‍चा कली जाक्‍मा बाक्‍त। मिनु शेकेम ङा ठेयब मुरपुकीमी गाल कली थमा सुइश्‍शा, दाक्‍चा गोव़मे बाक्‍त।